ຮູ້ຫຼືບໍ່ ປະເທດທີ່ມີນາງງາມຈັກກະວານຫຼາຍທີ່ສຸດແມ່ນປະເທດໃດ ?

ຮູ້ຫາກເວົ້າເຖິງເວທີການປະກວດອັນຊົງກຽດທີ່ສ້າງຄວາມພາກພູມໃຈໃຫ້ແກ່ຜູ້ຍິງຫຼາຍໆຄົນຈາກທົ່ວໂລກ, ກໍ່ຕ້ອງນຶກເຖິງເວທີການປະກວດນາງງາມຈັກກະວານ ຫຼື ມິດຢູນິເວີດ ທີ່ເອີ້ນໄດ້ວ່າເປັນຄວາມໄຝ່ຝັນຂອງຜູ້ຍິງຫຼາຍໆຄົນ,ທີ່ຢາກໄປຢູ່ຈຸດນັ້ນ ໂດຍເວທີປະກວດນາງງາມຈັກກະວານນີ້ໄດ້ຕັ້ງຂື້ນແຕ່ປີ 1952 ປະເທດສະຫາລັດອາເມລິກາ ຊຶ່ງໄດ້ຈັດການປະກວດຂື້ນຄັ້ງທໍາອິດໂດຍ ບໍລິສັດ ແປຊີຟິກມິດສຊຶ່ງເປັນບໍລິສັດເສື້ອຜ້າຈາກ ແຄລິຟໍເນຍ ແລະໄດ້ມີການປະກວດເວທີນາງງາມຈັກກະວານຕັ້ງແຕ່ນັ້ນຈົນມາເຖິງປັດຈຸບັນນີ້.

ຊຶ່ງຕະຫຼອດໄລຍະເວລາຕັ້ງແຕ່ເລີ່ມຕົ້ນທີ່ມີການປະກວດນາງງາມຈັກກະວານຂື້ນ ເວົ້າໄດ້ວ່າມີສາວງາມຫຼາຍໜ້າຫຼາຍຕາ, ລວມເຖິງຫຼາຍສັນຊາດ ແລະ ຫຼາຍເຊື້ອຊາດທີ່ໄດ້ຂື້ນໄປຢືນຢູ່ເທິງເວທີປະກວດອັນຊົງກຽດນີ້

ສ່ວນປະເທດທີ່ໄດ້ຂື້ນຊື່ວ່າເປັນປະເທດທີ່ມີນາງງາມຈັກກະວານຫຼາຍທີ່ສຸດແມ່ນປະເທດສະຫາລັດອາເມລິກາ, ນັ້ນເອງ ໂດຍມີສາວງາມທັງໝົດ 8ຄົນ ເຊິ່ງເອີ້ນໄດ້ວ່າເກືອບສະນະສາວງາມຈາກປະເທດເວເນຊຸເອລາ, ໄປພຽງ 2ຄົນ ເທົ່ານັ້ນໂດຍແຕ່ລະສາວງາມກ່ວາຈະຜ່ານດ່ານມາເຖິງເວທີນີ້ໄດ້ຕ້ອງໄດ້ໃຊ້ທັງຮູບຮ່າງໜ້າຕາ, ລວມທັງຄວາມສາມາດ, ສະຕິປັນຍາ,ພິບໄຫວຫຼາຍໃນການແຂ່ງຂັນ ແລະ ການຕອບຄໍາຖາມຊຶ່ງແຕ່ລະຄົນທີ່ໄດ້ເປັນນາງງາມຈັກກະວານນີ້ ເອີ້ນໄດ້ວ່າບໍ່ທໍາມະດາເລີຍທີ່ດຽວ.