ອຸປະກອນແຕ່ງຫນ້າທີ່ຄວນມີ ແລ້ວຊີວິດດຈະດີ່ດີໆ

ການແຕ່ງຫນ້າຄືສິລະປະປະເພດຫນຶ່ງທີ່ຈະເນລະມິດຄວາມງາມໃຫ້ສາວໆຢ່າງມະຫັດສະຈັນ(ຖ້າແຕ່ງເປັນ55555) ແນ່ນອນງານສິລະປະນີ້ຕ້ອງມີທັງສີມື ແລະອຸປະກອນເຄື່ອງມືຄຽງຄູກັນໄປ. ສາວໆຫລາຍທ່ານຄົງຈະສົງໄສວ່າເປັນຫຍັງນໍເບິ່ງຄຣິບສອນແຕ່ງຫນ້າຕາມອິນເຕີເນັດແລ້ວ ມາຮຽນແຕ່ງກໍຍັງບໍ່ຄື ແຕ່ບໍ່ຟ້າວທໍ້ຖອຍ ຂອງແບບນີ້ຕ້ອງຄ່ອຍຝຶກຝົນ ແຕ່ລະຫວ່າງທີ່ລອງຜິດລອງຖືກຢູ່ນີ້ ສາວໆກໍບໍຄວນພາດອຸປະກອນຮັບໃຊ້ການແຕ່ງຫນ້າທີ່ຄວນມີ (ແບບມີຄຸນະພາບເດີ!) 1. ສຳລີແຜ່ນ, ສຳລີກ້ານ, ທິດຊູ້: ອຸປະກອນພື້ນຖານທີ່ຂາດບໍ່ໄດ້ເລິຍຂໍບອກ ເພາະມັນຈະຊ່ວຍເຊັດຊ່ວຍລຶບເວລາແຕ່ງຫນ້າຜິດໆພາດໆ!!! ເຄັດລັບການເລືອກສຳລີທີ່ເຫມາະສຳກັບການແຕ່ງຫນ້າ ຄວນເລືອກສຳລີແຜ່ນແບບລີດຂອບຈຶ່ງຈະບໍ່ເລະງ່າຍ ແລະເລືອກເອົາລຸ້ນຫນາໆ (ລາຄາອາດຈະແພງກວ່າລຸ້ນບາງແຕ່ມັນຄຸ້ມຄ່າແລະປະຢັດກວ່າ). ສ່ວນສຳລີຜັນຫົວ(cottonbat) ເອົາລຸ້ນກ້ານນ້ອຍໆ ເພາະຈະໃຊ້ໃນເວລາຂີດອາຍໄລເນີ້ເປິເປື້ອນ ຫລືເຊັດຂອບປາກ. ທິດຊູ້ທີ່ວ່າກໍຢາກຈັບທິດຊູ້ເຊັດປາກມາໃຊ້ເດີ ໃຫ້ໃຊ້ສະເພາະໂຕເຊັດຫນ້າເພາະອ່ອນຫນຸ້ມ ຜິວຫນ້າຈະບໍ່ບາດ ແລະເກີດຮິ້ວຮອຍກ່ອນໄວ. 2. ມີດສຳລັບແຫລມສໍແຕ່ງຫນ້າ : ຢ່າ!ຢ່າກຸມໃຊ້ສໍແຕ້ມຄິ້ວປູ້ໆ ຈົນສ່ວນທີ່ເປັນໄມ້ບາດຜິວ ແລະເວລາຂີດກໍເປັນຄອງບໍ່ສະເຫມີປານເດັກອະນຸບານຮຽນແຕ້ມຮູບ ຈົ່ງແຫລມສໍແຕ່ງຫນ້າໃຫ້ມີລັກສະນະພໍດີກັບຄວາມຖະຫນັດຂອງທ່ານ ແນະນຳໃຫ້ໃຊ້ມີດຄັດເຕີ້ດີກວ່າໂຮງແຫລມສໍເພາະມັນຈະກິນໄສ້ສໍເກີນໄປ ເສຍດາຍໃດເນາະ! ສໍແຕ່ງຫນ້າດີໆບໍ່ແມ່ນຊິຖືກໆຄືສໍດຳ. 3. ຟອງນ້ຳດີໆມີປະໂຫຍດ: ຟອງນ້ຳແຕ່ງຫນ້າມີ2ປະເພດຫລັກໆຄື ຟອງນ້ຳລົງຮອງພື້ນ ແລະຟອງນ້ຳລົງແປ້ງ. ຟອງນ້ຳລົງຮອງພື້ນຈະຊ່ວຍກວາດໃຫ້ຄີມສະຫມໍ່າສະເຫມີທົ່ວໃບຫນ້າ ແລະເຊັດຄີມສ່ວນເກີນອອກໄປໄດ້ ແຕ່ບາງຄົນຄິດວ່າບໍ່ຈຳເປຫນປານໃດ ແຕ່ຖ້າໃຜທີ່ຖະຫນັດໃຊ້ ໃຫ້ເລືອກລຸ້ນອ່າວດີເພາະລຸ້ນຖືກໆທີ່ຜະລິດຈາກຢາງພາລາເກຼດຕ່ຳຈະມີກິ່ນຂິວ ເນື້ອຫຍາບ ແລະກິນຮອງພື້ນ. ສຳລັບປະເພດລົງແປ້ງມີທັງແບບຟອງນ້ຳ ແລະແບບຜ້າ ເລືອກດີໆ ເພາະບາງລຸ້ນຈະດູດແປ້ງ ແລະຄັນຄາຍໃບຫນ້າໄດ້ ທີ່ສຳຄັນຢ່າລືມທຳຄວາມສະອາດເລື້ອຍໆ ເພາະຟອງນ້ຳ ພັບແຕ່ງຫນ້າຄືເຮືອນຮັງອັນອົບອຸ່ນຂອງບັນດາເຊື້ອໂລກທັງຫລາຍ. 4. ແປງແຕ່ງຫນ້າ: ແຕ່ກ່ອນດ້ວຍຄວາມຂີ້ຫນຽວ ແລະມັກງ່າຍເລີຍຄິດວ່າມັນແປງໆທັງຫລາຍບໍ່ຈຳເປັນດອກ ໃຊ້ມືເອົາກໍໄດ້ ແມ້ແຕ່ທາບັດອອນກໍຍັງໃຊ້ຟອງນ້ຳທາແປ້ງມາທາ. ແຕ່ພໍລອງຫຍິບແປງດີໆຂອງຊ່າງແຕ່ງຫນ້າດັງມາປັດໆເບິ່ງ ໂອ່ໂຫ່! ຊ່ວຍໄດ້ອີ່ຫລີ ມັນຊ່ວຍໃຫ້ການແຕ່ງຫນ້າປານີດ ແລະສີກົມກືນກັນຫລາຍຂຶ້ນ ໂດຍສະເພາະແປງແຕ່ງຕາ. ສາວໆທີ່ມັກແຕ່ງຫນ້າຄວນມີແປງດີຂົນຫນຸ້ມໆ ຍຶດເກາະເຄື່ອງສຳອາງໄດ້ງ່າຍ. ບໍ່ຈຳເປັນຈະມີ ຫ້າຫົກສິບກ້ານຄືຊ່າງແຕ່ງຫນ້າ ແຕ່ຢ່າງຫນ້ອຍກໍຄວນມີແປງແຕ່ງຕາຢ່າງບໍ່ຕ່ຳກວ່າ2ອັນ, ແປງປັດແກ້ມອັນໃຫ່ຍ, ແປງທາລິບສະຕິກ, ແປງລົງບລອນເຊີ ແລະຟອຍປັດຄິ້ວ(ຜູ້ຂຽນໃຊ້ຟອຍປັດມາສຄາຣາເກົ່າແທນ). ອຸປະກອນພ້ອມ ຜິວພ້ອມ ກໍລົງມືໂບກ ເອິ່ຍ! ທາແປ້ງແຕ່ງຫນ້າກັນໂລດບາດນີ້ນະ! ບໍ່ງາມກໍໃຫ້ມັນຮູ້ໂລດ