ອາເລັກຊານດຣາ ຖ່າຍເອັມວີເພງໂປຣໂມດ ປີທ່ອງທ່ຽວລາວ 2018

ອາເລັກຊານດຣາ ຖ່າຍເອັມວີເພງໂປຣໂມດ ປີທ່ອງທ່ຽວລາວ 2018

ກຽມພົບກັບຜົນງານໃໝ່ຫຼ້າສຸດຂອງ ອາເລັກຊານດຣາ ທິດາວັນ ບຸນຊ່ວຍ ເຊິ່ງຫາກໍຖ່າຍເອັມວີໄປເມື່ອທ້າຍອາທິດທີ່ຜ່ານມາ ງານນີ້ ສາວອາເລັກຊານດຣາຂອງເຮົາກໍມາໃນຊຸດໄໝສີແດງຕາມແບບສະບັບຂອງລາວເຮົາ ພ້ອມຖ່າຍທຳຢູ່ທີ່ປະຕູໄຊ ນະຄອນຫຼວງວຽງຈັນ

ຜົນງານເພງດັ່ງກ່າວນີ້ ມີຊື່ວ່າ Laos Simply Beautiful ເຊິ່ງຈະໃຊ້ເຂົ້າໃນການໂປຣໂມດ ປີທ່ອງທ່ຽວລາວ 2018.
ໃນການຖ່າຍທຳທີ່ປະຕູໄຊນີ້ ເຮົາກໍເຫັນຄົນດັງລາວຫຼາຍຄົນເຂົ້າຮ່ວມເຟຣມກັບອາເລັກຊານດຣາ ບໍ່ວ່າຈະເປັນ ແຊມ ອິນທະລາພິທັກ ນັກຮ້ອງໜຸ່ມສຽງດີ, ມຸກ ກິດສະດາ Miss Supranational Laos 2017, ຄຣິສຕິນາ ລາສະສິມມາ ນາງແບບ ແລະ Miss Laos 2012 ແລະ ນຸ້ຍ ສຸພາພອນ Miss Universe Laos 2017.

ສ່ວນເອັມວີເພງ Laos Simply Beautiful ຈະເປັນແນວໃດນັ້ນ ກໍຕ້ອງລໍຖ້າຊົມນຳກັນໄວໆນີ້.