ຫຼື ບໍ່ຫຶງ? 5 ຂໍ້ ກວດ​ເບິ່ງ​ຄັກໆ​ ເຈົ້າ​ຂີ້​ຫຶງ​ເກີນ​ໄປ ຫຼື ບໍ່?

  •  

ຖ້າທ່ານມີພຶດຕິກໍາຕາມ 5 ຂໍ້ນີ້ຂໍໃຫ້ຮູ້ໄວ້ວ່າແຟນຂອງຄຸນເລີ່ມຈະອຶດອັດກັບຄຸນແລ້ວນະຈ໊ະ

  1. ຫວັ່ນໄຫວກັບການໃຊ້ໂທລະສັບຂອງເຂົາ

ເມື່ອພຶດຕິກໍາການໃຊ້ມືຖືຂອງເຂົາເຮັດໃຫ້​ເຈົ້າມີຄວາມຮູ້ສຶກທີ່ສັ່ນຄອນເຊັ່ນ ໂທໄປແລ້ວບໍ່ຮັບ ໂທໄປແລ້ວສາຍບໍ່ຫວ່າງ ເຮັດໃຫ້​ເຈົ້າເກີດຄວາມຮູ້ສຶກເສົ້າແບບກະທັນຫັນນັ້ນ ສະແດງວ່າ​ເຈົ້າເປັນຄົນຂີ້ຫຶງເກີນໄປແລ້ວ ຫຶງບໍ່ພໍຍັງຄິດຫຼາຍອີກດ້ວຍ! ເຂົາອາດຈະບໍ່ໄດ້ຢູ່ຕິດກັບມືຖືຕະຫຼອດບາງ​ເທື່ອບ່ອນເຮັດວຽກເຂົາອາດຈະປະຊຸມຢູ່ ເຂົາອາດຢູ່ໃນຫ້ອງນ້ຳຢູ່ກໍເປັນໄດ້ ແລ້ວຖ້າໂທໄປສາຍບໍ່ຫວ່າງ ເປັນຫຍັງເຈົ້າຈຶ່ງຄິດວ່າເຂົາຈະລົມກັບຜູ້ຍິງຄົນອື່ນຢູ່ອາດຈະລົມວຽກ ລົມກັບໝູ່ຜູ້ຊາຍ ຫຼື ລົມກັບແມ່ເຂົາຢູ່ກໍໄດ້ ລົດຄວາມຄິດຫຼາຍແລ້ວເພີ່ມຄວາມໄວ້ໃຈເຂົາໃຫ້ຫຼາຍຂຶ້ນຈະດີກວ່າ.

2. ການໃຊ້ Social Media ຂອງເຂົາເຮັດໃຫ້ເຈົ້າຢ້ານ

Social Media Facebook, Line, Instagram ?

3. ຕາມຕິດຊີວິດເຂົາແບບບໍ່ໃຫ້ຮູ້​ໂຕ

ພຽງ​ແຕ່ Social Media ມັນບໍ່ພໍ​ເຈົ້າອາດເຖິງຂັ້ນຄິດວ່າຕອນຢູ່​ໃນ Facebook ອາດເຮັດຄືບໍ່ມີຫຍັງ ເພື່ອຕົບຕາແຟນສາວຄື​ເຮົາ ແຕ່ອາດໄປເຈີກັນ ລົມກັນໃນຊີວິດຈິງກໍເປັນໄດ້! ສິ້ນຄວາມຄິດປຸ໊ບກໍລັກນຳເຂົາໄປແຖວບ່ອນເຮັດວຽກໄປ ຢູ່​ເຮືອນ ຫຼື ໄປບ່ອນທີ່​ເຂົາ​ມັກໄປເລື້ອຍໆ ບໍ່ໃຫ້ເຂົາຮູ້​ໂຕເພື່ອລັກເບິ່ງພຶດຕິກໍາຂອງເຂົາຢູ່ຫ່າງໆຢ່າງຫ່ວງໆ ອັນ! ເຮັດໄປໄດ້ນໍ້ ອັນນີ້ແຟນ​ເຈົ້ານະ ເປັນຫຍັງໄປລັກຕິດຕາມເຂົາ ເປັນອາດສະຍາກອນ ຫຼື ​ແນວ​ໃດ ຖ້າສາວ ໆ ຮູ້​ໂຕວ່າຕົນເອງເຮັດເຖິງຂັ້ນນີ້ແລ້ວ ລະຂໍບອກໄວ້ເລີຍວ່ານັ້ນບໍ່ປົກກະຕິແລ້ວ​ເດີ້ ເປັນຄົນທີ່ບໍ່ໄວ້ໃຈແຟນຕົນເອງ ອັນທໍາອິດ ຖ້າເຂົາຈັບໄດ້ວ່າ​ເຈົ້າລັກ​ນຳ​ເຂົາແລ້ວຢາກເລີກ​ເດ ກໍເຂົາບໍ່ຜິດເລີຍ​​ໃດ໋ຫັ້ນ!

