ອາກາດເລີ່ມໜາວ ຈົ່ງຮັກສາສຸຂະພາບ

ກົມອຸຕຸນິຍົມແລະອຸທົກກະສາດ ໃຫ້ຮູ້ວ່າ: ບໍລິເວນຄວາມກົດດັນສູງຂອງອາກາດເຢັນຍັງສືບຕໍ່ປົກຄຸມຢູ່ທົ່ວທຸກພາກຂອງລາວດວ້ຍກຳລັງປານກາງ,ສົມທົບກັບກະແສລົມຕາເວັນອອກ ຊື່ງເຮັດໃຫ້ອຸນຫະພູມອາກາດຮ້ອນຂື້ນຕື່ມອີກເລັກຫນ້ອຍ ສ່ວນຕາເວັນອອກເຂດພາກເໜືອອາກາດຍັງເຢັນແລະໜາວ, ເຂດໄຊສົມບູນແລະເຂດພູພຽງບໍລິເວນປາກຊ່ອງມີໝອກບາງປົກຫຸ້ມຢູ່ທົ່ງໄປ ແລະມີຝົນຕົກກະຈາຍລະດັບຄ່ອຍ ມີລົມພັດແຮງເປັນບາງໂອກາດຢູ່ແຂວງພາກເໜືອແລະພາກໃຕ້ ດັ່ງນັ້ນ, ຕ້ອງໄດ້ເອົາໃຈໃສ່ຮັກສາສຸຂະພາບໃຫ້ດີ. 
ພາກເໜືອດ້ານຕາເວັນອອກ: ອາກາດໜາວເຢັນພ້ອມມີໝອກໜາປົກຫຸ້ມໃນຕອນເຊົ້າ ອຸ່ນຫະພູມຕໍ່າສຸດ 16-18 ອົງສາ ແລະສູງສຸດ 26-28ອົງສາ.

ພາກເໜືອດ້ານຕາເວັນຕົກ: ມີເມກປົກຄຸມເປັນບາງສ່ວນອາກາດເຢັນພ້ອມມີໝອກປົກຫຸ້ມຢູ່ທົ່ວໄປໃນຕອນເຊົ້າ, ສ່ວນຕອນກາງເວັນອາກາດຮ້ອນໂດຍສະເພາະຢູ່ແຂວງຫຼວງພະບາງແລະໄຊຍະບູລີ ຈະມີຝົນຕົກກະຈາຍເປັນບາງໂອກາດຢູ່ບາງທ້ອງຖິ່ນແຂວງຫຼວງນ້ຳທາ, ອຸນຫະພູມຕໍ່າສຸດ20-22 ອົງສາ ແລະສູງສຸດ31-33 ອົງສາ.

ສໍາລັບນະຄອນຫຼວງວຽງຈັນ: ອາກາດຈະຮ້ອນຂື້ນຕື່ມອີກ ພ້ອມມີໝອກບສງປົກຫຸ້ມຢູ່ທົ່ງໄປໃນຕອນເຊົ້າ ແລະມີລົມພັດແຮງເປັນບາງໂອກາດ ອຸນຫະພູມຕໍ່າສຸດ 22-24 ອົງສາ ແລະສູງສຸດ 32-34 ອົງສາ.

ພາກກາງ: ມີເມກປົກຄຸມເປັນບາງສ່ວນ , ອາກາດເຢັນຢູ່ທົ່ວໄປອຸນຫະພູມຕໍ່າສຸດ 22-24 ອົງສາ ແລະສູງສຸດ 32-34 ອົງສາ .

ແຂວງໄຊສົມບູນ: ອາກາດໜາວເຢັນພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ອຸນຫະພູມຕໍ່າສຸດ 13-15 ອົງສາ ແລະສູງສຸດ26-28ອົງສາ.

ພາກໃຕ້: ມີເມກປົກຄຸມເປັນບາງສ່ວນ, ອາກາດຮ້ອນແລະຈະມີຝົນຕົກກະຈາຍໃນລະດັບຄ່ອຍເປັນບາງໂອກາດຢູ່ໃນບາງທ້ອງຖິ່ນແຂວງ ຈຳປາສັກ ສາລະວັນ, ແລະເຊກອງ , ອຸນຫະພູມຕໍ່າສຸດ 23-25ອົງສາ ແລະສູງສຸດ 32-34ອົງສາ.