ອິຣ່ານ ເລີ່ມສ້າງໂຮງງານໄຟຟ້າທີ່ນຳໃຊ້ພະລັງງານອາຍແກັສ

ຕາມ​ຂ່າວ​ຕ່າງປະ​ເທດ, ​ ອີຣານ ​ເລີ່​ມສ້າງ​ໂຮງງານ​ໄຟຟ້າ​ທີ່​ນຳ​ໃຊ້​ພະລັງງານ​ອາຍ​​ແກັສທຳ​ມະ​ຊາດ ​ໃນມູນ​ຄ່າ 2,5 ຕື້​ໂດ​ລາ​ສະຫະລັດ ​ໃນ​​ເຂດພາກ​ພື້ນ ບາສຣາ (Basra) ຂອງ​ປະ​ເທດ​​ອີຣັກ ​ໂດຍ​ແມ່ນ​ກຸ່ມ​ບໍລິສັດ ​ແມບ​ນາ(MAPNA) ຂອງ ອີຣານ​ ເປັນ​ຜູ້ຮັບຜິດຊອບ ​​ເພື່ອ​ຕອບ​ສະ​ໜອງພະລັງງານ​ໄຟຟ້າ​ເພີ່ມຂຶ້ນ​ປະມານ 3.000 ​ເມັກ​ກາ​ວັດ​ ໃນ​ການ​ຂະຫຍາຍ​​ຕາຂ່າຍ​ໄຟຟ້າ​ແຫ່ງ​ຊາດ​ຂອງ ອີຣັກ.

​          ປັດຈຸບັນ​ ອີຣັກ ພວມ​ຂາດ​ແຄ້ນພະລັງງານ​ໄຟຟ້າ​ທີ່​ມີປະສິດທິພາບ​ ສາມາດບັນລຸ​ພຽງ 8.500 ເມັກ​ກາ​ວັດ ຕາມ​ຂໍ້​ຕົກລົງ​ທີ່​​ໄດ້ລົງ​ນາມ​ກັບ​ກຸ່ມ​ບໍລິສັດ​ຄູ່​ຮ່ວມ​ມື ຊາ​ມາຣາຂອງ ອີຣັກ ​ເຊິ່ງກຸ່ມ​ບໍລິ ສັດ​ແມບ​ນາ (MAPNA)  ຈະ​ສະໜອງບັນດາ​ອຸປະກອນຕ່າງໆທີ່​​ໃຊ້​ເຂົ້າ​ໃນ​ການ​ຜະລິດ​ໄຟຟ້າ​ພະລັງງານ​ອາຍ​ແກັສ. ໂຄງການ​ດັ່ງກ່າວຈະ​ໃຫ້​ສຳ​ເລັດ​ພາຍ​ໃນ 4 ປີ.

.............................................................................................................................................................................................

ທີ່ມາ: www.kpl.gov.la