ຫ້ອງ​ນ້ຳ​ຂອງ​ເຈົ້າ​ຈະ​ສະ​ອາດ ແລະ​ ມີກິ່ນ​ຫອມ​ຢູ່​ສະເໝີ​ ເມື່ອ​ເຈົ້າ​ໃຊ້​ສິ່ງ​ນີ້...

ຫ້ອງ​ນ້ຳ​ຂອງ​ເຈົ້າ​ຈະ​ສະ​ອາດ ແລະ​ ມີກິ່ນ​ຫອມ​ຢູ່​ສະເໝີ​ ເມື່ອ​ເຈົ້າ​ໃຊ້​ສິ່ງ​ນີ້...

ການເຮັດ​ຄວາມ​ສະ​ອາດ​ຫ້ອງ​ນ້ຳ​ເປັນ​ງານ​ທີ່​ໜ້າ​ເບື່ອ​ສຳລັບ​ຄົນ​ສ່ວນ​ໃຫຍ່​ ແຕ່​ແນວໃດ​ກໍ່​ຕາມ​ການ​ເບິ່ງ​ແຍງ​ບ້ານ​ໃຫ້​ສະ​ອາດ​ຢູ່​ສະເໝີ​ກໍ່ເປັນ​ເລື່ອງ​ສຳຄັນ​ ໂດຍ​ສະເພາະ​ກັບ​ຫ້ອງ​ນ້ຳ​ ຖ້າ​ຫ້ອງ​ນ້ຳ​ສົກ ກະປົກ​ມັນ​ສາ ມາດ​ນຳ​ມາ​ຊຶ່ງ​ເຊື້ອ​ພະຍາດ​ຕ່າງ​ໆ​ຫຼວງ​ຫຼາຍ​ 

ເຈົ້າ​ອາດຈະ​ຜິດ​ຫວັງ​ຈາກ​ນ້ຳ​ຢາ​ເຮັດ​ຄວາມ​ສະ​ອາດ​ທີ​ມີ​ຂາຍ​ຢູ່​ທົ່ວ​ໄປ​ຕາມ​ທ້ອງ​ຕະຫຼາດ​ ທີ່​ບອກ​ວ່າ​ຊ່ວຍ​ເຮັດ​ຄວາມ​ສະ​ອາດ​ໄດ້​ຢ່າງ​ມີປະ​ສິດ​ທິ​ພາບ​ ຜະລິດຕະພັນ​ເຫຼົ່າ​ນີ້​ເປັນ​ອັນຕະລາຍ​ຕໍ່​ສຸຂະ ພາບ​ຂອງ​ເຈົ້າ​ ພວກ​ມັນ​ເຕັມ​ໄປ​ດ້ວຍ​ສານ​ເຄ​ມີ​ທີ່​ເປັນ​ອັນຕະລາຍ​ຕໍ່​ຮ່າງກາຍ​ ອີກ​ທັງ​ຍັງ​ເປັນ​ສານ​ກໍ່​ມະ​ເຮັງ​ອີກ​ດ້ວຍ​ 

ຕໍ່ໄປ​ນີ້​ເຈົ້າ​ສາມາດ​ເຮັດ​ຄວາມ​ສະ​ອາດ​ຫ້ອງ​ນ້ຳ​ຂອງ​ເຈົ້າ​ໄດ້​ຢ່າງ​ມີປະ​ສິດ​ທິ​ພາບ​ໂດຍ​ການ​ໃຊ້​ສ່ວນ​ປະສົມ​ທີ່​ຫາ​ໄດ້​ງ່າຍ​ ແລະ ​ຍັງ​ຊ່ວຍ​ເຈົ້າ​ປະ​ຫຍັດ​ຄ່າ​ໃຊ້​ຈ່າຍ​ໄດ້​ອີກ​

ນີ້​ຄື​ສິ່ງ​ທີ່​ເຈົ້າ​ຕ້ອງກະກຽມ​
ສ່ວນ​ປະສົມ​
ໂຊ​ດຽມ​ໄບ​ຄາບໍ​ເນດ​ (ເບກ​ກິ້ງ​ໂຊ​ດາ​) 160 ກຣາມ​

