ຮອງນາຍົກຍາດເວລາພົບປະໂອ້ລົມກັບບັນດາຜູ້ນໍາອາຊຽນ

ລະຫວ່າງກອງປະຊຸມສຸດຍອດອາຊຽນ-ສະຫະລັດສະໄໝພິເສດທີ່ ລັດແຄລິຟໍເນຍ ສະຫະລັດອາເມລິກາ (15-16 ກຸມພາ 2016), ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດແຫ່ງ ສປປ ລາວໄດ້ຍາດເວລາພົບປະ, ໂອ້ລົມເພື່ອແລກປ່ຽນທັດ ແລະ ຄວາມຄິດເຫັນຮ່ວມກັນກັບບັນດາ ທ່ານ ນາຍົກ ຈາກ ສສ.ຫວຽດນາມ, ສິງກະໂປ, ກໍາປູເຈຍ ແລະ ອື່ນໆ.
ໃນໂອກາດດັ່ງກ່າວນີ້, ທ່ານ ຮອງນາຍົກລັດຖະມົນຕີກໍໄດ້ຖ່າຍຮູບຮ່ວມກັນເພື່ອຮັດແໜ້ນຄວາມສາມັກຄີຮັກແພງ, ມິດຕະພາບ ແລະ ເພື່ອນມິດທີ່ດີ ແນວໃດກໍດີ ສປປ ລາວຈະເປັນເຈົ້າພາບຈັດກອງປະຊຸມສຸດຍອດອາຊຽນ ແລະ ບັນດາກອງປະຊຸມປິ່ນອອ້ມໃນກາງປີນີ້ ເຊິ່ງເປັນຂີດໝາຍສໍາຄັນເຮັດໃຫ້ບັນດາປະມຸກລັດ ແລະ ຜູ້ນໍາລະດັບສູງໄດ້ມີໂອກາດປຶກສາຫາລື ແລະ ແລກປ່ຽນຄວາມຄິດຄວາມເຫັນດ້ານເສດຖະກິດ, ການເມືອງ, ຄວາມໝັ້ນຄົງ, ການຄ້າ, ການລົງທຶນ, ການສຶກສາ ແລະ ອື່ນໆພາຍໃນອາຊຽນ ແລະ ສາກົນອີກດ້ວຍ. ຮຽບຮຽງ: ເກີດຂວັນໃຈ

Pathedlao Lao