ອຸໂມງທີ່ສວຍສົດງົດງາມ ແລະ ເຕັມໄປດ້ວຍດອກໄມ້

ການທີ່ໄດ້ຍ່າງເຂົ້າໄປໃນສະຖານທີ່ໃດໜຶ່ງ ທີ່ເຕັມໄປດ້ວຍດອກໄມ້ທີ່ສວຍງາມມັນຊ່າງເປັນສະຖານທີ່ທີ່ຮົ່ມເຢັນ ແລະ ຫອມສົດຊື່ນໄປດ້ວຍກິ່ນຂອງດອກໄມ້ນາໆພັນ ແລະ ຍິ່ງຖ້າເປັນໃນອຸໂມງທີ່ມີດອກ ວິສທີເຣຍ ທັງຢູ່ຂ້າງທາງ ແລະ ສູງຂຶ້ນໄປເທິງຫົວຂອງເຮົາ ມັນຍິ່ງເປັນສະຖານທີ່ທີ່ໜ້າທ່ຽວຊົມເປັນຢ່າງຍິ່ງ ເຊີນມາທ່ຽວຊົມໄດ້ຕະຫຼອດເດືອນ ພຶດສະພາຂອງທຸກປີ

ດອກ ວິສທີເຣຍ ແມ່ນ ພືດທີ່ເຕີບໃຫຍ່ທົ່ວຍິປຸ່ນ ເທົາດອກໄມ້ສີອອນຫວານຍ້ອຍລົງມາ ຈາກຂ້າງເທິງເປັນແນວຍາວ ເມື່ອສາຍລົມພັດໄປມາ ກໍ່ປິວໄຫວໄປຕາມກະແສລົມຢ່າງສວຍງາມ ທ່ານສາມາດເພີດເພີນໄປກັບ ດອກໄມ້ ວິສທີເຣຍ ທີ່ສວຍງາມຂະໜາດໃຫຍ່ໄດ້ຫຼາຍແຫ່ງ ຍົກຕົວຢ່າງມື້ນີ້ແມ່ນທີ່ Khawachi Fujien ໃນເມືອງ Kitakyushu ແຂວງ Fukuoka

Khawachi Fujien ແມ່ນສວນດອກໄມ້ທ່ີສ້າງຂຶ້ນໃນປີ 1977 ເປີດໃຫ້ເຂົ້າເບິ່ງແຕ່ໃນຊ່ວງລະດູບານໃໝ່ ທີ່ດອກ ວິສທີເຣຍ ບານ ແລະ ຊ່ວງໃບໄມ້ປ່ຽນສີໃນລະດູໃບໄມ້ຫຼົ່ນເທົ່ານັ້ນ ຊ່ວງເວລາທີ່ເໝາະສົມໃນການເບິ່ງດອກໄມ້ ຄືຊ່ວງຕົ້ນເດືອນ ພຶດສະພາ ທັງນີ້ກໍ່ຂຶ້ນກັບສະພາບອາກາດໃນປີນັ້ນໆນຳ ສວນນີ້ມີດອກ ວິສທີເຣຍ ມີຢູ່ປະມານ 150ຕົ້ນ ກອບໄປດ້ວຍ 22 ສາຍພັນຫຼາກຫຼາຍສີໃນພື້ນທີ່ 10,000ຕາລາງແມັດ

ໃນສວນຍັງມີຈຸດແວະຊົມວິວທີ່ໜ້າສົນໃຈອີກຫຼາກຫຼາຍລວມເຖິງອຸໂມງດອກ ວິສທີເຣຍ ທີ່ມີ 2 ແຫ່ງ ແຫ່ງທີ1 ຍາວ 8 ແມັດ ແລະ ອີກແຫ່ງທີ2 ແມ່ນຍາວ 220 ແມັດ ໃນທາງຍ່າງອຸໂມງມີເຄືອດອກ ວິສທີເຣຍ ຂະໜາດໃຫຍ່ ທ່ານຍັງຈະໄດ້ຮັບຊົມຕົ້ນ ວິສທີເຣຍ ທີ່ມີອາຍຸກວ່າ 100ປີນຳ