ໄຮ​ໂດນ​ເຈນ​ເປີ​ອອກ​ໄຊ​ (3%) 1 ບ່ວງ​ໂຕະ​
ນ້ຳ​ສົ້ມ​ສາຍ​ຊູ​ 1/2 ບ່ວງ​ໂຕະ​
ນ້ຳ​ມັນ​ຫອມ​ລະ​ເຫີຍ​ 15-20 ຢົດ​
ນ້ຳ​ໝາກ​ນາວ​ 60 ມິນລີລິດ​

ວິທີ​ເຮັດ​
-ນຳ​ເບກ​ກິ້ງ​ໂຊ​ດາ​ໃສ່​ລົງ​ໃນ​ຊາມ​ ແລະ ​ຕື່ມ​ນ້ຳ​ໝາກ​ນາວ​ລົງ​ໄປ​ປະສົມ​ໃຫ້​ເຂົ້າ​ກັນ​
-ຈາກ​ນັ້ນ​ໃສ່​ນ້ຳ​ສົ້ມ​ສາຍ​ຊູ ​ແລະ ​ໄຮ​ໂດນ​ເຈນ​ເປີ​ອອກໄຊ​ລົ​ງ​ໃນ​ຊາມ​ອີກ​ຽໜ່ວຍ​ ແລະ ​ປະສົມ​ໃຫ້​ເຂົ້າ​ກັນ​
-ເທ​ສ່ວນ​ປະສົມ​ຂອງ​ນ້ຳ​ສົ້ມ​ສາຍ​ຊູ​ ແລະ​ ໄຮ​ໂດນ​ເຈນ​ເປີອອກ​ໄຊ​ທີ່​ປະສົມ​ຈົນ​ເຂົ້າ​ກັນ​ແລ້ວ​ລົງ​ໃນ​ຊາມ​ປະສົມ​ເບກ​ກິ້ງ​ໂຊ​ດາ​ ແລະ ​ນ້ຳ​ໝາກນາວ​
-ປະສົມ​ໃຫ້​ເຂົ້າ​ກັນ​ອີກ​ເທື່ອ​ແລ້ວ​ໃສ່​ນ້ຳ​ມັນ​ຫອມ​ລະ​ເຫີຍຂອງ​ເຈົ້າ​ລົງ​ໄປ​ (ເຈົ້າ​ຈະ​ໃຊ້​ກິ່ນ​ລາ​ເວນ​ເດີ​ກໍ​ໄດ້​)
-ຈາກ​ນັ້ນ​ໃຊ້​ບ່ວງ​ຕັກ​ສ່ວນ​ປະສົມ​ເປັນ​ກ້ອນ​ມົນ​ໆ​ ໃສ່​ໄປ​ໃນ​ຖາດ​ອົບ​ ແລະ​ນຳ​ເຂົ້າ​ອົບ​ໃຫ້​ມັນແຫ້ງ​
-ເມື່ອ​ມັນແຫ້ງ​ດີ​ແລ້ວ​ ເຈົ້າ​ສາມາດ​ໃຊ້​ມັນ​ໃນ​ການເຮັດ​ຄວາມ​ສະ​ອາດ​ຫ້ອງ​ນ້ຳ​ໄດ້ ​ແລະ ​ມັນ​ຈະໃຫ້​ຜົນ​ລັບ​ທີ່ສຸກຍ​ອດ

ເຄັດ​ລັບ​ທີ່​ເຈົ້າ​ສາມາດ​ລອງ​ເຮັດ​ໄດ້​ໃນ​ມື້​ນີ້​ສຳລັບ​ເຮັດ​ຄວາມ​ສະ​ອາດ​ຫ້ອງ​ນ້ຳ​ຂອງ​ເຈົ້າ​ໂດຍ​ໃຊ້​ສ່ວນ​ປະສົມ​ຈາກ​ທຳມະຊາດ​ທີ່ປອດໄພ​ ແລະ​ຍັງ​ຊ່ວຍ​ປະ​ຫຍັດ​ເງີນ​ໃນ​ກະ​ເປົາ​ຂອງ​ເຈົ້າ​ອີກ​ດ້ວຍ​