ອາເດຣຍໂນ ຍ້າຍມາ ມິລານ ເພາະປະຫວັດສາດຂອງທີມ

ຫຼຸຍ ອາເດຣຍໂນ ກອງໜ້າຊາດບາຊິວຂອງ ເອຊີ ມິລານ ເປີດເຜີຍ ສາເຫດທີ່ຕົນເອງເລືອກທີ່ຈະຍ້າຍໄປຫຼິ້ນກັບຕົ້ນສັງກັດ ເພາະເລື່ອງປະຫວັດສາດອັນຍາວນານຂອງ “ຣອສໂຊເນຣີ” ພ້ອມກັບຍອມຮັບ ຕອນນີ້ມີບັນຫາໃນການປັບໂຕກັບວິທີການຫຼິ້ນຂອງທີມທີ່ຢືນກອງໜ້າຄູ່.

ຫຼຸຍ ອາເດຣຍໂນ ກອງໜ້າແຊມບາຂອງ ເອຊີ ມິລານ ທີມດັງຈາກ ກັນໂຊ ຊີຣີ ອາ ອອກມາເປີດເຜີຍວ່າ ສາເຫດທີ່ຕັດສິນໃຈຍ້າຍຈາກ ຊັກຕ້າ ໂດເນັດ ມາຫຼິ້ນໃນ ຊານ ຊິໂຣ ເມື່ອຊ່ວງເປີດຕະຫຼາດ ຊື້-ຂາຍ ນັກເຕະຊ່ວງພັກລະດູການທີ່ຜ່ານມາເພາະປະຫວັດສາດຍິ່ງໃຫຍ່ຍາວນານຂອງ “ຜີສາດແດງ-ດຳ” ນັ້ນເອງ.

ດາວຍິງທີມຊາດ ບາຊິວ ອາຍຸ 28 ປີ ກ່າວກັບ “ໂກນດັອດຄອມ” ສື່ວົງການບານເຕະຊື່ດັງວ່າ “ຂ້ອຍຫຼິ້ນກອງໜ້າໂຕດຽວກັບ ຊັກຕ້າ ໂດເນັດ ມາຕະຫຼອດ ຂ້ອຍມີບັນຫາໃນການປັບໂຕເຂົ້າກັບວິທີການຫຼິ້ນຂອງ ມິລານ ທີ່ຫຼິ້ນກອງໜ້າ 2 ຄົນໃນເວລານີ້ລະຫວ່າງຊ່ວງພັກລະດູການທີ່ຜ່ານມາ ມິລານ ເປັນສະໂມສອນດຽວທີ່ຂ້ອຍມີການສົນທະນາ ຂ້ອຍຍ້າຍມາຢູ່ກັບສະໂມສອນເພາະປະຫວັດສາດອັນຍາວນານຂອງພວກເຂົາ ຂ້ອຍບໍ່ໄດ້ມີໂຕເລືອກຫຍັງຫຼາຍກ່ອນຍ້າຍມາທີ່ນີ້”.

ຂະນະດຽວກັນ ອາເດຣຍໂນ ຍັງອອກປາກຊົມເຊີຍ ຊິນິຊາ ມິໄຮໂລວິດ ນາຍໃຫຍ່ຂອງທີມ “ມິໄຮໂລວິດ ເປັນຄົນຈິງຈັງຫຼາຍ ຕ້ອງການທຸກຢ່າງ ເຂົາຕ້ອງການເອົາສິ່ງທີ່ດີທີ່ສຸດຂອງນັກເຕະອອກມາ ເຂົາເປັນຜູ້ຈັດການທີ່ດີ ເຮົາເຮັດວຽກໜັກ ເຮົາຕ້ອງກັບໄປຫຼິ້ນ ຢູຟາ ແຊມປຽນລີກ ແລະ ເຮົາຕ້ອງການລຸ້ນ ສະກຸເດັດໂຕ້ ອີກດ້ວຍ”.

................................................................................................................................................