ອຸ່ນນ້ຳນົມແມ່ແນວໃດ ໃຫ້ໄດ້ສານອາຫານຄົບ?

ສຳລັບແມ່ໆທັງຫຼາຍທີ່ບໍ່ມີເວລາໄດ້ລ້ຽງດູລູກຢ່າງເຕັມທີ່ ໂດຍສະເພາະແມ່ທີ່ລ້ຽງລູກດ້ວຍນົມຕົນເອງ ຈະບໍ່ຄ່ອຍມີເວລາຫຼາຍ ເນື່ອງຈາກມີພາລະໜ້າທີ່ຕ້ອງໄດ້ເຮັດ. ເພາະສະນັ້ນ, ແມ່ຈຶ່ງປໍ້ານົມໄວ້ໃຫ້ລູກໄດ້ດື່ມ. ແຕ່ເພື່ອຮັກສາຄຸນຄ່າຂອງນ້ຳນົມແມ່ໄວ້ໄດ້ຢ່າງດີທີ່ສຸດ ນອກຈາກວິທີການເກັບນ້ຳນົມໃຫ້ຖືກຕ້ອງແລ້ວ ການອຸ່ນນ້ຳນົມໃຫ້ລູກນ້ອຍກິນກໍ່ສຳຄັນເຊັ່ນກັນ ຂໍແນະນຳ 3 ວິທີ ອຸ່ນນົມເພື່ອໃຫ້ສານອາຫານຍັງຄົບຖ້ວນດັ່ງນີ້:

ວິທີ 1 : ແຊ່ແກ້ວນົມ ຫຼື ຖົງບັນຈຸນ້ຳນົມແຊ່ແຂງໃນຊາມນ້ຳອຸ່ນ.

ວິທີ 2 : ຈັບແກ້ວ ຫຼື ຖົງບັນຈຸນ້ຳນົມແຊ່ແຂງໄວ້ ແລ້ວເປີດໃຫ້ນ້ຳໄຫຼຜ່ານຢ່າງໜ້ອຍ 10 ນາທີ.

ວິທີ 3 : ລະລາຍນ້ຳກ້ອນໂດຍປະໄວ້ໃນຕູ້ເຢັນຊ່ອງທຳມະດາຂ້າມຄືນ.

ສິ່ງສຳຄັນ “ຫ້າມອຸ່ນນົມດ້ວຍເຕົາໄມໂຄຣເວັບເດັດຂາດ” ເນື່ອງຈາກສານອາຫານບາງສ່ວນຈະຖືກທຳລາຍ ຖ້າກິນບໍ່ໝົດຢ່າເສຍດາຍຕ້ອງຖິ້ມນ້ຳນົມທີ່ປໍ້າໄປເລີຍ ບໍ່ຄວນເກັບນ້ຳນົມໄວ້ໃຫ້ລູກກິນໃນເທື່ອຕໍ່ໄປ ເນື່ອງຈາກມີເຊື້ອຈຸລິນຊີທີ່ເຮັດໃຫ້ລູກນ້ອຍບໍ່ສະບາຍໄດ້.