ຮັກຫຼົ້ມຄັ້ງທີ່ 4 ຂອງ Halle Berry ແລະ Olivier Martinez

ໃນທີ່ສຸດຄວາມຮັກກັບສາມີຄົນທີ່ 4 ຂອງ  Halle Berry ກໍ່ຫຼົ້ມບໍ່ເປັນທ່າອີກຄັ້ງ ເມື່ອລາວ ແລະ Olivier Martinez ໄດ້ອອກປະກາດຢ່າກັນເມື່ອວັນອັງຄານທີ່ຜ່ານມາ ຫຼັງໃຊ້ຊີວິດຄູ່ດົນ 2 ປີ ແລະ ມີລູກຊາຍນຳກັນ 1 ຄົນ

Martinez ກ່າວວ່າ ມັນເປັນເລື່ອງທີ່ລຳບາກໃຈຫຼາຍທີ່ພວກເຮົາຕັດສິນໃຈຢ່າກັນ ແຕ່ພວກເຮົາກໍ່ຍັງດຳເນີນຊີວິດຕໍ່ໄປດ້ວຍຄວາມຮັກ ແລະ ເຄົາລົບກັນ ແລະ ກັນ ແລະ ຊ່ວຍເຫຼືອກັນເບິ່ງແຍງລູກຊາຍຂອງພວກເຮົາໃຫ້ດີທີ່ສຸດ ພວກເຮົາກໍ່ໄດ້ແຕ່ຫວັງວ່າໃຫ້ອີກຝ່າຍມີຄວາມສຸກ ແລະ ຫວັງວ່າທຸກຄົນຄົງຈະເຄົາລົບໃນການຕັດສິນໃຈຂອງພວກເຮົາ

ຂະນະທີ່ແຫຼ່ງຂ່າວຈາກ People ບອກວ່າ ເຫດຜົນທີ່ພວກເຂົາຢ່າກັນມາຈາກຄວາມໃຈຮ້າຍແຮງທີ່ສຸມທັບຖົມກັນມາຂອງ Martinez ທັງສອງແຍກກັນຢູ່ຫຼາຍຄັ້ງຈົນໃນທີ່ສຸດກໍ່ນຳໄປສູ່ການຢ່າ ດ້ານ TMZ ກໍ່ບອກວ່າ Berry ຕ້ອງການເປັນຝ່າຍຟ້ອງຢ່າ ເຊິ່ງເລື່ອງທີ່ເຮັດໃຫ້ທັງສອງຖຽງກັນຢ່າງໜັກກໍ່ຄືຄະດີຟ້ອງຮ້ອງທຳຮ້າຍຮ່າງກາຍເຈົ້າທີ່ສະໜາມບິນ LA ເມື່ອເດືອນມັງກອນ ແຫຼ່ງຂ່າວຍັງບອກອີກວ່າທັງສອງມີນິໄສສ່ວນຕົວທີ່ແຕກຕ່າງກັນຢ່າງຊິ້ນເຊີງ

ທັງສອງ ໝັ້ນໝາຍກັນໃນປີ 2012 ກ່ອນຈະແຕ່ງງານກັນໃນເດືອນ ກໍລະກົດ ປີ 2013 ແລະ ດາລາສາວໄດ້ອອກລູກຊາຍ Maceo Robert Martinez  ໃນເດືອນຕຸລາປີດຽວກັນ ກ່ອນໜ້ານີ້ ລາວເຄີຍແຕ່ງງານມາແລ້ວ 2 ຄັ້ງ ແລະ ມີລູກສາວ 1 ຄົນກັບສາມີຄົນທີ 3 ຄື Gabriel Aubry  ແຕ່ບໍ່ໄດ້ແຕ່ງງານກັນ

=============================

ຂໍໍຂອບໃຈຂໍ້ມູນຈາກ http://www.dailymail.co.uk/

ຂອບໃຈຮູບຈາກ gettyimages.com

ແປແລະຮຽບຮຽງໂດຍ http://gossipstar.mthai.com