ອ້າງເປັນເຈົ້າໜ້າທີ່ ຮັບແລ່ນເອກະສານເຂົ້າເປັນຕຳຫຼວດ

ວັນທີ 10 ກັນຍາ ປີ 2015 ຕຳຫຼວດສອບສວນ-ສືບສວນ ຄະດີອາຍາ ປກສ ແຂວງສະຫວັນນະເຂດໄດ້ເຂົ້າຈັບກຸມນັກຕົ້ມຕຸນ ທີ່ແອບອ້າງເປັນເຈົ້າໜ້າທີ່ຕຳຫຼວດທີ່ມາເຄື່ອນໄຫວສໍ້ໂກງສັບພົນລະ ເມືອງດ້ວຍຮູບການຮັບແລ່ນເອກະສານເອົາຄົນເຂົ້າເປັນຕຳຫຼວດ ຢູ່ຕ່າງແຂວງ, ຜູ້ຖືກຫາຊື່ທ້າວ ກອງມະນີ ບັບພະລັງສີ ອາຍຸ 20 ປີ ອາຊີບກຳມະກອນ ຢູ່ ບ້ານວັງໂຄນ, ເມືອງ ຊົນນະບູລີ ແຂວງສະຫວັນນະເຂດ.
ຜ່ານການສືບສວນ-ສອບສວນ ຂອງເຈົ້າໜ້າທີ ຜູ້ຖືກຫາສາລະພາບວ່າ: ໄດ້ອ້າງໂຕເປັນຕຳຫລວດ ຊັ້ນ ສິບເອກ ຢູແຂວງສາລະວັນ ມາເຄືອນໄຫວຕົວຍົວຫຼອກລວງພໍແມ່ປະຊາຊົນວ່າ: ຜູ້ກ່ຽວມີຕົວເລກແລ່ນເອົາຄົນເຂົ້າຕຳຫລວດຢູ່ແຂວງ ອັດຕະປື ຈຳນວນ 100 ຄົນ, ຖ້າຕ້ອງການຕົວເກໂກຕາ ແມ່ນຕ້ອງຈ່າຍຄົນລະ 50,000ບາດ.
ມາຮອດວັນທີ 3/9/2015 ໄດ້ມີຄົນຮູ້ຈັກກັບຜູ້ກ່ຽວ ຢູ່ແຂວງຄໍາມ່ວນ ຊື່ ນາງ ໂຮມມາໂທລະສັບມາບອກ ມີຄົນສະເໜີເຂົ້າຕຳຫລວດ 50 ຄົນ ຈາກນັ້ນ ຜູ້ກ່ຽວກໍ່ເອົາລາຍຊື່ດັ່ງກ່າວພ້ອມເງິນຈຳນວນ 32.000 ບາດ ເພື່ອເປັນຄ່າແລ່ນເອກສານ. ຮອດວັນທີ່ 8/9/2015 ທ້າວ ກອງມະນີໂທລະສັບບອກນາຍໜ້າໃຫ້ແຈ້ງຜູ້ທີ່ມີລາຍຊື່ ທີ່ຈະເຂົ້າຕຳຫລວດກຽມເຂົ້າມາສຳພາດຢູ່ກອງບັນຊາການ ປກສ ແຂວງສະຫວັນນະເຂດ. ສ່ວນຄົນສະຫວັນນະເຂດໃຫ້ປະກອບເອກກະສານມາສົ່ງໃຫ້ຜູ່ກ່ຽວເລີຍ.
ຮອດວັນທີ 10/9/2015 ຜູ້ຖືກຫາ ກໍໄດ້ເຂົ້າມາເອົາເອກະສານ ແລະ ພາຄົນເຂົ້າມາສຳພາດຈຳນວນໜຶ່ງ ໄປກວດສຸຂະພາຍຢູ່ໂຮງໝໍ່ ແຂວງສະຫວັນນະເຂດ, ຈາກນັ້ນເຈົ້າໜ້າທີ່ ສືບສວນ-ສອບສວນ ແຂວງສະຫວັນນະເຂດມາກັກຕົວມາດຳເນີນຄະດີ.
ທ້າວ ກອງມະນີ ສາລະພາບອີກວ່າ: ຜ່ານມາຜູ່ກ່ຽວແມ່ນໄດ້ຕົວະເອົາເງິນນຳນາງ ແດງ ອາຍຸ 45 ປີ ບໍ່ຮູ້ບ້ານ ຈຳນວນ 100.000 ບາດ ກັບ 10.000.000 ກີບ ດ້ວຍການຈະເອົາຫລານນາງແດງເຂົ້າຕຳຫລວດຢູ່ແຂວງ ອັດຕະປື.
ຜ່ານການ ສອບຜ່ານສອບເອົາຄໍາໃຫ້ການຂອງຜູ້ເສຍຫາຍຄ້າຍຄືກັນ ທ້າວ ກອງມະນີ ແລະ ນາງ ໂຮມມາ ເປັນຜູ້ພົວພັນຕິດຕໍ່ແລ່ນເອົາເຂົ້າຕຳຫລວດຢູ່ແຂວງອັດຕະປືໄດ້ ແຕ່ຕ້ອງເສຍເງີນໃຫ້ຜູ້ແລ່ນຄົນລະ 100.000 ບາດ. ຄະດີດັ່ງກ່າວເຈົ້າໜ້າທີ່ພວມດຳເນີນຕາມຂັ້ນຕອນຂອງກົດໝາຍ.

ທີ່ມາ Savanhphuttana News