ອັບເດດເທຣນນ້ຳຫອມຊາຍມາແຮງທີ່ບໍ່ຄວນພາດ

   ແມ່ນໃຜທີ່ບອກວ່າມີແຕ່ສາວໆເທົ່ານັ້ນທີ່ສົນໃຈເລື່ອງຂອງ ນ້ຳຫອມ ຢູ່ຝ່າຍດຽວເພາະຄວາມຈິງແລ້ວຜູ້ຊາຍຫຼາຍຄົນກໍສົນໃຈເລື່ອງຂອງນ້ຳຫອມເຊັ່ນດຽວກັນ!!! ເຮົາໄດ້ຄັດເອົານ້ຳຫອມທີ່ຜູ້ຊາຍມັກໃສ່ກັນມາຝາກມາແນະນຳກັນ

1. Acqua di Gio (Eua de toilette)

     ໜຶ່ງໃນນ້ຳຫອມຍອດນິຍົມທີ່ທ່ານຊາຍເລືອກໃຊ້ເພີ່ມຄວາມຫອມໃຫ້ກັບກິ່ນໂຕໂດດເດັ່ນດ້ວຍກິ່ນທັອບໂນດຈາກໝາກນາວ, ກິ່ນສົ້ມແມນດາລິນ, ມະລິ ແລະ ດອກສົ້ມ ທີ່ໃຫ້ກິ່ນຫວານໜ້ອຍໆ ປົນຄວາມສົດຊື່ນແບບທີ່ສາວໆໄດ້ກິ່ນແລ້ວຢາກຢູ່ໃກ້ໆ.

2. Kiehl's Musk (Eua de toilette)

     ໃຜທີ່ກຳລັງຊອກຫານ້ຳຫອມທີ່ໃຫ້ຄວາມຮູ້ສຶກສົດຊື່ນຢູ່ ນ້ຳຫອມຍີ່ຫໍ້ນີ້ແຫຼະທີ່ສາມາດຕອບໂຈດຄວາມຕ້ອງການຂອງທ່ານ ເຊິ່ງທ່ານຈະໄດ້ກິ່ນຫອມແບບນຸ້ມໆ ຕາມມາດ້ວຍກິ້ນສົ້ມອ່ອນໆຈາກຊີຕຣັສ, ໝາກຂີ້ຫູດ ແລະ ດອກສົ້ມ ຈາກນັ້ນຈະສຳຜັດໄດ້ເຖິງກິ່ນຫອມສົດຊື່ນຂອງດອກກຸຫຼາບ ແລະ ດອກລິນລີ້.

3. Terre d ' Hermes (Eua de toilette ຫຼື Perfume)

     ກິ່ນຫອມໆອັນສຸດແສນຈະອ່ອນຫວານຂອງນ້ຳຫອມຍີ່ຫໍ້ນີ້ມາຈາກສ່ວນປະສົມຂອງໄມ້, ນ້ຳແຮ່ ລວມເຖິງມິດເດິ້ນໂນດຂອງກິ່ນພິກໄທແບບອ່ອນໆ ແລະ ສ່ວນປະກອບອື່ນໆທີ່ຊ່ວຍໃຫ້ໄດ້ກິ່ນແບບອະໂຣ່ມາ.
4. COMMES des GARCONS x Monocle Scent One: Hinoki (Eau de Toilette)

    ກິ່ນທັອບໂນດທີ່ເປັນເອກະລັກຈາກໄວຊີດ້າ ປະສານຄວາມຫອມຈາກຕົ້ນໄຊປຣັສ, ຫຍ້າແຝກ ແລະ ໃບໄທ ຈຶ່ງໃຫ້ສຳຜັດທີ່ມີກິ່ນອາຍແບບທຳມະຊາດ. 
5.Acqua di Parma Colonia (Eau de Cologne)

