ອາການເຈັບປວດນໍາຈຸດຕ່າງໆຂອງຮ່າງກາຍ ບົ່ງບອກເຖິງຫຍັງ

ອາການ​ເຈັບ​ປວດ​ເກີດ​ຂຶ້ນ​ໂດຍ​ບໍ່​ຮູ້​ສາ​ເຫດ ມັກ​ສ້າງ​ຄວາມ​ກັງ​ວົນ​ເພາະ​ນອກ​ຈາກ​ຈະ​ບໍ່​ຮູ້​ທີ່​ມາ​ແລ້ວ ເຮົາ​ຍັງ​ບໍ່​ອາດ​ເຫັນ​ສະພາບ​ພາຍ​ໃນ​ໄດ້ ມື້ມີ​ຂໍ້​ມູນ​ມາ​ໄຂ​ຂໍ້​ຂ້ອງ​ໃຈ​ໂດຍ​ສະເພາະ​ອາການ​ປວດ 10 ຈຸດ ຕໍ່ໄປນີ້

 ‘ເຈັບຫົວ​ກະທົບຮອດ​​ຄໍ‘ ອາດ​ເປັນພຽງ​ກ້າມ​ຊີ້ນທີ່​ຈັງ ​​ເວລາ​ມີ​ຄວາມ​ຄຽດ​ທຳມະດາ ແຕ່​ຖ້າ​ມີ​ຕາ​ມົວ​ບວກ​ກັບປຸ້ນທ້ອງ​ຮາກ​ນໍາ​ກໍ​ຕ້ອງ​ຈັບ​ຕາ​ອາການ​ທາງສະຫມອງ ‘ປວດ​ຫລັງ​ຮອດ​ລົງ​ຂາ‘ ໜ້າ​ຈະ​ເກີດ​ຈາກ​ໝອນ​ຮອງ​ກະດູກ​ກົດ​ເສັ້ນ​ປະສາດ​ເປັນ​ຫລັກ ໂດຍ​ສະເພາະ​ຫລັງ​ສ່ວນ​ບັ້ນ​ແອວ​ເປັນ​ຈຸດ​ອ່ອນ​ທີ່​ສຳຄັນ ການ​ເບິ່ງ​ວ່າ ​ປວດ​ຫລັງ​ເຖິງ​ຂັ້ນ​ໃດ​ໃຫ້​ເບິ່ງ​ອາການ​ປວດ​ລົງ​ຂາ

ເຈັບ​​ຄໍ​ລາມຮອດ​ແຂນ‘ ເຈັບ​ນີ້​ຕ້ອງ​ລະ​ວັງ​ເສັ້ນ​ປະສາດ​ຄໍ​ອາດ​ຖືກ​ກົດ​ ຫລື​ ບາດ​ເຈັບ​ຈາກ​ອຸບັດເຫດ ຍົກ​ຂອງ​ໜັກ​ທີ່​ຜ່ານມາ​ໄດ້ ‘ເຈັບ​ແຂນ​ປວດ​ປາຍ​ມື‘ ເບິ່ງ​ເລື່ອງ​ເສັ້ນ​ປະສາດ​ໃຫ້​ດີ​ມີ​ສິດ​ເກີດ​ຈາກ​ພັງ​ຜືດ​ໄປ​ລັດ​ເສັ້ນ​ປະສາດ​ ຫລື ​ເກີດ​ມາ​ຈາກ​ສູນ​ລວມ​ປະສາດ​ທີ່​ຕົ້ນ​ຄໍ​ກໍ​ເປັນໄດ້

‘ເຈັບ​ເອິກແລ່ນ​ໄປ​ແຂນ​ຊ້າຍ‘  ​ຍິ່ງ​ກວ່າອາການ​ອົກ​ຫັກ​ເພາະ​ມັກ​ກ່ຽວ​ເຖິງ​ພະຍາດ​ຫົວ​ໃຈ​ຂາດ​ເລືອດ ໃຫ້​ສັງເກດ​ອາການ​ປວດ​ວ່າ ​ຄື​ຖືກ​ບີບ​ ຫລື ​ຖືກ​ງູ​ເຫລືອມ​ໂຕ​ໃຫຍ່​ຮັດ​ ​ຫລື​ບໍ່ ‘ໄອ​ແລ້ວ​ປວດ​​ລົງຮອດ​ກົ້ນ​ບໍ່‘ ບາງ​ຄົນ​ເວລາ​ໄອ ​ຫລື ​ເບັ່ງ​ທ້ອງ​ແຮງ​ໆ ແລ້ວ​ມີ​ອາການ​ເຈັບ​​ໄປ​ຫລັງ​ ຫລື ​ກົ້ນ​​ເບື້ອງ​ລຸ່ມ​ທຸກ​ເທື່ອ ຕ້ອງ​ເຝົ້າ​ລະ​ວັງ​ພະຍາດ​ໝອນ​ຮອງ​ກະດູກ​ທັບ​ເສັ້ນ

