ຫຼຸມ​ດຳ​ແມ່ນ​ຫຍັງ ອັນຕະລາຍ ຫຼື ບໍ່?

ຊ່ວງ 2-3 ປີມານີ້ຄົງບໍ່ມີຂ່າວໃດໃນວົງການວິທະຍາສາດ ແລະ ວົງການຟິຊິກທີ່ຈະຍິ່ງໃຫຍ່ ແລະ ໄດ້ຮັບຄວາມສົນໃຈໄປຫຼາຍກວ່າການກວດພົບຄື້ນຄວາມໂນ້ມຖ່ວງ (Gravitational Waves) ອັນເກີດມາຈາກຫຫຼຸມດໍາ 2 ອັນຊົນກັນ ແລະ ລວມກັນເປັນຫຼຸມດໍາອັນດຽວທີ່ມີຂະຫນາດໃຫຍ່ຂຶ້ນຈົນນໍາໄປສູ່ການ​ໄຫວ​ຕົວຂອງ​​ເວລາອາວະກາດ (Space-time) ຮອບຫລຸມດໍາຢ່າງລຸນແຮງແລະສາມາດກວດຈັບໄດ້ດ້ວຍດ້ວຍເຄື່ອງກວດຈັບ LIGO ແລະ Virgo. ເທິງໂລກ​ເຊິ່ງກົງຕາມທຳນາຍຂອງ ອັລເບີດ ໄອສະໄຕ ນັກຟິຊິກຜູ້ຍິ່ງໃຫຍ່ທີ່ໄດ້ທຳນາຍເຫດການນີ້ໄວ້ເມື່ອກວ່າ 100 ປີທີ່ຜ່ານມາທຸກປະການແຖມນັກຟິຊິກ 3 ທ່ານທີ່ຮ່ວມກັນກວດພົບເຈົ້າຄື້ນຄວາມໂນ້ມຖ່ວງ ນີ້ຍັງໄດ້ຮັບລາງວັນ ໂນເບລ ສາຂາຟິຊິກປີລ້າສຸດໄປຄອງອີກດ້ວຍ.

ຫຼຸມດໍານີ້ມັນແມ່ນຫຍັງ? ມີອັນຕະລາຍກັບເຮົາ ຫຼື ບໍ່?

-ຫຼຸມ​ດຳ​ຄື​ວັດ​ຖຸອາ​ວະ​ກາດຊະນິດ​ໜຶ່ງທີ່​ມີ​ມວນ​ມະຫາສານ ຈຶ່ງ​ເຮັດ​ໃຫ້​ມີ​ແຮງ​ດຶງ​ດູດ ​ແລະ ​ແຮງ​ໂນ້ມຖ່ວງມະຫາສານ​ດ້ວຍ​ເຊັ່ນ: ຫຼຸມ​ດຳ​ເກີດ​ຈາກ​ດາວ​ພຶກ​ຂະໜາດ​ໃຫຍ່ (ມີ​ຂະໜາດ​ໃຫຍ່​ກວ່າ​ດວງ​ອາ​ທິດ​ຫຼາຍ) ເຊິ່ງ​ເຜົາ​ຜານ​ພະລັງງານ​ໄດ້​ຈົນ​ໝົດ ແລະ ເກີດການຍຸບຕົວຢ່າງຮຸນແຮງກາຍເປັນດາວທີ່ມີຂະໜາດນ້ອບລົງແຕ່ມີມວນ ແລະ ແຮງໂນ້ມຖ່ວງມະຫາສານສາມາດດູດກືນສິ່ງທີ່ຢູ່ໃກ້ຕົວໃຫ້ເຂົ້າໄປລວມກັບມັນໄດ້.

-ແລ້ວຫລຸມດໍາມີອັນຕະລາຍກັບເຮົາ ຫຼື ບໍ່. ຫຼາຍທ່ານຄົງມີຄໍາຖາມນີ້ໃນໃຈ. ຄໍາຕອບຄືຖ້າເຮົາເຂົ້າໄປໃກ້ມັນ​ແລ້ວກໍບໍ່ຕ້ອງສົງ​​ໃສເລີຍເຮົາຈະຖືກດູດເຂົ້າໄປອັດຢູ່ກັບພື້ນຜິວຂອງມັນຢ່າງແນ່ນອນ ແລະ ຈະຕາຍໃນຊົ່ວພິບຕາແຕ່ເຮົາຄົງບໍ່ຕ້ອງກັງວົນຂະໜາດນັ້ນເພາະຫລຸມດໍາຢູ່ໄກຈາກເຮົາຫຼາຍ ແລະ ຍັງບໍ່ພົບວີ່ແວວວ່າມີຫຼຸມດໍາໃດກໍາລັງເຄື່ອນທີ່ເຂົ້າມາໃກ້ລະບົບສຸລິຍະຂອງເຮົາ.

ຫຼຸມດໍາທີ່ຢູ່ໃກ້ເຮົາທີ່ສຸດຄື: ຫຼຸມດໍາທີ່ໃຈກາງກາ​​ແລກ​ຊີ່ ທາງຊ້າງເຜືອກຂອງເຮົານີ້ເອງໂດຍທີ່ດາວທຸກດວງໃນກາ​​​ເເລກຊີ່ກໍາລັງເຄື່ອນທີ່ເປັນວົງມົນຮອບຫຼຸມດໍາທີ່ວ່ານີ້ ແລະ ຫລຸມດໍານີ້ຢູ່ຫ່າງຈາກໂລກປະມານ 25,000 ປີແສງ (1 ປີແສງ = 9,460,730,472,581 ກິໂລເມດ)