ອີກໜຶ່ງຕຳນານ!! ເຣ ອັນເລັນປະກາດຣີທາຍເອັນບີເອແລ້ວ

 

ຫຼັງຈາກທີ່ຫ່າງກາຍໄປດົນເຖິງ 2 ປີ ຫຼ້າສຸດ ເຣ ອັນເລັນ ອະດີດສຸດຍອດກາດຂອງ ບອສຕັນ ເຊວຊີ ແລະ ໄມອາມີ ຮີດ ໄດ້ປະກາດຢຸດອາຊີບຢ່າງເປັນທາງການແລ້ວ.

 

ເຣ ອັນເລັນ ຍອດກາດມືປືນແຫ່ງວົງການທະລົ່ມບ້ວງ ເອັນບີເອ ອາເມລິກາ ປະກາດຣີທາຍຢ່າງເປັນທາງການຮຽບຮ້ອຍແລ້ວເມື່ອວັນທີ 1 ພະຈິກທີ່ຜ່ານມາ ຫຼັງຈາກທີ່ໂລດແລ່ນຢູ່ໃນລີກມາດົນເຖິງ 18 ຊີຊັນ.

 

ອັນເລັນ ເຊິ່ງຖືກດຣາຟເຂົ້າສູ່ລີກເມື່ອປີ 1996 ລົງຫຼິ້ນຄັ້ງສຸດທ້າຍໃນລະດູການ 2013-2014 ເຊິ່ງຫຼັງຈາກນັ້ນກໍມີຂ່າວລືຕະຫຼອດກ່ຽວກັບການກັບມາຂອງເຂົາ ແຕ່ວ່າຫຼ້າສຸດກໍບໍ່ມີຫຍັງເກີດຂຶ້ນ ຈົນມາຮອດຕອນນີ້ສຸດຍອດມືຍິງສາມແຕ້ມໄວ 41 ປີກໍປະກາດຣີທາຍຢ່າງເປັນທາງການ.

 

ສຳລັບຜົນງານຕະຫຼອດອາຊີບນັ້ນ ອັນເລັນ ເຮັດແຕ້ມໄດ້ສະເລ່ຍ 18.9 ແຕ້ມ, 4.1 ຣີບາວ ແລະ 3.4 ແອສຊິດ ເຄີຍຫຼິ້ນໃຫ້ກັບ ມິວວໍກີ ບັກ, ຊີແອັດເທິນ ຊຸບເປີໂຊນິກ, ບອສຕັນ ເຊວຕິກ ແລະ ໄມອາມີ ຮີດ ໂດຍໄດ້ແຊມ ເອັນບີເອ 2 ສະໄໝຄືໃນປີ 2008 ກັບ ເຊວຕິກ ແລະ 2013 ກັບ ຮີດ.

 

ນອກຈາກນີ້ ອັນເລັນ ເຊິ່ງຕິດ ອໍ-ສະຕາ 10 ເທື່ອ ຍັງໄດ້ຊື່ວ່າເປັນນັກເຕະບາສທີ່ຍິງໄດ້ແມ້ນທີ່ສຸດຄົນໜຶ່ງໃນປະຫວັດສາດ ເອັນບີເອ ເພາະຕອນນີ້ເຂົາເປັນເຈົ້າຂອງສະຖິຕິຍິງ 3 ແຕ້ມລົງບ້ວງຫຼາຍທີ່ສຸດຕະຫຼອດການທີ່ຈຳນວນ 2,973 ລູກ.