ອາຊຽນ-ອີຢູ ຊຸກຍູ້ການຮ່ວມມືການຄຸ້ມຄອງຕາມຊາຍແດນ

ຕາມ​ຂ່າວ ​ຕ່າງປະ​ເທດ, ​ເມື່ອ​ບໍ່​ດົນ​ມາ​ນີ້, ຄະນະ ​ເລຂາ​ ອາ​ຊຽນ ​ໄດ້​ເປີດ​ເຜີຍວ່າ: ​ອາ​ຊຽນ-ສະຫະພາບ​ ເອີຣົບ(ອີຢູ) ໄດ້ແລກປ່ຽນ ບົດຮຽນ ຈາກບັນດາ ມາດຕະການ ຄຸ້ມຄອງ ຕາມຊາຍແດນ ໃນພາກພື້ນ ແລະ ວິທີການ ແກ້ໄຂ ບັນຫາ ການຄ້າ ມະນຸດ ຕາມຊາຍແດນ. ທ່ານ ບຸ່ຍ​ຈິເຟືອງ, ຫົວໜ້າ​ກົມ ​ການ​ຕ່າງ ​ປະ​ເທດ ຂຶ້ນ​ກັບ​ ກະ​ຊວງ ​ຕຳ​ຫລວດ ​ຫວຽດ​ນາມ​ ລະບຸວ່າ: ຈະ​ສືບ​ຕໍ່​​ ໃຫ້​ຄຳ​ໝັ້ນ ​ສັນ​ຍາ​ ຈັດຕັ້ງ ປະ​ຕິ​ບັດ ໃນ​ໄລ​ຍະ 2 ລະ​ຫວ່າງ ອາ​ຊຽນ ແລະ ອີຢູ ກ່ຽວ​ກັບ ​ການ​ອົບ ​ພະ​ຍົບ ແລະ ຄ​ຸ້ມ​ຄອງ ຕາມ​ຊາຍ​ແດນ​ ຢ່າງ​ມີ​ ປະ​ສິດ ​ທິ​ຜົນ. ​ຂະນະ​ທີ່ ອີ​ຢູ ຈະ​ໜູນ​ຊ່ວຍ ​ບັນ​ດາ ​ປະ​ເທດ ອາ​ຊຽນ ກ່ຽວ​ກັບ​ ການ​ຄວບ​ຄຸມ ​ສະ​ພາບ ​ອົບ​ພະ​ຍົບ ພາຍ​ໃນ​ກຸ່ມ ໂດຍ​ສະ​ເພາະ ການ​ເຂົ້າ​-ອອກ​ເມືອງ ​ຂອງ​ບັນ​ດາ ​ພົນ​ລະ​ເມືອງ ​​ປະ​ເທດ ສະມາ ຊິກ​ ອາ​ຊຽນ, ພ້ອມທັງ ຮັບ​ປະ​ກັນ ​ຄວາມ​ສະ​ຫງົບ​ ປອດ​ໄພ​ ໃນ​ການ ​ກວດ​ກາ​ ຕາມຊາຍ​ແດນ.

ບົດຄວາມໃຫມ່ໆ