ຮອງປະທານ ບາເຊໂລນາ ເຜີຍຍັງບໍ່ມີການສົນທະນາເລື່ອງຕໍ່ສັນຍາ ເນມາ

ຈໍດີ້ ເມສເຕຣ້ ຮອງປະທານ ບາເຊໂລນາ ລະບຸເອງວ່າ ຈົນຮອດຕອນນີ້ຍັງບໍ່ມີການສົນທະນາກັນກ່ຽວເລື່ອງສັນຍາສະບັບໃໝ່ກັບ ເນມາ ເລີຍ ແລະ ຍັງບໍ່ໄດ້ມີການຍື່ນຂໍ້ສະເໜີຫຍັງທັງສິ້ນ.

ຈໍດີ້ ເມາເຕຣ້ ຮອງປະທານ ບາເຊໂລນາ ສະໂມສອນຍັກໃຫຍ່ແຫ່ງ ລາ ລີກາ ສະເປນ ເປີດເຜີຍວ່າຈົນຮອດຕອນນີ້ທາງທີມຍັງບໍ່ໄດ້ເຮັດການເຈລະຈາເລື່ອງຕໍ່ສັນຍາກັບ ເນມາ ຫົວຫອກຊຸບເປີ້ສະຕາຂອງທີມແຕ່ຢ່າງໃດ.

ນັກເຕະອາຍຸ 23 ປີ ຍ້າຍຈາກ ຊານໂຕສ ມາຢູ່ກັບ “ອາຊຸນກຣານາ” ເມື່ອປີ 2013 ແລະ ເຊັນສັນຍາກັບທີມເປັນເວລາ 5 ປິ ເຊິ່ງດາວເຕະຊາດ ບຣາຊິວ ກໍເຮັດຜົນງານໄດ້ໜ້າປະທັບໃຈ ຈົນເຮັດໃຫ້ມີຂ່າວວ່າ ແມນເຊສເຕີ້ ຢູໄນເຕັດ ສົນໃຈຈະດຶງໂຕໄປຮ່ວມທັບ.

ເປັນບ່ອນເຊື່ອກັນວ່າເລື່ອງດັ່ງກ່າວເຮັດໃຫ້ ບາເຊໂລນາ ຮີບດຳເນີນເລື່ອງເຊັນສັນຍາສະບັບໃໝ່ກັບ ເນມາ ເປັນການດ່ວນ ໂດຍທີ່ນັກເຕະຕ້ອງການຄ່າເມື່ອຍຫຼາຍກວ່າເກົ່າ ເຊິ່ງເມື່ອລວມກັບດ້ານອື່ນໆແລ້ວມັນກໍຈະເຮັດໃຫ້ເຂົາມີລາຍໄດ້ເກືອບເທົ່າ ລີໂອເນວ ເມສຊີ ດາວຍິງຄົນດັງຂອງທີມ.

“ເຮົາຍັງບໍ່ໄດ້ສົນທະນາຫຍັງກັນທັງນັ້ນກັບ ເນມາ ແລະ ບໍ່ມີການຍື່ນຂໍ້ສະເໜີຢ່າງເປັນທາງການ ລວມເຖິງບໍ່ມີການສົນທະນາຢ່າງເປັນທາງການພ້ອມ” ເມສເຕຣ້ ໃຫ້ສຳພາດກັບ ມຸນໂດ ເດປໍຕິໂບ ສື່ດັງຂອງແຄວ້ນ ກາຕາລັນ.

..............................................................................................................................................................................