‘ເຈັບ​ທ້ອງ​ນ້ອຍ​​ລາມລົງ​ຂາ‘ ໃນ​ແມ່ຍິງ​ຕ້ອງ​ລະ​ວັງ​ເລື່ອງ ​​ການ​ອັກ​ເສບ ສ່ວນ​ໃນ​ໜຸ່ມໆ ໃຫ້​ລະ​ວັງ​ໜິ້ວ​ໃນ​ກະເພາະ​ຍ່ຽວ ຖ້າ​ມີ​ໄຂ້​ຮ່ວມ​ນໍາໃຫ້​ຊ່ວຍ​ລະ​ວັງ​ການ​ຕິດ​ເຊື້ອ​ເປັນ​ຫລັກ ‘ເຈັບ​ທ້ອງ​ສ່ວນ​ອື່ນໆ ແລ້ວ​ລາມ​ຊອດ​ຫລັງ‘ ອາການ​ເຈັບ​ໜ້າ​ໄປ​ຫລັງ​ເຊັ່ນ​ນີ້​ຖ້າ​ເປັນ​ຢູ່ຕັບ ຄື ທາງ​ເທິງ​ຂວາ​ໃຫ້​ຄິດ​ເຖິງ​ ຖົງ​ນ້ຳບີ​ທີ່​ອາດ​ບໍ່​ດີ​ສົມ​ຊື່ ເພາະ​ນິ້ເປັນ​ສັນ​ຍານ​ໜິ້ວ​ໃນ​ຖົງ​ນ້ຳບີ​ ຫລື ​ຖົງ​ນ້ຳບີ​ອັກ​ເສບ ສ່ວນ​ຖ້າ​ເຈັບ​ສູນກາງ​ຮ່ວມ​ກັບ​ໄຂ້​ສູງ​ໃຫ້​ຄິດ​ເຖິງ​ຕັບ​ອ່ອນ​ອັກ​ເສບ (Acute pancreatitis) ແບບ​ຮຸນແຣງ

‘ເຈັບ​ບັ້ນ​ແອວ​ແຖວຂ້າງ​ປວດ​ລົງ​ຂາ‘ ຍິ່ງ​ຖ້າ​ເຈັບ​ບັ້ນ​ແອວ​ທາງໃດ​ທາງ​ໜຶ່ງ​ແລ້ວ​​ປວດນໍາ ໃຫ້​ຄິດ​ເຖິງ​ກ້ອນ​ໜິ້ວ​ໃນ ​ກວຍ​ຫມາກໄຂ່ຫລັງ​ ຫລື ​ທໍ່​ຫມາກໄຂ່ຫລັງ ໃນ​ບາງ​ຄົນອາດ​ມີ​ທໍ່​ຍ່ຽວ​ອັກ​ເສບ​ຮ່ວມ​ກັບ​ມີ​ໄຂ້ ຮູ້ສຶກ​ໜາວ ​ແລະ ​ຍ່ຽວ​ປົນ​ເລືອດ​ອີກ ຖ້າຫາກ​ເປັນ​ເຊັ່ນ​ນີ້​ແນະ​ໃຫ້​ຊ່ວຍ​ຮີບ​ໄປ​ກວດ​ຍ່ຽວ ເອັກ​ສະເລ ​ຫລື ​ອັນ​ຕ້າ​ຊາວ

ແລະ ​ສຸດ​ທ້າຍ ‘ເຈັບ​ຕາມ​ຜື່ນ​ແລ້ວ ​ປວດ​ລົງ​ເສັ້ນ​ປະສາດ‘ ການ​ທີ່​ມີ​ຜື່ນ​ເປັນ​ຕຸ່ມ​ນ້ຳ​ໃສ​ແລ້ວ​ມີ​ອາການ​ແສບ​ຮ້ອນ ​ຫລື ​ເຄີຍ​ມີ​ປະຫວັດເປັນ​ພະຍາດ​ໃຫ້​ລະ​ວັງ​ອາການ​ປວດ​ລ້າວ​ໄປ​ນໍາ​ປາຍ​ປະສາດ ແມ່ນ​ບໍ່​ມີ​ຜື່ນ​ແລ້ວ​ກໍ​ອາດ​ຖິ້ມ​ອາການ​ແສບ​ຮ້ອນ​ໄວ້​ໄດ້ ບາງ​ຄົນ​ເຈັບ​ແສບ​ຢູ່​ຕາມ​ແນວ​ເສັ້ນ​ປະສາດ​ເປັນ​ຄັ້ງ​ຄາວ