ອາຫານແລະເຄື່ອງ​ດື່ມ​ເພື່ອ​ສຸ­ຂະ­ພາບ​ຜິວທີ່ສວຍ​ງາມ

ສຸ­ຂະ­ພາບ ​ຈະ​ແຂງ­ແຮງ ແລະ ​ສົດ­ຊື່ນ​ແຈ່ມ​ໃສ​ໄດ້​ອາ­ຫານ​ກໍເປັນ​ສ່ວນ​ທີ່​ສຳ­ຄັນ ເພາະ​ນອກຈາກ​ຈະ​ກິນ​ໃຫ້​ອີ່ມ​ແລ້ວ​ຍັງ​ເຮັດໃຫ້​ຮ່າງ­ກາຍ​ມີ​ຄວາມ​ທົນ​ທານ ແລະ​ ພູມ​ຄຸ້ມ​ກັນ​ຕໍ່​ພະ­ຍາດ​ຕ່າງໆໄດ້ ນອກ­ຈາກ​ນັ້ນ​ຍັງ​ເຮັດ​ໃຫ້​ຜິວພັນ​ເບິ່ງ​ສວຍ​ງາມ​ມີ​ນ້ຳ​ມີ​ນວນ​ອີກ​ດ້ວຍ ເຊັ່ນ​ເຄື່ອງ​ດື່ມ​ດັ່ງ​ລຸ່ມ​ນີ້:

  • ນົມ​ຖົ່ວ­ເຫຼືອງ: ການ ​ດື່ມ​ນົມຖົ່ວ­ເຫຼືອງ​ບໍ່​ພຽງ​ ແຕ່​ຊ່ວຍ​ບຳ­ລຸງໃຫ້​ກະ­ດູກ​ແຂງ­ແຮງ ແຕ່​ຍັງ​ຊ່ວຍບຳ­ລຸງ​ຜິວ​ພັນ​ຂອງ​ສາວໆ​ເພາະ​ໃນ​ນົມ​ຖົ່ວ­ເຫຼືອງ​ມີ​ສານ​ໄອ​ໂຊ ​ຟຣາ​ໂວນ ທີ່​ຈະ​ຊ່ວຍ​ປ້ອງ​ກັນ​ບໍ່​ໃຫ້ໃບ​ໜ້າ​ແຮ່ວ​ຍານ​ແຖມ​ຍັງ​ຊ່ວຍຮັກ­ສາ​ຄໍ​ລາ​ເຈນ ​ທຳ​ມະ​ຊາດ​ໃນຜິວ​ໄວ້​ດ້ວຍ ສະ­ນັ້ນ​ຖ້າ​ດື່ມ​ເປັນ​ປະ­ຈຳ​ຜິວ​ພັນ​ກໍ​ຈະ​ສົດ­ໃສ.
  • ຊາ​ຂຽວ: ຊາ​ຂຽວ​ມີ​ປະ­ໂຫຍດຫຼາຍ​ຕໍ່​ສຸ­ຂະ­ພາບ ແລະ​ ຮ່າງ­ກາຍນອກ­ຈາກ​ການ​ດື່ມ ເພື່ອ​ຄວາມ​ສົດຊື່ນ​ແລ້ວ​ມັນ​ຍັງ​ສົ່ງ​ຜົນ​ດີ​ຕໍ່​ສຸ​ຂະ ພາບ​ຜິວ​ຂອງ​ທ່ານ ເພາະ​ໃນ​ຊາຂຽວ​ມີ​ສານ​ຕ້ານ​ອະ­ນຸ​ມູນ​ອິດ​ສະຫຼະ​ທີ່​ຊ່ວຍ​ປົກ​ປ້ອງ​ຜິວ​ຈາກ​ ລັງ­ສີຢູ​ວີ ພ້ອມ​ທັງ​ຊ່ວຍ​ຫຼຸດ​ການ​ລະ​ຄາຍເຄືອງ ແລະ​ ຮອຍ​ຜືນ​ແດງ​ທີ່​ຜິວດ້ວຍ.
  • ນ້ຳ­ໝາກ​ພິ­ລາ: ນ້ຳ­ໝາກພິ­ລາ ​ອຸ­ດົມ​ໄປ​ດ້ວຍ​ສານ​ຕ້ານອະນຸ​ມູນ​ອິດ­ສະ­ຫຼະ ຊຶ່ງ​ຜູ້​ຊ່ຽວ­ຊານຈາກ​ຕ່າງ­ປະ­ເທດ​ແນະ­ນຳ​ວ່າ­ການ ດື່ມ­ນ້ຳ​ພິ­ລາ​ເປັນ​ປະ­ຈຳ​ທຸກ​ມື້ ເຖິງ​ຈະ​ໃນ​ປະ­ລິ­ມານ​ໜ້ອຍໆ​ແຕ່​ກໍ່ຊ່ວຍ​ຕໍ່­ຕ້ານ​ຮ່ອງ­ຮອຍ​ໄດ້​ແລ້ວ.

===============================================================================