ອາການ​ສະ​ເດີດຂະນະ​ນອນ​ຫຼັບ​ ທີ່​ຈິງ​ແລ້ວ​ ມັນ​ເປັນ​ເພາະ​ແບບ​ນີ້​!

ອາການ​ສະ​ເດີດຂະນະ​ນອນ​ຫຼັບ​ ທີ່​ຈິງ​ແລ້ວ​ ມັນ​ເປັນ​ເພາະ​ແບບ​ນີ້​!


ເວລາ​ເຮົາ​ກຳ​ລັງ​ນອນ​ຫຼັບ​ພັກ​ຜ່ອນ​ ເຄີຍ​ຮູ້ສຶກ​ຕົວ​ຫຼື​ບໍ່​ວ່າ​ ຕອນ​ເຮົາ​ນອນ​ນັ້ນ​ຮ່າງ ກາຍ​ຂອງ​ເຮົາ​ເກີດ​ການ​ສະເດີດ​​ເຊັ່ນ​ ແຂນ​ຂາສະເດີດ​​ ບາງເທື່ອ​ເຮົາ​ກໍ​ຮູ້​ຕົວ​ ບາງເທື່ອ​ກໍ​ບໍ່​ຮູ້​ຕົວ​ ໂດຍ​ອາ​ກາ​ນີ້​ເອີ້ນວ່າ​ hypnic jeks ຫຼື ຄື​ ອາການ​ສະເດີດ​​ຂະນະ​ນອນ​ຫຼັບ.​

ອາການ​ສະເດີດ​​ຂະນະ​ນອນ​ຫຼັບ​ນັ້ນ​ເກີດ​ຈາກ​ ການ​ເຮັດ​ວຽກງານ​ຂອງ​ກ້າມ​ເນື້ອເປັນໄລຍະຂະນະ​ນອນ​ຫຼັບ​ ມີ​ລະ​ດັບ​ຄວາມ​ຮຸນແຮງ​ຕ່າງ​ກັນ​ ບາງ​ຄົນ​ພຽງແຕ່​ຕີນສະເດີດ​ ຫຼື ​ບາງ​ຄົນ​ຮຸນແຮງ​ຖີບ​ຜ້າ​ຫົ່ມ​ກໍ​ມີ​ ສ່ວນ​ໃຫຍ່​ມັກ​ບໍ່​ຮູ້​ຕົວ​ ຫຼື ຮູ້ສຶກ​ຕົວ​ພຽງ​ນ້ອຍໆ​ແລ້ວ​ຫຼັບ​ຕໍ່​ ຫຼື ຫາກ​ສະເດີດ​​ຫຼາຍ​ເທື່ອ​ຕໍ່​ຄືນ​ ອາດ​ເຮັດໃຫ້​ເກີດ​ການ​ພັກ​ຜ່ອນ​ທີ່​ບໍ່​ພຽງ​ພໍ​ໄດ້​ ໂດຍ​ອະໄວຍະວະ​ທີ່​ເກີດ​ອາການ​ສະເດີດ​​ເລື້ອຍໆ​ ໄດ້​ແກ່​ຂາ​ ຈຶ່ງ​ມີ​ຊື່​ເອີ້ນສະເພາະ​ທາງ​ວ່າ​ ພະຍາດ​ພາ​ວະ​ຂາສະເດີດ​​ຂະນະ​ນອນ​ຫຼັບ​.

ສ່ວນ​ໃຫຍ່​ສັນ​ນິດ​ຖານ​ວ່າ​ອາການ​ນີ້​ເກີດ​ຈາກ​ຄວາມ​ຄຽດ​ກ່ອນ​ຈະ​ນອນ​ຫຼັບ​ ຫຼືເກີດ​ຈາກ​ພະຍາດ​ບາງ​ຊະນິດ​ ເຊັ່ນ​ ພະຍາດ​ເສັ້ນ​ເລືອດ​ໃນ​ສະໝອງ​ຕີບ​ ພະ ຍາດ​ຫມາກໄຂ່ຫລັງ​ ພະຍາດ​ເບົາ​ຫວານ​ ຍັງ​ສັນ​ນິດ​ຖານ​ອີກ​ວ່າ​ເກີດ​ຈາກ​ປະຕິ​ກິ​ລິຍາ​ທີ່​ສັບ​ສົນ​ຂອງ​ສະໝອງ​ ລະບົບ​ການ​ເຮັດ​ວຽກຂອງ​ຮ່າງກາຍ​ປັບ​ຕົວ​ນ້ອຍ​ລົງ​ໃນ​ຂະນະ​ນອນ​ຫຼັບ​ ກ້າມເນື້ອ​ຕ່າງ​ໆ​ໃນ​ຮ່າງກາຍ​ກໍ​ປັບ​ຕົວ​ຊ້າລົ​ງ​ເຊັ່ນ​ກັນ​ ເມື່ອ​ສະຫມອງ​ສັບ​ສົນ​ ເພາະ​ກ້າມ​ເນື້ອກ​າຍ​ຕົວ​ພ້ອມ​ກັນ​ ເຮັດໃຫ້​ຮູ້ສຶກ​ຄືຕົກ​ຈາກ​ບ່ອນ​ສູງ​ ສະຫມອງ​ຈຶ່ງ​ຕອບສະຫນອງ​ໃຫ້​ກ້າມເນື້ອ​ຈັງ​ສະເດີດ​​ຢ່າງ​ວ່ອງໄວ​

ຍັງມີ​ພະຍາດ​ທີ່​ຄ້າຍ​ກັນ​ກັບ​ອາການ​ສະເດີດ​​ຂະນະ​ນອນ​ຫຼັບ​ຄື​ ​ຮູ້ສຶກ​ຄືມີຫຍັງ​ຄານ​ຢູ່​ຂາ​ ເຮັດໃຫ້​ຕ້ອງ​ຕີງ​ຂາ​ຢູ່​ເລື້ອຍໆ​ ມັກ​ເປັນ​ໃນ​ເວລາ​ເຂົ້າ​ນອນ​

ອາການ​ສະເດີດ​​ຂະນະ​ນອນ​ຫຼັບ​ບໍ່​ແມ່ນ​ສິ່ງ​ທີ່​ຮ້າຍແຮງ​ ແລະ ​ພົບ​ໄດ້​ທຸກ​ເພດ​ທຸກ​ໄວ​ ບໍ່​ຕ້ອງ​ກັງ​ວົນ​ ພຽງ​ແຕ່ສັງເກດ​ຕົວ​ເອງ​ວ່າ​ມີ​ອາການ​ສະເດີດ​​ຮຸນແຮງ​ຫຼື​ບໍ່​ ຫາກ​ຮຸນແຮງ​ສາມາດ​ພົບໝໍ​ເພື່ອຮັບ​ຢາ​ມາ​ກິນ​ ເພື່ອ​ໃຫ້​ການ​ນອນ​ພັກ​ຜ່ອນ​ມີປະ​ສິດ​ທິ​ພາບຫຼາຍ​ຂຶ້ນ​ຕໍ່ໄປ.​