ອາຊີບ​ເສີມ​ທີ່​ໜ້າ​ສົນ​ໃຈ​ເປັນ​ແບບ​ໃດ?

ອາຊີບ​ເສີມ​ທີ່​ໜ້າ​ສົນ​ໃຈ​ເປັນ​ແບບ​ໃດ

          ຫຼັງ​ຈາກ​ທີ່​ເຮົາ​ໄດ້​ຮູ້​ເຫດຜົນ​ແລ້ວ​ວ່າ ​ເປັນ​ຫຍັງ​ເຮົາ​ຈຶ່ງ​ຕ້ອງ​ຫາ​ອາຊີບ​​ເສີມ​ເຮັດ ຫຼື​ວ່າ​ຫາ​ອັນ​ເຮັດ​ເພີ່ມ​ຕື່ມ​ໄປ​ແລ້ວ ລວ​​​ມ​ໄປ​ເຖິງ​ປັດ​ໃຈ​ທີ່​ໃຊ້​ໃນ​ການ​ເລືອກ​ອາຊີບ​ເສີມ ທີ່​ເໝາະ​ສົມ​ກັບ​ຕົວ​ເອງ​ແລ້ວ. ​ແຕ່​ຖ້າ​ຕອນ​ນີ້​ຍັງ​ຄິດ​ບໍ່​ອອກ ວ່າ​ສິ​ເຮັດ​ອາຊີບ​ເສີມ​ແບບ​ໃດ ຫຼື ອາຊີບ​ເສີມ​ແບບ​ໃດ​ທີ່​ໜ້າ​ສົນ​ໃຈ

          ​ເຮົາ​ມີ​​ຄຳ​ແນະນຳ​ໃຫ້​ກັບທ່ານ​ວ່າ 6 ອາຊີບ​ເສີມ ທີ່​ມາ​ແຮງ​ໃນ​ປະຈຸບັນ​ ​ແລະ ສ້າງ​ລາຍ​ໄດ້​ແບບຈິງ​ຈັງ ​ໄດ້​ເງິນ​ດີ,ມີ​ຄວາມ​ເໝາະ​ສົມ​ກັບ​ຍູ​ກປະຈຸ​ບັນ ​ເຊິ່ງອາດ​ຈະ​ໃຫ້​ຄວາມ​ຄິດ ຫຼື ​ແຮງ​ບັນດານ​ໃຈ ​ໃນ​ການ​ເລືອກອາຊີບ​ເສີມຂອງ​ທ່ານ

6 ອາຊີບ​ເສີມ​ທີ່​ໜ້າ​ສົນ​ໃຈ​

          ມີ​ອາ​ຊີບ​​ເສີມ​ຫຼາກ​ຫຼາຍ​ປະ​ເພດ ທີ່​ຫຼາຍ​ຕໍ່​ຫຼາຍ​ຄົນ​ໃຫ້​ຄວາມ​ສົນ​ໃຈ ຫຼື ບາ​ງຄົນ​ກໍ່​ອາດ​ຈະ​ໄດ້​ລອງ​ເຮັດ​ອາຊີບ​ເສີມ​ນັ້ນ​ແລ້ວ ​ເຊິ່ງ 6 ອາຊີບ​ເສີມ​ທີ່​ນຳ​ສະ​ເໜີ​ໃນ​ບົດ​ຄວາມ​ນີ້ ຈະ​ໃຫ້​ພາບ​ກວ້າງໆ ຂອງ​ການ​ມີ​ອາຊີບ​ເສີມ​ເຮັດ​

          ​ເຊິ່ງ​ແບ່ງ​ເປັນ 3 ​ແບບ​ໃຫຍ່​ໆ ຄື ອາຊີບ​ເສີມ​ທີ່ຢູ່​ໃນ​ຮູບ​ການ​ຂອງ​ການ​ໃຊ້ ທັກ​ສະ ສະ​ເພາະ​ຕົວ, ອາຊີ​ບ​ເສີມ​ທີ່​ກ່ຽວ​ຂ້ອງ​ກັບ​ການ​ຂາຍ ​ແລະ ອາຊີບ​ເສີມ​ທີ່​ມີ​ຄົນ​ພ້ອມ​ຈະ​ຖ່າຍ​ທອດ​ວິທີ​ເ​ຮັດ​ໃຫ້ ​ໂດຍ​ບໍ່​ຈຳ​ເປັນຕ້ອງ​ມີ​ທັກ​ສະ​ໃດໆ​ມາ​ກ່ອນ

