ຮັບມືກັບວັນວາເລັນທາຍ ກ່ອນທີ່ຈະກາຍເປັນແມ່ຄົນແບບບໍ່ພ້ອມ

ບໍຮູ້ວ່າຄ່ານິຍົມຕ້ອງມີເພດສຳພັນກັນໃນວັນວາເລັນທາຍ ລະຫວ່າງຄູ່ຮັກນັ້ນເກີດຂຶ້ນມາຕັ້ງແຕ່ມື້ໃດ ແຕ່ທີ່ສຳຄັນມັນໄດ້ກາຍເປັນອີກໜຶ່ງປັດໄຈທີ່ເຮັດໃຫ້ໄວໜຸ່ມສ່ຽງຕໍ່ການຖືພາກ່ອນໄວອັນຄວນ ແລະສ່ຽງຕໍ່ການຕິດເຊື້ອພະຍາດທາງເພດສຳພັນ ທັງເປັນການປະພຶດທີ່ຜິດຕໍ່ຮີດຄອງປະເພນີອັນດີງາມຂອງຊາດອີກດ້ວຍ.

ລອງມາເບິ່ງວິທີເຫຼົ່ານີ້ທີ່ຈະຊ່ວຍໃຫ້ສາວໆຕັດສິນໃຈປະຕິເສດການມີເພດສຳພັນກັບຄົນຮັກຢ່າງໄດ້ຜົນຫຼາຍຂຶ້ນ.

1. ການຄິດວ່າເລື່ອງນີ້ມັນຈະບໍ່ເກີດຂຶ້ນກັບຂ້ອຍເດັດຂາດ ນັ້ນບໍ່ແມ່ນເລື່ອງທີ່ສະຫຼາດປານໃດ. ທາງທີ່ດີຕ້ອງມີແຜນການຮັບມືກັບວັນວາເລນທາຍທີ່ສາມາດປະຕິດບັດໄດ້

2. ຈົ່ງເຊື່ອວ່າ ເຮົາຄືພະເຈົ້າຂອງເຮົາເອງ ບໍ່ມີໃຜສາມາດບັງຄັບໃຫ້ເຮົາເສຍຕົວໄປຖ້າເຮົາບໍ່ຕ້ອງການ

3. ຄິດເຖິງຄວາມຮັກຄວາມຫ່ວງໃຍ, ຄວາມເສຍໃຈຂອງພໍ່ແມ່ ແລະຄອບຄົວ ຫາກເຮົາປະພຶດຜິດຮີດຜິດຄອງ ໂດຍສະເພາະຖ້າຫາກຖຶພາກ່ອນແຕ່ງງານ

4. ການຄິດວ່າໃຜໆກໍເສຍຕົວໃນມື້ວາເລນທາຍຄືກັນ ເປັນຄວາມຄິດທີ່ບໍ່ຖືກຕ້ອງດອກ ຄົນດີໆ ແລະຄົນສ່ວນຫຼາຍເຂົາບໍ່ໄດ້ເອົາກັນໃນມື້ນັ້ນ.

5. ການຄິດວ່າ ເຊັກເຮັດໃຫ້ລາວເປັນຂອງເຮົາ ນັ້ນໄດ້ຮັບການພິເສດແລ້ວວ່າບໍ່ແມ່ນຄວາມຈິງ ບໍ່ມີໃຜສາມາດເອົາຕົວໄປຜູກຜູ້ຊາຍໄວ້ ເຖິງວ່າຈະແມ່ນພົມມະຈັນກໍຕາມເທາະ. ສິ່ງໃດທີ່ໄດ້ມາງ່າຍໆ ກໍເສຍໄປງ່າຍໆເຊັ່ນດຽວກັນ ນີ້ຄືແນວຄິດຜູ້ຊາຍສ່ວນຫຼາຍ

6. ຈົ່ງຮັກ ແລະເຄົາລົບໃນສັກສີຂອງລູກຜູ້ຍິງ

7. ມີເຫດຜົນອີກຕັ້ງຫຼາຍຂໍ້ທີ່ຈະສາມາດປະຕິເສດໄດ້ ຫາກຝ່າຍຊາຍຂໍມີຫຍັງນຳ ແຕ່ເຈົ້າຕ້ອງເຂັ້ມແຂງ, ໜັກແໜ້ນ ແລະຈິງຈັງ ຖ້າລາຍຍັງຊູຊີບໍ່ເຊົາກໍໃຫ້ເລີກເທາະ! ູຄົນແບບນີ້ມີແວວບໍ່ຈິງໃຈແລ້ວລະ

8. ກໍລະນີທີ່ເຈົ້າຕອບຕົກລົງ ກ່ອນໜ້າມື້ສຳຄັນແລ້ວ ກໍຄວນມານັ່ງຄິດຄືນດີໆ ບໍ່ຕ້ອງລັງເລຖ້າເຈົ້າຈະປີ້ນຄວາມ ຫຼືປະຕິເສດລາວ ເພາະມັນບໍ່ໄດ້ຜິດກົດໝາຍມາດຕາໃດ.

9. ຢ່າປ່ອຍໃຫ້ເຈົ້າກັບລາວຢູ່ບັນຍາກາດທີ່ເປັນໃຈ ຫຼືບ່ອນທີ່ສ່ຽງ ເປັນຕົ້ນແມ່ນຢູ່ໃນກັນສອງຕໍ່ສອງໃນບ່ອນລັບຕາຄົນ.

10. ບໍ່ດື່ມເຫຼົ້າເບຍຈົນເມົາໜັກເພາະຈະເຫດໃຫ້ຂາດສະຕິທັງສອງຄົນ. ຜູ້ຊາຍສ່ວນໃຫຍ່ເມົາກ່ອນຈະຂົ່ມຂືນຜູ້ຍິງ, ຜູ້ຍິງສ່ວນໃຫຍ່ຈະເມົາກ່ອນເສຍຕົວ.

11. ຢ່າຄິດວ່າເຈົ້າຕ້ອງມີເພດສຳພັນແລກປ່ຽນກັບການທີ່ເຂົາຊື້ຂອງຂວັນລາຄາແພງມາໃຫ້.

12. ຖ້າເຈົ້າຄິດດີ ແລະພ້ອມແລ້ວທີ່ຈະເສຍຕົວ ກໍຢ່າລືມຫາວິທີປ້ອງກັນ ຢ່າໄດ້ລືມເດັດຂາດ!