ອີ່ຫຍັງກະເກີດໄດ້ໃດ໋..ເປັບເຊື່ອເມສຊີອາດຄິດລາບາຊາ

 

ໂຈເຊບ ກວາດິໂອລາ ກຸນຊື ແມນເຊສເຕີ ຊີຕີ ບອກວ່າມັນມີໂອກາດທີ່ ລີໂອເນວ ເມສຊີ ກອງໜ້າຂອງ ບາເຊໂລນາ ຈະຄິດຍ້າຍທີມໃນອະນາຄົດແລ້ວມາຫຼິ້ນໃນອັງກິດ ແຕ່ບອກວ່າຊ່ວງທີ່ຜ່ານມາບໍ່ເຄີຍຕິດຕໍ່ຂໍຊື້ມະນຸດຕ່າງດາວຂອງ ບາຊາ ເລີຍຈັກຄົນ.

 

ໂຈເຊບ ກວາດິໂອລາ ຜູ້ຈັດການທີມ ແມນເຊສເຕີ ຊີຕີ ສະໂມສອນມະຫາເສດຖີຂອງ ພຣີເມຍລີກ ກ່າວວ່າຈັກມື້ໜຶ່ງ ລີໂອເນວ ເມສຊີ ດາວຍິງຂອງ ບາເຊໂລນາ ອາດຈະຄິດຍ້າຍອອກຈາກທີມແລ້ວມາຫຼິ້ນໃນເມືອງຜູ້ດີກໍເປັນໄດ້.

 

ຈົນຮອດຕອນນີ້ ເມສຊີ ຢູ່ກັບ ບາເຊໂລນາ ມາຕະຫຼອດອາຊີບນັບຕັ້ງແຕ່ທີ່ໄດ້ລົງຫຼິ້ນໃຫ້ທີມຊຸດໃຫຍ່ເປັນຄັ້ງທຳອິດດ້ວຍອາຍຸພຽງ 16 ປີໃນປີ 2004 ເຊິ່ງ ກວາດິໂອລາ ກໍໄດ້ເຮັດວຽກຮ່ວມກັບເຂົາເປັນເວລາ 4 ປີ.

 

ກວາດິໂອລາ ກ່າວກ່ອນນຳ ແມນ ຊີຕີ ພົບກັບ ບາເຊໂລນາ ໃນເກມ ຢູຟາ ແຊມປຽນລີກ ຮອບແບ່ງກຸ່ມຂອງ ກຸ່ມຊີ ທີ່ສະໜາມ ແຄມນູ ຄືນນີ້ວ່າ “ຂ້ອຍບໍ່ເຄີຍຕິດຕໍ່ໄປຫາ ເມສຊີ ແລະ ຂ້ອຍຫວັງວ່າເຂົາຈະຢູ່ຫຼິ້ນກັບທີ່ນີ້ລວມເຖິງແຂວນສະຕັດກັບທີ່ນີ້ ແຕ່ເຂົາອາດຈະຍ້າຍໄປບ່ອນອື່ນກໍໄດ້ ເຂົາອາດຈະຢາກໃຫ້ລູກຂອງເຂົາເວົ້າພາສາອັງກິດເປັນ ຖ້າມັນເກີດຂຶ້ນມັນກໍອາດຈະມີ 6, 7 ຫຼື 8 ທີມທີ່ຢາກຊື້ເຂົາແຕ່ມັນຕ້ອງຂຶ້ນຢູ່ກັບ ເມສຊີ ວ່າເຂົາຢາກໄປຫຼິ້ນຢູ່ໃສ”.

 

ກຸນຊືສະເປນເສີມອີກວ່າທີ່ຜ່ານມາຕົນບໍ່ໄດ້ພະຍາຍາມຊື້ນັກເຕະຂອງ ບາຊາ ໄປຢູ່ກັບ ແມນ ຊີຕີ ເລີຍ “ຊ່ວງຊຳເມີທີ່ຜ່ານມາຂ້ອຍບໍ່ເຄີຍຕິດຕໍ່ໄປຫາ ເມສຊີ, ເນມາ, ບຸສເກັດ ຫຼື ຫຼຸຍ ຊົວເຣດ ເລີຍ ຂ້ອຍບໍ່ໄດ້ໂທລະສັບໄປຫາໃຜ ບາງເທື່ອມັນກໍມີສົງເສຍທີ່ເຈົ້າຕ້ອງປລາໄຊຕັ້ງແຕ່ມັນຍັງບໍ່ເລີ່ມ”.