ອາຫານ​ 2 ຢ່າງ​ທີ່​ຕ້ອງ​ຢຸດ​ ເວລາ​ສິວ​ບຸກ​

ເວລາ​ກອງທັບ​ສິວ​? ບຸກ​ໜ້າ​ ມັນ​ເປັນ​ຊ່ວງ​ທີ່ຄິດໜັກຫຼາຍ​ແທ້ໆ​ ສິ່ງ​ທີ່​ເຮັດ​ໄດ້​ຄື​ການ​ປະ​ຄົບ​ປະ​ຫງົມ​ຜິວ​ໜ້າ​ ຮັກສາ​ໃຫ້​ສະ​ອາດ​ອ່ຽມ​ ບໍ່​ມີ​ເຄື່ອງ​ສຳ​ອາງ​ຫລື​ແມ່ນແຕ່​ຄຣີມ​ໃດ​ໆ​​ ແຕ່​ສາວ​ໆ​ຮູ້​ບໍ​ວ່າ​ນອກ​ຈາກ​ການ​ເບິ່ງ​ແຍງ​ຜິວ​ໜ້າ​ຢ່າງ​ດີ​ແລ້ວ​ ເລື່ອງ​ອາຫານ​ກໍ​ມີ​ສ່ວນ​ສຳຄັນ​ທີ່​ຈະ​ຊ່ວຍ​ກຳນົດ​ວ່າ​ສິວ​ຈະ​ຫາຍ​ຊ້າ​ຫລື​ໄວ​ ມື້​ນີ້​ເຮົາ​ຈະ​ມາ​ໂຟ​ກັດ​ທີ່​ອາຫານ​ ມີ​ຢູ່​ 2 ຊະນິດ​ທີ່​ຕ້ອງ​ເຊ​ບາຍ​ຍາມ​ເປັນ​ສິວ​ ມີ​ຫຍັງ​ດ້ວຍ​ມາ​ເບິ່ງ​ກັນ​.

1.ອາຫານ​ຫລື​ຫມາກໄມ້​ລົດ​ຫວານ​

ນ້ຳ​ຕານ​ເປັນ​ຕົວ​ການເຮັດ​ຜິວ​ຫ່ຽວ​ຍານ​ໄວ​ແລະ​ເຮັດໃຫ້​ເກີດ​ສິວ​

ທັງ​ນ້ຳ​ຕານ​ໃນ​ຮູບ​ຂອງ​ເຄື່ອງ​ປຸງ​ຫລື​ຈາກ​ອາຫານ​ທີ່​ມີ​ຄວາມ​ຫວານ​ຢູ່​ແລ້ວ.​

ຜັກ​ຫມາກໄມ້​ທີ່​ມີ​ຄວາມ​ຫວານ​ຫລາຍ​ໆ​ກໍ​ນັບ​ດ້ວຍ​.​

ເພາະ​ສະ​ນັ້ນ​ສາວ​ໆ​ຕ້ອງ​ຫຼຸດ​ການ​ກິນ​ອາຫານ​ລົດ​ຫວານ​ໃຫ້​ນ້ອຍ​ລົງ​ລະຫວ່າງ​ທີ່​ສິວ​ບຸກ​ປະ​ມານ​ 2 ອາທິດ​ ເພາະ​ເມື່ອ​ຄວາມ​ຫວານ ​ເຂົ້າ​ສູ່​ຮ່າງກາຍ​ແລ້ວ​ມັນ​ຈະ​ກາຍ​ສະພາບ​ເປັນ​ກົດ​ ເຮັດໃຫ້​ເຊວເກີດ​ການ​ອັກ​ເສບ​ງ່າຍ​ ອິນ​ຊູ​ລິນ​ຫຼັ່ງ​ອອກ​ມາ​ຫລາຍ​ຂຶ້ນ​ ເຮັດໃຫ້​ຮໍ​ໂມນ​ຄວາມ​ຄຽດ​ຫຼັ່ງ​ຫລາຍ​ຕາມ​ໄປ​ດ້ວຍ​ ເມື່ອ​ຄຽດ​ສິວ​ຄວນ​ມາ​ ເພາະ​ສະ​ນັ້ນ​ເບົາ​ໆ​ແດ່.

2.ແປ້ງຖູ​ຂາວ​

ເຂົ້າ​ຂາວ​ກໍ​ຖື​ເປັນ​ແປ້ງ​ຂັດ​ຂາວ.​

ຂະໜົມ​ປັງ​ກໍ​ຕົວ​ດີ.​

ເມື່ອ​ກິນ​ແປ້ງ​ຫຼື​ຄາ​​ໂບ​ໄອ​ເດດ​ເຂົ້າໄປ​ຮ່າງກາຍ​ຈະ​ຍ່ອຍ​ເປັນ​ນ້ຳ​ຕານ​ ເຮັດໃຫ້​ຜົນ​ທີ່ເກິດຂື້ນ​ຕາມ​ມາ​ບໍ່​ຕ່າງ​ກັນ​.

ເຮັດໃຫ້​ລະ​ດັບ​ນ້ຳ​ຕານ​ໃນ​ເລືອດ​ສູງ​ຂຶ້ນ​ ເຊວ​ຈະ​ອັກ​ເສບ​ງ່າຍ​ ສິວ​ທີ່​ເປັນ​ຢູ່​ຈະ​ຫາຍ​ຊ້າ​ແລະ​ອັກ​ເສບ​ດົນ​ຂຶ້ນ​ ເພາະ​ສະ​ນັ້ນ​ລ້ຽງ​ໄດ້​ກໍ​ລ້ຽງ.

ອັນ​ທີ່​ຈິງ​ທັງ​ນ້ຳ​ຕານ​ແລະ​ແປ້ງ​ກໍ​ເປັນ​ອາຫານ​ທີ່​ບໍ່​ຄວນ​ຮັບປະກິນ​ໃນ​ປະລິມານ​ ຫລາຍ​ຢູ່​ແລ້ວ​ ບໍ່​ວ່າ​ຈະ​ເປັນ​ສິວ​ຫຼືບໍ່​ເປັນ​ ເພາະ​ມັນ​ສົ່ງ​ຜົນ​ເສຍ​ຕໍ່​ຮ່າງກາຍ​ຫລາຍກວ່າ​ຜົນ​ດີີ​ ສາວ​ໆ​ຄົນ​ໃດ​ທີ່​ກຳ​ລັງ​ສູ້​ກັບ​ສິວ​ຢູ່​ ຂອງ​ຫວານ​ງົດ​ໄດ້​ງົດ​ໄປ​ເລີຍ​ດີກວ່າ​ ແປ້ງ​ກໍ​ເລືອກ​ກິນ​ທີ່​ບໍ່​ຜ່ານ​ການ​ຂັດ​ຂາວ​ ສິວ​ຈະ​ໄດ້​ຫາຍ​ໄປ​ໄວ​ໆ​ແບບ​ບໍ່​ຖິ້ມ​ຮ່ອງ​ຮອຍ​ປວດ​ໃຈ​ໄວ້.​