 

1. ການສອນ​ພິ​ເສດ

          ​ຖ້າ​ມື້​ນີ້​ທ່ານ​ເປັນ​ຄົນທີ່​ມີ​ສີ​ໄມ້​ລາຍ​ມືຖ່າຍ​ທອດ​ໃຫ້​ຄົນ​ອື່ນ ບໍ່​ວ່າ​ຈະ​ເປັນ​ເດັກນ້ອຍ ຫຼື ຜູ້​ໃຫຍ່​ ​ໃນ​ວິ​ຊາ​ທີ​ສຳຄັນ​ໆ​ ​ເຊັ່ນ ພາສາ​ອັງກິດ ຫຼື ຄະນິດສາດ ການ​ສອນ​ພິ​ເສດ​ກໍ່​ອາດ​ເບິ່ງ​​ເປັນ​ອາຊີບ​ເສີມ​ທີ່​ເໝາະ​ສົມ​ກັບ​ທ່ານ ​ເພາະ​ມັນ​ເກືອບ​ວ່າ​ເວົ້າ​ໄດ້​ວ່າບໍ່​ໄດ້​ໃຊ້​ເງິນ​ລົງທຶນ​ແມ້​ແຕ່​ໜ້ອຍ ພຽງ​ແຕ່​ໃຊ້​ຄວາມ​ຮູ້​ ​ແລະ ທັກ​ສະ​ທີ່​ທ່ານ​ມີ​ຢູ່​ແລ້ວ ​ໃນ​ປະຈຸ​ບັນ​ອາ​ຊີບ ສອນ​ພິ​ເສດ ອາ​ດ​ຈະ​ລວ​​ມມາ​ເຖິງການ​ສອນ​ພິ​ເສດ​ໃນ​ລະດັບ​ວິທະຍາ​ໄລ​ພ້ອມ​ແລ້ວ ​ເຊິ່ງສາມາດ​ສ້າງ​ລາຍ​ໄດ້​ເປັນ​ລາຍ​ຊົວ​ໂມງ ​ແລະ ສາມາ​ດສ້າງ​ລາ​ຍຮັບ​ພິ​ເສດ​ໃຫ້​ກັບ​ທ່ານ​ອີກ​ດ້ວຍ.

 

2. ​ຫຼິ້ນ​ດົນ​ຕຣີຕາມ​ສະຖານ​ທີ່​ບັນ​ເທີ​ງ

          ຫາກ​ທ່ານ​ເປັນ​ຄົນ​ໜຶ່ງທີ່ຮັກໃນສຽງດົນຕຣີ ແລະ ມີສຽງຮ້ອງທີ່ດີ ຫຼື ຫຼິ້ນ​ກີ່ີຕ້າ​​ເກັ່ງ ທ່ານ​ກໍ່​ສາມາດ​ສ້າງ​ວົງ​ດົນຕຣີຂອງ​ທ່ານ​ເອງ​ໄດ້ ​ແລະ ​ໄປ​ຫຼິ້ນ​ຕາມ​ຮ້ານ​ກິນ​ດື່ມ​ແບບ​ສະບາຍ​ໆ ຕ່າງ​ໆ ຫຼື ​ແມ້​ແຕ່​ໃນ​ເທັກ​ກໍ່​ຕາມ ລາຍ​ໄດ້​ກໍ່ຂ້ອນຂ້າງ​ຈະ​ດີ ​ແລະ ຍິ່ງ​ທ່ານ​ມັກ​ໃນ​ສຽງ​ດົນ​ຕຣີ​ແລ້ວ ທ່ານ​ຍິ່ງ​ມີ​ຄວາມ​ກັບອາຊີບ​ເສີມ​ນີ້​ຢ່າງ​​ແນ່​ນອນ ​ແລະ ລາຍ​ໄດ້​ທີ່​ເກີດ​ຂຶ້ນ​ໃນ​ແຕ່ລະ​ຄືນ​ກໍ່ຄົງ​ຈະ​ບໍ່​ໜ້ອຍ​ເລີຍ​ສຳລັບ​ລາຍ​ໄດ້​ຂອງ​ນັກ​ດົນ​ຕຣີກາງຄືນ​ເມື່ອ​ບວກ​ກັບ​ເງິນ​ເດືອນ​​ແລ້ວ.

