ຮອງນາຍົກລັດຖະມົນຕີເນັ້ນໃຫ້ຜູ້ພັດທະນາໂຄງການໄຟຟ້ານ້ຳອູ 6 ແລະ ນ້ຳອູ 7 ເອົາໃຈໃສ່ບັນຫາສິ່ງແວດລ້ອມ ແລະ ສັງຄົມໃຫ້ດີ

ໃນໂອກາດເຄື່ອນໄຫວຢ້ຽມຢໃນໂອກາດເຄື່ອນໄຫວຢ້ຽມຢາມເບິ່ງຄວາມຄືບໜ້າຂອງການກໍ່ສ້າງໂຄງການໄຟຟ້ານ້ຳອູ 6 ແລະ ນ້ຳອູ 7 ທີ່ແຂວງຜົ້ງສາລີ ຂອງທ່ານຮອງນາຍົກລັດຖະມົນຕີ ສອນໄຊ ສີພັນດອນ ເມື່ອວັນທີ 11 ເມສານີ້ ໂດຍທ່ານໄດ້ແນະນຳໃຫ້ຜູ້ພັດທະນາໂຄງການດັ່ງກ່າວທີ່ແມ່ນການລົງທຶນຮ່ວມລະຫວ່າງບໍລິສັດຊີໂນໄຮໂດຣ ສປ ຈີນ ຖືຮຸ້ນ 85% ແລະ ລັດວິສາຫະກິດໄຟຟ້າລາວຖືຮຸ້ນ 15% ນັ້ນ ຕ້ອງໄດ້ເອົາໃຈໃສ່ໂຄສະນາໃຫ້ປະຊາຊົນເຫັນໄດ້ຄວາມສຳຄັນຂອງໂຄງການ ແລະ ເຂົ້າຮ່ວມສະໜັບສະໜູນຢ່າງເປັນຂະບວນ ແລະ ເອົາໃຈໃສ່ຈັດຕັ້ງປະຕິບັດການຊົດເຊີຍ ແລະ ຊ່ວຍເຫລືອປະຊາຊົນຜູ້ໄດ້ຮັບຜົນກະທົບໃຫ້ດີ ແລະ ຖືກຕ້ອງຕາມລະບຽບຫລັກການ, ມີຄວາມເປັນເອກະພາບ ແລະ ສອດຄ່ອງກັບນະໂຍບາຍສົ່ງເສີມການຜະລິດເປັນສິນຄ້າຂອງລາວ, ແທດເໝາະກັບໂຄງການຄ້ຳປະກັນສະບຽງອາຫານ, ສຸມໃສ່ການປູກ-ການລ້ຽງໃຫ້ຖືກຕາມເງື່ອນໄຂ ແລະ ຄວາມອາດສາມາດບົ່ມຊ້ອນຕົວຈິງຂອງທ້ອງຖິ່ນ, ຄວາມຕ້ອງການຂອງຕະຫລາດ, ເອົາໃຈໃສ່ເກັບກູ້ໄມ້ອອກຈາກເຂດນ້ຳຖ້ວມຂອງອ່າງ ເພື່ອບໍ່ໃຫ້ມີການສູນເສຍຊັບພະຍາກອນປ່າໄມ້ ແລະ ຜົນກະທົບຕໍ່ສັດນ້ຳ ແລະ ເອົາໃຈໃສ່ຕື່ມໃນການວາງແຜນພັດທະນາບໍລິເວນອ່າງໃຫ້ກາຍເປັນເຂດການປະມົງ ແລະ ການທ່ອງທ່ຽວທີ່ຍືນຍົງ, ຮູ້ວາງແຜນນຳໃຊ້ນ້ຳເພື່ອກະສິກຳໃຫ້ມີຜົນປະໂຫຍດສູງ, ເອົາໃຈໃສ່ສ້າງຖະໜົນຫົນທາງ ແລະ ພັດທະນາບ້ານປະຊາຊົນທີ່ໄດ້ຮັບຜົນກະທົບໃຫ້ສາມາດໄປມາຫາສູ່ ແລະ ມີບ່ອນທຳມາຫາກິນທີ່ສະດວກສະບາຍ ແລະ ເອົາໃຈໃສ່ສ້າງລະບົບພະຍາກອນອາກາດ ແລະ ບໍລິຫານຈັດການນ້ຳ ເພື່ອສາມາດຮັບມືກັບສະພາບການປ່ຽນແປງຂອງດິນຟ້າອາກາດໃຫ້ມີປະສິດທິຜົນ.

ໂຄງການພັດທະນາເຂື່ອນໄຟຟ້າດັ່ງກ່າວ ມີໄລຍະສຳປະທານ 29 ປີ ນັບແຕ່ມື້ເລີ່ມຜະລິດ ແລະ ຈຳໜ່າຍກະແສໄຟຟ້າເປັນຕົ້ນໄປ. ສຳລັບໂຄງການນ້ຳອູ 6 ແມ່ນໄດສຳເລັດການກໍ່ສ້າງ ແລະ ຜະລິດກະແສໄຟຟ້ານັບແຕ່ປີ 2016 ເປັນຕົ້ນມາ ດ້ວຍກຳລັງຕິດຕັ້ງ 180 ເມກາວັດ ເຊິ່ງມີມູນຄ່າການລົງທຶນທັງໝົດ 380 ລ້ານໂດລາສະຫະລັດ, ສ່ວນໂຄງການນ້ຳອູ 7 ແມ່ນສຳເລັດການກໍ່ສ້າງພຽງປະມານກວ່າ 10% ພາຍຫລັງລົງມືມາເປັນໄລຍະໜຶ່ງ ດ້ວຍກຳລັງຕິດຕັ້ງ 210 ເມກາວັດ ຄາດວ່າຈະໃຫ້ສຳເລັດການກໍ່ສ້າງ ແລະ ຜະລິດກະແສໄຟຟ້າເປັນທາງການໃນປີ 2020 ເພື່ອຕອບສະໜອງກະແສໄຟຟ້າໃຫ້ບັນດາແຂວງພາກເໜືອ ປະກອບສ່ວນຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນ.າມເບິ່ງຄວາມຄືບໜ້າຂອງການກໍ່ສ້າງໂຄງການໄຟຟ້ານ້ຳອູ 6 ແລະ ນ້ຳອູ 7 ທີ່ແຂວງຜົ້ງສາລີ

 

ທີ່ມາ: ໜັງສືພີມລາວພັດທະນາ Laophattana News