ອິນໂດເນເຊຍຮຽກຮ້ອງໃຫ້ອາຊຽນໃຊ້ເງິນຢວນຂອງຈີນໃຫ້ຫຼາຍກວ່າເກົ່າ

ຂ່າວຕ່າງປະເທດ ທ່ານ ໂທມັສ ຕຣີຄາຊີເລັມບົງ , ລັດຖະມົນຕີວ່າການກະຊວງການຄ້າຂອງອິນໂດເນເຊຍ ກ່າວວ່າ: ເງິນຣູເປຍ ຂອງອິນໂດເນເຊຍ ກັບເງິນຣິງກິດຂອງມາເລເຊຍລ້ວນແຕ່ຖືກປະເມີນລາຄາໃນລະດັບຕໍ່າຢ່າງໜັກຫນ່ວງ , ທ່ານຮຽກຮ້ອງໃຫ້ບັນດາປະເທດອາຊຽນປ່ຽນກະຕິກາ, ໃຊ້ເງີນຢວນໃຫ້ຫຼາຍກວ່າເກົ່າ ເພື່ອໃຫ້ລາຄາເງິນຕາຕະກຸນຕົນຢູ່ໃນສະພາບຫມັ້ນທ່ຽງ. 
ຕາມສື່ມວນຊົນທ້ອງຖິ່ນລາຍງານ ໃນວັນທີ 6 ຕຸລານີ້ ໃນເວລາໃຫ້ສໍາພາດຕໍ່ນັກຂ່າວ, ທ່ານ ໂທມັສ ໄດ້ສະເໜີວິທີໃຫ້ລາຄາເງິນຕາຫມັ້ນທ່ຽງຂື້ນຄື: ຫຼຸດການອາໃສເງິນໂດລາສະຫະລັດໃຫ້ຫນ້ອຍລົງ , ສົ່ງເສີມຊຸກຍູ້ໃຫ້ບັນດາປະເທດອາຊຽນໃຊ້ເງິນຢວນຈີນໃຫ້ຫຼາຍກວ່າເກົ່າເພື່ອໃຫ້ລາຄາເງິນຕະກຸນຂອງປະເທດຕົນຢູ່ໃນສະພາບຫມັ້ນທ່ຽງ ພ້ອມທັງສະເໜີໃຫ້ທະນາຄານກາງຂອງບັນດາປະເທດອາຊຽນເພີ່ມຊື້ເງິນຢວນຈີນເພື່ອເປັນເງິນຄັງສໍາຮອງເງິນຕາຕ່າງປະເທດ. 
ຫວ່າງຫມໍ່ໆມານີ້ ອັດຕາແລກປ່ຽນເງິນອິນໂດເນເຊຍແລະມາເລເຊຍ ກັບເງິນໂດລາສະຫະລັດໄດ້ຕົກຕໍ່າລົງເປັນ 1.450 ຣູເປຍ ຕໍ່ 1 ໂດລາສະຫະລັດ ແລະ 4,4 ຣິງກິດຕໍ່ 1 ໂດລາສະຫະລັດລ້ວນແຕ່ໄດ້ສ້າງລະດັບທີ່ຕໍ່າທີ່ສຸດໃນຮອບ 17 ປີມານີ້ . 
ທ່ານ ໂທມັສ ເຫັນວ່າ: ປະເທດຈີນຄ່ອຍໆພັດທະນາຂື້ນໃຫ້ກຽມພ້ອມແລ້ວຈະແບກຫາບຮັບໜ້າທີ່ຮັບຜິດຊອບດ້ານເສດຖະກິດ ທີ່ໃຫ່ຍຫລວງກວ່າເກົ່າ ປະຈຸບັນໃນການຄ້າຕໍ່ປະເທດຂອງ ອິນໂດເນເຊຍ ມີປະມານ 20 ຫາ 30% ແມ່ນໄດ້ໃຊ້ເງິນຢວນຂອງຈີນ.

ທີ່ມາ CRI-FM93

ບົດຄວາມໃຫມ່ໆ