 

3. ລົງທຶນ​ໃນ​ຕະຫຼາດ​ຫຼັກ​ຊັບ

          ນີ້​ເປັນອີກ​ໜຶ່ງ​ອາຊີບ​ເສີມ​ທີ່​ຄົນ​​ເຮັດ​ວຽກ​ລູ້​ນ​ໃໝ່ ນິຍົມ​ເປັນ​ຢ່າງ​ຫຼາຍ ​ເພາະ​ພຽງ​ແຕ່​ທ່ານ​ມີ​ເງິນ​ລົງ​ທຶນ ບວກ​ກັບ​ທັກສະ​ໃນ​ດ້ານ​ການ​ລົງທຶນ ​ເທົ່າ​ນີ້ທ່ານ​ກໍ່​ສາມາດ​ສ້າງ​ເມັດ​ເງິນ​ຈາກ​ກາ​ນລົງທຶນໃນຕະຫຼາດ​ຫຼັກ​ຊັບ ​ແຕ່​ອາຊີບ​ເສີມ​ນີ້າຈະ​ອັນ​ຕະລາຍ​ຫຼາຍ​ ຫາກວ່າ​ທ່ານ​ບໍ່​ມີ​ຄວາມ​ຮູ້​ຄວາມ​ເຂົ້າ​ໃຈ​ພຽງພໍ​ຕໍ່​ກັບ​ການ​ລົງ​ທຶນ ​ແລະ ​ເບິ່ງ​​ແຍງ​ຕົວ​ເອງ​ໃຫ້​ຢູ່​ລອດ​ໄດ້ ​ໂດຍ ບໍ່​ເຈັ້ງ​ໄປ​ເສຍ​ກ່ອນ ຢ່າງ​ໃດ​ກໍ່ຕາມ ຂຶ້ນ​ຊື່​ວ່າການ​ລົງທຶນ ​ຖ້າ​ຫາກ​ທ່ານ​ບໍ່​ມີ​​ເງິນ​ລົງທຶນ​ແລ້ວ ອາຊີບ​​ເສີມ​​ໂຕນີ້​ກໍ່​ບໍ່​ມີ​ທາງ​ເລີ້ມ​ຕົ້ນ​ຂຶ້ນ​ມາ​ໄດ້​ແນ່ນອນ.

 

4. ຮັບ​ແປ​ພາສາ

          ຖ້າ​ທ່ານ​ເປັນຄົນ​ໜຶ່ງ​ທີ່​​ຊ່ຽວຊານ​ດ້ານ​ພາສາ​ຕ່າງ​ປະ​ເທດ ​ແຕ່​ບໍ່​ມັກ​ທີ່​ຈະ​ຖ່າຍ​ທອດ​ໃຫ້​ກັບ​ຄົນ​ອື່ນ ຫຼື ​ເພາະ​ທ່ານ​ອາດ​ຈະ​ຄິດ​ວ່າ​ທ່ານ​ເປັນ​ຄົນ​ເວົ້າ​ບໍ່​ຄ່ອຍ​ເກັ່ງ, ບໍ່​ສະນຸກ​ສະໜາ​ນກັບ​ການ​ພົບ​ປະ​ກັບ​ຜູ້​ຄົນ​ປານ​ໃດ ທາງ​ເລືອກ​ທີ່​ເໜາະ​ສົມ​ກັບ​ທ່ານ​ນັ້ນ ທ່ານ​ອາ​ດຈະ​ເລືອກ​ອາຊີບ​ເສີມ​ຮັບ​ແປ​ພາສາ ຫຼື ທີ່​ເອີ້ນ​ວ່າ​ນັກ​ແປກໍ່​ໄດ້ ​ເພາະ ທ່ານ​ກໍ່​ບໍ່​ໄດ້​ລົມ​ກັບ​ໃຜ​ພຽງ​ແຕ່​ຄອມ​ພິວ​ເຕີ້​ເທົ່າ​ນັ້ນ ພິມ​ວຽກ​ຢ່າງ​ດຽວ​ເຊິ່ງລາຍ​ໄດ້​ກໍ່​ຂ້ອນ​ຂ້າງ​ຫຼາຍ​ເລີຍ​ທີ​ດຽວ.

 

5. ຂາຍ​ເຄື່ອງ​ຜ່ານ Facebook

          ​​​ອາຊີ​ບ​ເສີມ​ປະ​ເພດ​ນີ້ ​ເປັນ​ວຽກ​ແບບ​ຂາຍ ​ແບບ​ທຳ​ອິດທີ່​ຈະ​ຖືກ​ນຳ​ສະ​ເໜີ ນັ້ນ​ຄື ການ​ຂາຍ​ເຄື່ອງ​ຜ່ານ facebook ຫຼື Wabsite ອື່ນໆ ຮູບ​ແບບ​ນີ້​ເປັນ​ທີ່​ນິຍົມ​ເປັນ​ຢ່າງ​ຫຼາຍ ​ໃນ​ປະ​ຈຸ​ບັນ ດ້ວຍ​ການ​ເລີ້ມ​ຕົ້ນ​ທີ່​ງ່າຍ ທີ່​​ແມ້ຈະ​ຍາກ​ແດ່ ​ໃນ​ການ​ໂຄສະນາ ​ແຕ່​ທຶນ​ກໍ່ບໍ່​ຈົມ ​ເພາະວ່າ​ສິນ​ຄ້າ​ທີ່​ຂາຍ​ໃນ​ Wabsite ນັ້ນ ສ່ວນ​ຫຼາຍ​ແມ່ນ​ຮັບ​ເງິນສົດ​ ​ແລະ ​ເລືອກ​ທີ່​ຈະ pre-order ​ໄດ້​ອີກ​ດ້ວຍ ສະ​ນັ້ນ ມັນບໍ່​ມີ​ຄວາມ​ຈຳ​ເປັນ​ທີ່​ຈະ​ໄປ​ຊື້​ນສິນຄ້າ stock ​ໄວ້​ຫຼາຍໆ ​ແຕ່​ອາດ​ເຈີ​ຄວາມ​ຫຍຸ້ງຍາກ​ແຕ່​ການ​ສົ່ງ​ສິນຄ້າ​ໃຫ້​ກັບ​ລູກ​ຄ້າ​ນັ້ນ​​ເອງ.

 

6. ຂາຍ​ເສື້ອ​ຜ້າ​ໃນ​ມື້​ພັກ​ວຽກ

          ອີກ​ອາຊີບ​ໜຶ່ງ​ທີ່​ອາດ​ຈະ​ລົບ​ຄວາມ​ນິຍົມ​ລົງ​ເມື່ອ​ປຽບທຽບ​ກັບ​ເມື່ອ​ກ່ອນ ​ແຕ່​ກໍ່​ຍັງ​ມີ​ຄົນ​ໃຫ້​ຄວາມ​ສົນ​ໃນ ​ແລະ ກໍ່​ເຂົ້າໆ​ອອກ​ໆ ກັບ​ການ​ເຮັດ​ອາຊີບ​ນີ້​ສະ​ເໜີ ຄື​ການ​ຂາຍ​ເສື້ອ​ຜ້າ ຫຼື ສິນຄ້າ​ອື່ນືໆ​ໃນ​ມື້​ພັກ​ວຽກ ອາຊີບ​ເສີມ​ນີ້​ອາດ​ຈະ​ໃຊ້​ເງິນ​ລົງທຶນ​ຫຼາຍກວ່າ​ຮູບ​ແບບ​ອື່ນ​ໆ ​ເພາະ​ຕ້ອງ​ຫຼາຍ​​ໄປ​ກັບ​ໜ້າ​ຮ້ານ ​ແລະ stock ສິນຄ້າ​ຂອງ​ຮ້ານ​ທ່ານ ​ແຕ່​ຖ້າ​ທ່ານ​ຕັ້ງ​ໃຈ​ກັບ​ມັນ ​ແລະ ​ເລືອກ​ສິນຄ້າ​ມາ​ຂາຍ​ໄດ້​ຖືກ​ໃຈ​ຄົນ​ຊື້ ທ່ານ​ອາດ​ຈະ​ພັດທະນາ​ອາຊີບ​ເສີມ​ນີ້​ໄປ​ເປັນ​ທຸລະ​ກິດ​ເລີກ​ກໍ່​ໄດ້.

 

------------------------------------------------

ທີ່ມາ http://shoplri.com/