ອາກາດຍັງໜາວຢູ່ຫລາຍພື້ນທີ່ພາກເໜືອຂອງລາວ

ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແຈ້ງ​ໃຫ້​ຮູ້​​ໃນວັນທີ 17-18 ກຸມພານີ້ວ່າ: ບາງແຂວງພາກເໜືອຂອງລາວ ອາ​ກາດ​ຍັງຈະໜາວເຢັນ​ ພ້ອມ​ມີໝອກໜາປົກ​ຫຸ້ມ​ຢູ່​ທົ່ວ​ໄປໃນ​ຕອນ​ເຊົ້າ ແລະ ມີລົມ. ອຸນຫະພູມຕໍ່າສຸດ 6-8 ອົງສາ ແລະ ສູງສຸດ 25-27 ອົງສາ.

ພາກ​ເໜືອ ແຂວງຫົວພັນ ​ແລະ ຊຽງຂວາງ ແຕ່ວັນທີ 16-18 ຈະມີເມກປົກ​ຫຸ້ມ​ເປັນ​ບາງ​ສ່ວນແຕ່ບໍ່ມີຝົນຕົກ, ສະເພາະວັນທີ 17-18 ອາກາດ​ເຢັນ​ລົງຕື່ມອີກ​ແລະ ​ມີ​​ໝອກໜາປົກ​ຫຸ້ມ ຢູ່​ທົ່ວ​ໄປໃນຕອນ​ເຊົ້າ. ອຸນຫະພູມ​ຕໍ່າ​ສຸດ 6-8 ອົງສາ ​ແລະ ສູງ​ສຸດ 25-27 ອົງສາ.

ພາກ​ກາງ ນະຄອນຫລວງ​ວຽງຈັນ ມີ​​ເມ​ກປົກ​ຫຸ້ມ​ເປັນ​ບາງ​ສ່ວນ, ອາ​ກາດ​ຈະເຢັນ​​ໃນຕ​ອນ​ເຊົ້າ. ອຸນຫະພູມ​ຕໍ່າ​ສຸດ 15-18 ອົງສາ ​ແລະ ສູງ​ສຸດ 30-33ອົງສາ, ​ແຂວງ​ໄຊ​ສົມ​ບູນ ອາກາດ​ຍັງຈະ  ໜາວເຢັນ​​ ​ແລະ ​ມີ​​  ໝອກໜາປົກ​ຫຸ້ມ​ຢູ່​ທົ່ວ​ໄປ​ ໃນ​ຕອນ​ເຊົ້າອຸນຫະພູມ​ຕໍ່າ​ສຸດ 6-8 ອົງສາ ​ແລະ ສູງ​ສຸດ 25-27 ອົງສາ.

ພາກໃຕ້: ແຂວງຈໍາປາ​ສັກ ອາກາດ​ຍັງໜາວ​ເຢັນ​ໃນຕອນ​ເຊົ້າ ສ່ວນ​ຕອນ​ກາ​ງເວັນ​ອາກາດ​ຮ້ອນອຸນຫະພູມ​ຕໍ່າ​ສຸດ 17-18 ອົງສາ ​ແລະ ສູງ​ສຸດ 33-35 ອົງສາ. ​ເຂດ​ພູ​ພຽງ​ບໍລິ​ເວນ ປາກ​ຊ່ອງອາກາດ​ເຢັນ​, ພ້ອມ​ມີໝອກໜາປົກ​ຫຸ້ມ​ຢູ່​ທົ່ວ​ໄປ​ໃນ​ຕອນ​ເຊົ້າ ​ແລະ ມີ​ລົມ​. ອຸນຫະພູມ​ຕໍ່າ​ສຸດ 8-10 ອົງສາ ​ແລະ ສູງ​ສຸດ 27-29 ອົງສາ

Pathedlao Lao

ບົດຄວາມໃຫມ່ໆ