ຫຼຸດນໍ້າໜັກແບບໃດເມື່ອບໍ່ມີເວລາ ຫາກທ່ານເປັນຄົນໜຶ່ງທີ່ບໍ່ມີເວລາອອກກໍາລັງກາຍ

 

ຫາກທ່ານເປັນຄົນໜຶ່ງທີ່ບໍ່ມີເວລາອອກກໍາລັງກາຍ ແຕ່ກໍ່ຈ່ອຍໄດ້ດ້ວຍວິທີດັ່ງນີ້

  1. ກິນເຂົ້່ຈານນ້ອຍລົງ

ທ່ານບໍ່ຈໍາເປັນຕ້ອງເຮັດອາຫານຄຣີນກິນເອງ ຫຼື ເລືອກຮັບປະທານອາຫານທີ່ຫຼຸດຄວາມອ້ວນທຸກມື້ ເພາະພຽງແຕ່ກິນໃຫ້ນ້ອຍລົງກໍ່ສົ່ງຜົນຕໍ່ນໍ້າໜັກໄດ້ ຊຶ່ງວິທີນີ້ບໍ່ຕ້ອງໃຊ້ເວລາຫຼືເສຍເງິນຫຼາຍກ່ວາ ພຽງແຕ່ຄວບຄຸມການກິນຂອງທ່ານເອງ ໂດຍຄົນສ່ວນໃຫຍ່ບໍລິໂພກພະລັງງານມື້ລະ 1,200-1,500 ແຄລໍຣີ່ ແຕ່ທ່ານສາມາດຫຼຸດໄດ້ໂດຍບໍ່ຕ້ອງປ່ຽນຫຍັງເລີຍ ພຽງແຕ່ກິນອາຫານຈານນ້ອຍລົງ ບໍ່ກິນຂອງຫວານ ແລະ ບໍ່ຕໍ່ຈານທີ່ສອງ

  1. ເຮັດກິດຈະກໍາກັບໝູ່ ແລະ ຄອບຄົວ

ທ່ານອາດໂຕ້ແຍ້ງວ່າເວລາວ່າງ ຫຼື ມື້ພັກຄວນໃຊ້ເວລາກັບຄອບຄົວ ຄົນຮັກ ແລະ ໝູ່ເພື່ອນ ດັ່ງນັ້ນການເຂົ້າຢິມເຮັດໃຫ້ທ່ານພາດຊ່ວງເວລາຄຸນນະພາບເຫຼົ່ານີ້ໄປ ແຕ່ທຸກຄົນສາມາດອອກກໍາລັງກາຍໄດ້ໂດຍທີ່ບໍ່ຕ້ອງເຂົ້າຢິມ ພຽງແຕ່ເຮັດກິດຈະກໍາມ່ວນໆ ຂະຫຍັບຮ່າງກາຍກັບລູກໆ ຫຼີ້ນກິລາກັບໝູ່ເພື່ອນ ອອກໄປ່ທ່ອງທ່ຽວຍ່າງຫຼີ້ນ ເດີນປ່າ ຂື້ນເຂົາ ດໍານໍ້າ ກໍ່ຖືວ່າເປັນການເຜົາຜານພະລັງງານແລ້ວ

  1. ຢ່ານັ່ງຖ້າຢືນໄດ້

ປ່ຽນເວລານັ່ງໃຫ້ເປັນເວລາຢືນຈະຊ່ວຍໃຫ້ຮ່າງກາຍເຜົາຜານແຄລໍຣີ່ ຍົກຕົວຢ່າງຢືນເທິງລົດເມ ຫຼືໂຕະກິນເຂົ້າ ຢືນລົມໂທລະສັບ ຢືນເບິງໂທລະພາບຢູ່ບ້ານກໍ່ເປັນທາງເລືອກທີ່ດີ

  1. ເລືອກອາຫານທີ່ດີກ່ວາ

ຫາກທ່ານໄປຮ້ານອາຫານແລ້ວມີອາຫານໃຫ້ເລືອກຫຼາກຫຼາຍ ທ່ານສາມາດເລືອກອາຫານທີ່ທ່ານຢາກກິນໄດ້ ແຕ່ຫາກມີທາງເລືອກທີ່ດີຕໍ່ສຸຂະພາບກ່ວາກໍ່ຢ່າລືມເລືອກທາງນັ້ນ ເຊັ່ນ ເລືອກນໍ້າລ້າ ຫຼື ໂຊດາ ແທນນໍ້າອັດລົມ ຫຼື ເລືອກກິນແປ້ງໂຮວິດແທນແປ້ງເບີເກີທົ່ວໄປ ກໍ່ຈະເຮັດໃຫ້ທ່ານໄດ້ຮັບອາຫານທີ່ມີປະໂຫຍດຫຼາຍຂື້ນ

  1. ປ່ຽນບ້ານໃຫ້ເປັນຢິມ

ຖ້າທ່ານບໍ່ຢາກເສຍເວລາໄປຢິມ ຫຼື ແມ່ທີ່ຕ້ອງເບິ່ງແຍງລູກຕະຫຼອດເວລາ ການປ່ຽນບ້ານໃຫ້ເປັນຢີມກໍ່ໜ້າຈະງ່າຍກ່ວາດ້ວຍການລົງທຶນບໍ່ໄດ້ຫຼາຍ ເຊັ່ນ ເສື່ອໂຢຄະ ດໍາເບລ  ແລະ ເທນເນີສ່ວນຕົວກໍ່ສາມາດເປີດເບິ່ງຈາກຢູທູບໄດ້ຕາມຄວາມຕ້ອງການ