ຫຼໍ່ເກດພະເຈົ້າອົງຫຼວງ ຄັ້ງທີ 2 ທີ່ວັດໄຫຫີນມີໄຊຍະຣາມ

ພີທີຫຼໍ່ເກດພະເຈົ້າອົງຫຼວງນັກປະທານພອນ ໄດ້ຈັດຂຶ້ນໃນທ້າຍອາທິດຜ່ານມາ ທີ່ວັດໄຫຫີນມີໄຊຍະຣາມ ເມືອງແປກ ແຂວງຊຽງຂວາງ ໂດຍມີການນຳຂອງແຂວງ, ພະສົງທີ່ມາຈາກນະຄອນຫຼວງວຽງຈັນ, ພະແນກການ, ກົມກອງ, ນັກທຸລະກິດ, ຊາວຄ້າຂາຍ, ຕະຫຼອດຮອດພໍ່ແມ່ປະຊາຊົນຊາວຊຽງຂວາງເຂົ້າຮ່ວມ.

ເກດພະເຈົ້າອົງຫຼວງມີຄວາມສູງ 4,5 ແມັດ, ຫຼໍ່ດ້ວຍທອງເຫືອງ, ຍອດສຸດແມ່ນຄຳ ການຫຼໍ່ເກດຄັ້ງນີ້ເປັນຄັ້ງທີສອງ, ຄັ້ງທີໜຶ່ງໄດ້ຈັດຂຶ້ນທີ່ນະຄອນຫຼວງວຽງຈັນ, ພະເຈົ້າອົງຫຼວງປະທານພອນຫຼໍ່ດ້ວຍທອງເຫຼືອງມີໜ້າຕັກກວ້າງ 16 ແມັດ ແລະ ສ່ວນສູງ 26 ແມັດ, ມີນໍ້າໜັກລວມ 109 ໂຕນ ຈະສະຖິດຢູ່ທີ່ວັດໄຫຫີນມີໄຊຍະຣາມ.

ໃນພີທີ ທ່ານ ບຸນຕົ້ນ ຈັນທະພອນ ຮັກສາການເລຂາພັກແຂວງ ເຈົ້າແຂວງໆຊຽງຂວາງ ໄດ້ຂຶ້ນໃຕ້ທຽນໄຊມຸງຄຸນໃສ່ເບົ້າທອງຫຼໍ່ເກດພະ, ພີທີຈູດໄຊຍະມະຫາມຸງຄຸນຄາຖາ ( ເປີດງານຫຼວງ ) ຫຼໍ່ເກດພະເຈົ້າອົງຫຼວງ.

ທ່ານເຈົ້າແຂວງໆຊຽງຂວາງ ໄດ້ໃຫ້ສຳພາດວ່າ: ຜ່ານມາຊຽງຂວາງຖືກສົງຄາມທຳລາຍຮາບກ້ຽງ ຊາວຊຽງຂວາງຂໍພອນຈາກພະເຈົ້າອົງຫຼວງ 3 ຂໍ້ຄື: 1. ຂໍໃຫ້ປະຊາຊົນໄດ້ຢູ່ເຢັນເປັນສຸກ ໄດ້ມີໂອກາດພ້ອມກັນພັດທະນາສ້າງສາຊີວິດການເປັນຢູ່ສ້າງແຂວງໃຫ້ຈະເລີນຮຸ່ງເຮືອງຕະຫຼອດໄປ; 2. ອວຍພອນໃຫ້ບັນດາພະນັກງານນັກຮົບປະຕິວັດ ທີ່ໄດ້ເສຍສະຫຼະຊີວິດຂອງຕົນ ເພື່ອພາລະກິດປົດປ່ອຍປະເທດຊາດ ຍ້ອນການເສຍສະຫຼະຂອງພວກເພິ່ນ ປະເທດຊາດອັນແສນຮັກຂອງພວກເຮົາຈຶ່ງໄດ້ຮັບການປົດປ່ອຍ ໄດ້ພັດທະນາບ້ານເມືອງໃຫ້ຈະເລີນຮຸ່ງເຮືອງຂຶ້ນມາໃຫ້ພວກເຮົາເຫັນທຸກມື້ນີ້ ຂໍໃຫ້ດວງວິນຍານຂອງເພິ່ນໄປສູ່ສຸຂະຕິສົມກັບຄຸນງາມຄວາມດີທີ່ມີໄວ້ຕໍ່ປະເທດຊາດ ມີໄວ້ຕໍ່ເຊັ່ນລູກ – ເຊັ່ນຫຼານຂອງພວກເຮົາ; 3. ຂໍໃຫ້ຄວາມສາມັກຄີບັນດາເຜົ່າ 6 ເຜົ່າ ໃນແຂວງຊຽງຂວາງ ແໜ້ນແຟ້ນໝັ້ນຄົງຕະຫຼອດກາລະນານ.

ທ່ານເຈົ້າແຂວງໆຊຽງຂວາງ ໄດ້ໃຫ້ສຳພາດວ່າ: ຜ່ານມາຊຽງຂວາງຖືກສົງຄາມທຳລາຍຮາບກ້ຽງ ຊາວຊຽງຂວາງຂໍພອນຈາກພະເຈົ້າອົງຫຼວງ 3 ຂໍ້ຄື: 1. ຂໍໃຫ້ປະຊາຊົນໄດ້ຢູ່ເຢັນເປັນສຸກ ໄດ້ມີໂອກາດພ້ອມກັນພັດທະນາສ້າງສາຊີວິດການເປັນຢູ່ສ້າງແຂວງໃຫ້ຈະເລີນຮຸ່ງເຮືອງຕະຫຼອດໄປ; 2. ອວຍພອນໃຫ້ບັນດາພະນັກງານນັກຮົບປະຕິວັດ ທີ່ໄດ້ເສຍສະຫຼະຊີວິດຂອງຕົນ ເພື່ອພາລະກິດປົດປ່ອຍປະເທດຊາດ ຍ້ອນການເສຍສະຫຼະຂອງພວກເພິ່ນ ປະເທດຊາດອັນແສນຮັກຂອງພວກເຮົາຈຶ່ງໄດ້ຮັບການປົດປ່ອຍ ໄດ້ພັດທະນາບ້ານເມືອງໃຫ້ຈະເລີນຮຸ່ງເຮືອງຂຶ້ນມາໃຫ້ພວກເຮົາເຫັນທຸກມື້ນີ້ ຂໍໃຫ້ດວງວິນຍານຂອງເພິ່ນໄປສູ່ສຸຂະຕິສົມກັບຄຸນງາມຄວາມດີທີ່ມີໄວ້ຕໍ່ປະເທດຊາດ ມີໄວ້ຕໍ່ເຊັ່ນລູກ – ເຊັ່ນຫຼານຂອງພວກເຮົາ; 3. ຂໍໃຫ້ຄວາມສາມັກຄີບັນດາເຜົ່າ 6 ເຜົ່າ ໃນແຂວງຊຽງຂວາງ ແໜ້ນແຟ້ນໝັ້ນຄົງຕະຫຼອດກາລະນານ.

ເນື້ອໃນ: ນສພ ເສດຖະກິດ-ການຄ້າ