     ນີ້ແມ່ນນ້ຳຫອມທີ່ໃຫ້ກິ່ນຄວາມສົດຊື່ນທີ່ຜູ້ຊາຍໝົດໂລກຕ້ອງໃຫ້ຄວາມຍອມຮັບວ່າຫອມແທ້!!! ດ້ວຍສ່ວນປະສົມຂອງໝາກໄມ້ຊີຕຣັສນານາຊະນິດ ປະສານກັບຄວາມຫອມຈາກດອກໄມ້ນານາພັນ ເຊົ່ນ : ດອກລາເວັນເດີ້ ແລະ ດອກກຸຫຼາບມອນບວກກັບກິ່ນຂອງຫຍ້າແຝກ, ໄມ້ຈັນ ແລະ ພິມມະເສນ. 
6. Santa Maria Novella Patchouli (Eau de Cologne)

     ໜຸ່ມໆຄົນໃດທີ່ຢາກໄດ້ນ້ຳຫອມທີ່ມີກິ່ນອາຍແບບໃນຊ່ວງຍຸກປີ 1800-1900 ອາດຈະມີຄວາມສົນໃຈນ້ຳຫອມຍີ່ຫໍ້ນີ້ຢູ່ບໍ່ໜ້ອຍສິ່ງສຳຄັນແມ່ນຄວາມຫອມຂອງພືດນານາຊະນິດທີ່ປະສົມປະສານລວມເຂົ້າໄວ້ດ້ວຍກັນເຮັດໃຫ້ຫຼາຍຄົນຕິດໃຈກັນບໍ່ແມ່ນໜ້ອຍເລີຍ. 
7. Le Labo Vetiver 46 (Eau de Parfum)

     ກິ່ນນ້ຳຫອມຍີ່ຫໍ້ນີ້ ສາມາດດຶງດູດຄົນອ້ອມຂ້າງໃຫ້ຫຼຽວມາເບິ່ງໄດ້ບໍ່ຍາກ ອາດຈະເກີດສ່ວນປະສົມຂອງຫົວສີໄຄ, ໂອລີບານຳ, ພິກໄທ, ຊີດາ ປະສານກັບກິ່ນຂອງຫົວສີໄຄຫອມເຂົ້າໄປພ້ອມຈົນອອກມາເປັນທີ່ຖືກໃຈຫຼາຍຄົນໄດ້ບໍ່ຍາກ.
8. Helmut Lang (Eau de Parfum)

     ຜູ້ຊາຍທີ່ມັກນ້ຳຫອມທີ່ໃຫ້ຄວາມສົດຊື່ນອ່ອນນຸ້ມ ແລະ ກິ່ນຕິດດົນນານ ນີ້ແມ່ນອີກທາງເລືອກໜຶ່ງທີ່ບໍ່ຄວນພາດເປັນຍ່າງຍິ່ງດ້ວຍສ່ວນປະກອບຂອງ ໂຣສແມຣີ, ສີດາ, ສົ້ມ, ໄມ້ຈັນ ປະສານກັບຄວາມຫອມຂອງວະນິລາ ຍິ່ງເຮັດໃຫ້ນ້ຳຫອມມີກິ່ນຫອມແບບສົມບູນແບບທີ່ສຸດ.
9.Creed Millesime Imperial (Eau de Parfum)

     ກິ່ນຫອມຂອງດອກທັອບໂນດອັນໂດດເດັ່ນຂອງນ້ຳຫອມນີ່ຫໍ້ນີ້ ມີສ່ວນປະກອບຂອງເກືອທະເລ ແລະ ຊີຕຣັສ ປະສານກັບຄວາມຫອມຂອງໃບໝາກຂີ້ຫູດ ແລະ ຟໍເຣນຕີນໄອຣີສ ລວມທັງກິ່ນໄມ້ ຈົນອອກມາເປັນນ້ຳຫອມທີ່ມີກິ່ນຫອມຢົ້ວຍວນໃຈຫຼາຍທີ່ສຸດອີກກິ່ນໜຶ່ງທີ່ຜູ້ຊາຍຍອມຮັບ.