4. ບໍ່ໄວ້ໃຈຄົນໃໝ່ໆ

ຄວາມຮູ້ສຶກຂອງ​ເຈົ້າ ເມື່ອແຟນຂອງ​ເຈົ້າແນະນໍາໃຫ້ຮູ້ຈັກກັບໃຜໃໝ່ໆແລ້ວ ຍິ່ງຖ້າຄົນນັ້ນເປັນຄົນໜ້າຕາດີນຳ​ນະ ​ເຈົ້າກໍຈະພານ ຮູ້ສຶກວ່າລາວເປັນຄົນທີ່ຈະມາເຮັດໃຫ້ແຟນ​ເຈົ້າຫວັ່ນໄຫວຄິດປຸ໊ບຄວາມຫຶງຈະອອກ​ມາ ຈົນເກັບອາການບໍ່ຢູ່ເລີຍ ແລະ ນັ້ນກໍເຮັດໃຫ້ທ່ານຮູ້ສຶກຢາກຈະລັກສືບໃຫ້ຮູ້ວ່າຜູ້ຍິງຄົນນີ້ ​ແມ່ນໃຜ ມາຈາກໃສ ສະໜິດສະໜົມກັບແຟນເຮົາປານ​ໃດ ເຖິງແມ້ວ່າເຂົາຈະເປັນຜູ້ຍິງທີ່ຮູ້ຈັກກັບແຟນ​ເຈົ້າພຽງຜິວເຜີນ ຫຼື ແຕ່ງງານ​ແລ້ວ​ອີກດ້ວຍ ​ເຈົ້າກໍຍັງອົດສາພະຍາຍາມມະ​ໂນວ່າ ແຟນເຮົາອາດຈະບັງເອີນໄປຮູ້ຈັກກັບຜູ້ຍິງທີ່​ຊົ່ວຫຼາຍ ທີ່ແຕ່ງງານແລ້ວແຕ່ກໍຍັງພະຍາຍາມ ມາຍາດແຟນຄົນອື່ນໄປກໍເປັນໄດ້ ​ໂອ້ຍ!! ເປັນຫຍັງໂຊກຊະຕາຈະຕ້ອງຫຼິ້ນຕະຫຼົກຫຍັງກັບ​ເຈົ້າປານ​ນັ້ນນຳ ຢ່າຟ້າວ​ຄິດ​ໄປ​ກ່ອນ ບໍ່ໄວ້ໃຈຄົນອື່ນກໍບໍ່ເທົ່າ​ໃດ ແຕ່ກະໄວ້ໃຈແຟນຕົນເອງແດ່ກໍໄດ້ ​ເຂົາອາດຈະຮັກ​ເຈົ້າກວ່າທີ່​ເຈົ້າຄິດກໍໄດ້ ເປັນຫຍັງເລື່ອງນີ້ບໍ່ມະໂນ​ເອົາລະ!

​5. ເຜີ​ບາດ​ໃດ​ລັກ​ກວດ​ບາດ​ນັ້ນ

ເຊັກທຸກຢ່າງມາແລ້ວ ຖ້າຈະໃຫ້ຄິດວ່າປອດໄພຍັງໄວ​ເກີນໄປ ​ເຈົ້າຈະບໍ່ມີວັນແນ່ໃຈ ຈົນກວ່າຈະໄດ້ຮູ້ຢ່າງຊັດ​ເຈນ ແຕ່ຈະໃຫ້ຖາມເອງຕົງໆກໍບໍ່ໄດ້ແລະແລ້ວກໍຕ້ອງຕົກມາສູ່ຫຼັກຖານທີ່ໜ້າສົງໄສຫຼາຍທີ່ສຸດ​ເຊັ່ນ ໂທລະສັບມືຖືຂອງແຟນ​ເຈົ້າ! ​ເປັນ​ແນວ​ໃດຫຼິ້ນຂອງສ່ວນຕົວກັນເລີຍທີດຽວມືຖືຂອງແຟນເບິ່ງ​ແນວໃດກະລໍ້ຕາລໍ້​ໃຈໃຫ້ຢາກລັກລອບເຂົ້າໄປເບິ່ງໄດ້ຕະຫຼອດເວລາ ແຕ່ອັນນີ້ມັນເປັນຂໍ້ຫ້າມອັນຮ້າຍກາດເລີຍ ເປັນການສະແດງເຖິງຄວາມບໍ່ໄວ້ໃຈ ແລະ ບໍ່ເຄົາລົບຄວາມເປັນສ່ວນ​ໂຕກັນຢ່າງຮຸນແຮງ ຖ້າ​ເຈົ້າອົດໃຈບໍ່ໄຫວລັກ​ເບິ່ງຂໍ້ຄວາມຂອງເຂົາຕອນທີ່ເຂົາບໍ່ຢູ່ ຫຼື ແມ້ແຕ່ການລັກເຂົ້າລະຫັດ Social Media ຂອງເຂົາໄປເບິ່ງເອງລ່ະ​ແມ່ນນອກຈາກຈະເປັນຄົນຂີ້ຫຶງແບບສຸດໆແລ້ວກໍຖືວ່າຜິດກົດການເປັນຄູ່ຮັກກັນແບບຮຸນ​ແຮງເລີຍ​ເດີ້!!!!