ຮືຮາ!!ບາຊາຢາກໄດ້ຄາຍຮ່ວມທີມ

 

ເດິ ຊັນ ສື່ຂອງເມືອງຜູ້ດີລະບຸວ່າ ບາເຊໂລນາ ຈ້ອງດຶງ ນາທານຽວ ຄາຍ ຟູແບັກຂອງ ລີເວີພູ ໄປເສີມທັບໃນຊ່ວງເດືອນມັງກອນນີ້ ຫຼັງຈາກທີ່ ຫຼຸຍ ເອັນຣິເກ ຍັງບໍ່ພໍໃຈກັບຝີຕີນທັງຂອງ ເຊກີ ໂຣແບໂຕ ແລະ ອະເລັກ ບິເດົາ.

 

ບາເຊໂລນາ ສະໂມສອນຍັກໃຫຍ່ຂອງ ລາ ລີກາ ສະເປນກຳລັງຄິດທີ່ຈະເດີນໜ້າດຶງໂຕ ນາທານຽວ ຄາຍ ແບັກຂວາຂອງ ລີເວີພູ ໄປຮ່ວມທັບໃນຕະຫຼາດຊື້ຂາຍນັກເຕະຮອບສອງເດືອນມັງກອນເປີດຂຶ້ນ ຕາມການລາຍງານຂອງ ເດິ ຊັນ ສື່ຊື່ດັງຂອງປະເທດອັງກິດ.

 

ບາຊາ ຕ້ອງເສຍ ແດນນຽວ ອາວເວສ ແບັກຂວາເລືອດແຊມບາໄປເມື່ອຊ່ວງຊຳເມີທີ່ຜ່ານມາເຊິ່ງພວກເຂົາກໍໃຫ້ ເຊກີ ໂຮແບໂຕ ກັບ ອະເລັກ ບິເດົາ ໄປທົດແທນຊ່ອງວ່າງດັ່ງກ່າວ ແຕ່ມີການເປີດເຜີຍວ່າ ຫຼຸຍ ເອັນຣິເກ ນາຍໃຫຍ່ຂອງທີມຍັງບໍ່ຖືກໃຈຟອມການຫຼິ້ນຂອງທັງສອງຄົນ.

 

ທັງນີ້ ເດິ ຊັນ ເສີມວ່າຖ້າໄດ້ ຄາຍ ໄປຮ່ວມທີມແລ້ວນັ້ນ ເອັນຣິເກ ກໍຈະໃຫ້ດາວເຕະທີມຊາດອັງກິດເປັນຕົວຈິງທັນທີໂດຍເຖິງວ່າບໍ່ດົນມານີ້ ບາເຊໂລນາ ຈະມີຂ່າວກັບ ເກລັນ ຈອນສັນ ແບັກຂວາຂອງ ສະໂຕກ ຊີຕີ ຄືກັນ ແຕ່ທີມດັງຈາກຖິ່ນ ແຄມນູ ຢາກໄດ້ອະດີດແຄ່ງ ເຊົາແຮມຕັນ ຫຼາຍກວ່າເພາະເຂົາຫາກໍອາຍຸ 25 ປີເທົ່ານັ້ນ ແລະ ຍັງມີໄວທີ່ດີເລີດອີກ.