ອຸຕຸ ເຕືອນຝົນຍັງຈະຕົກຍາວອີກຫຼາຍວັນ

ເນື່ອງຈາກວ່າມໍລະສຸມຕາ­ເວັນ­ຕົກສ່ຽງໃຕ້ຈະມີທ່າອ່ຽງເພີ່ມກຳ­ລັງແຮງຂຶ້ນພັດປົກຄຸມຢູ່ທົ່ວທຸກພາກຂອງລາວ, ຊຶ່ງຈະເຮັດໃຫ້ມີຝົກຕົກປານກາງຫາຕົກໜັກ ພ້ອມທັງມີລົມພັດແຮງນັບແຕ່ນີ້ເຖິງວັນທີ 13 ຕຸ­ລາ, ດັ່ງ­ນັ້ນ ຜູ້ທີ່ຈະເດີນ­ທາງຂຶ້ນເໜືອລົງໃຕ້ໃຫ້ມີຄວາມລະ­ມັດ­ລະ­ວັງຕື່ມ.


ອີງຕາມການຄາດຄະ­ເນຂອງກົມອຸ­ຕຸ­ນິ­ຍົມ ແລະອຸທົກກະສາດແຈ້ງໃຫ້ຮູ້ວ່າ: ໃນໄລ­ຍະຕົ້ນອາ­ທິດ ວັນທີ 7 ຕຸ­ລາຜ່ານມາບໍ­ລິ­ເວນຄວາມກົດດັນສູງຂອງອາ­ກາດເຢັນຈາກຕອນໃຕ້ຂອງປະ­ເທດຈີນ ຈະມີທ່າອ່ຽງເພີ່ມຂຶ້ນ ແລະແຜ່ລົງມາປົກຄຸມຢູ່ທົ່ວທຸກພາກຂອງລາວ, ສົມ­ທົບກັບກະ­ແສລົມຕາ­ເວັນອອກສ່ຽງເໜືອພັດປົກຄຸມ ພາກເໜືອ, ສະ­ເພາະພາກກາງ ແລະພາກ 
ໃຕ້ ແມ່ນກະ­ແສລົມຕາ­ເວັນ­ຕົກສ່ຽງໃຕ້ ພັດປົກຄຸມເປັນສ່ວນໃຫຍ່, ຊຶ່ງລັກ­ສະ­ນະ ແບບນີ້ ຈະເຮັດໃຫ້ອຸນ­ຫະ­ພູມອາ­ກາດເຢັນລົງພ້ອມມີໝອກບາງປົກຫຸ້ມໃນຕອນເຊົ້າແລະຈະມີຝົນ­ຕົກຟ້າຄະ­ນອງກະ­ຈາຍເປັນ ບໍ­ລິ­ເວນກວ້າງ ແລະຕົກປານກາງເປັນ ບາງໂອ­ກາດຢູ່ບາງທ້ອງ­ຖິ່ນໃນແຕ່ລະ ພາກ.

ຈາກນັ້ນກາງຫາທ້າຍອາ­ທິດ (ວັນທີ 10-13 ຕຸ­ລາ) ມໍລະສຸມຕາ­ເວັນ­ຕົກສ່ຽງ ໃຕ້ຈະມີກຳ­ລັງແຮງເພີ່ມຂຶ້ນພັດຜ່ານຢູ່ ແຂວງພາກກາງຫາພາກໃຕ້ຂອງລາວ, ຊຶ່ງຈະເຮັດໃຫ້ມີຝົນ­ຕົກຟ້າຄະ­ນອງຫຼາຍຂຶ້ນໃນແຕ່ລະພາກ ແລະຕົກໃນລະ­ດັບ ປານກາງຫາຕົກໜັກ ພ້ອມມີລົມພັດແຮງເປັນບາງໂອ­ກາດຢູ່ບາງທ້ອງ­ຖິ່ນ.

ຈາກສະ­ພາບຄືດັ່ງ­ກ່າວ, ກົມອຸ­ຕຸນິ ຍົມ ແລະອຸທົກກະສາດ ຈິ່ງເຕືອນຜູ້ທີ່ຈະ ເດີນ­ທາງໃຫ້ມີຄວາມລະມັດ ລະ­ວັງຕື່ມ,ໂດຍໃນອາ­ທິດຜ່ານມາປະ­ລິ­ມານນ້ຳຝົນທີ່ວັດ­ແທກໄດ້ແມ່ນວັນທີ 30 ກັນ­ຍາ ຢູ່ ໄຊຍະບູລີ 59 ມິນລິແມັດ, ວັນທີ 1 ຕຸ­ລາ ຢູ່ສາ­ລະວັນແທກໄດ້ 60 ມິນລິແມັດ, ສ່ວນວັນທີ 4 ຕຸ­ລາ ຢູ່ນິ­ຄົມ 34 ແທກໄດ້ 148,8 ມິນລິແມັດ, ໂພນໂຮງ ໄດ້ 38,4 ມິນລິແມັດ ແລະປາກຊັນ ແທກໄດ້ 39,4 ມິນລິແມັດ ໃນວັນທີ 6 ຜ່ານມາ.

ທີ່ມາ CRI-FM93