ຫຼາຍເຫດຜົນ...ເປັນຫຍັງຕ້ອງສັນຍະກຳ

 

ປະຈຸບັນການສັນຍະກຳຖືເປັນເລື່ອງປົກກະຕິໃນສັງຄົມໄປແລ້ວ ເຊິ່ງມູມມອງຂອງສັງຄົມນັ້ນມີທັງດ້ານບວກແລະດ້ານລົບ ຈະມີເຫດຜົນຫຼັກໆ ມີຫຍັງແດ່ທີ່ເຮັດໃຫ້ຜູ້ຍິງຕັດສິນໃຈເຮັດສັນຍະກຳ

 1. ຖືກຄົນຮອບຂ້າງເວົ້າ ເກີດປົມດ້ອຍ

ເປັນໃຜກໍ່ຄົງຢາກທີ່ຈະເຮັດເພາະຄົງບໍ່ມີໃຜທີ່ຢາກຖືກເວົ້າວ່າ ຂີ້ຮ້າຍ ແມ່ນບໍ່ ຖືກເວົ້າຫຼາຍເຂົ້າເລີຍຕັດສິນໃຈເກັບເງີນໄປເຮັດສັນຍະກຳຊະເລີຍ

2. ອົກຫັກ ແຟນຖິ້ມ ຢາກມີແຟນ ແຟນວ່າບໍ່ງາມ

ກໍລະນີແຟນຖິ້ມ ອົກຫັກເລີຍຄິດວ່າຢາກປ່ຽນແປງໂຕເອງ ແບບນີ້ບໍ່ແນະນຳໃຫ້ສັນຍະກຳເລີຍ ຕໍ່ໃຫ້ເຮັດແນວໃດເຂົາກໍ່ບໍ່ກັບມາເຖິງຈະກັບມາກໍ່ເພາະທ່ານງາມຂື້ນ ແຄ່ນັ້ນເອງ ເວລາໃຜວ່າທ່ານບໍ່ງາມກໍ່ຮູ້ສຶກເຈັບປວດກັນທັງນັ້ນໂດຍສະເພາະຄົນທີ່ວ່າເປັນແຟນທ່ານເອງຍິ່ງກົດດັນແລະຢາກທີ່ຈະງາມຂື້ນ

3. ເພື່ອປ່ຽນແປງໂຕເອງ

ຫຼາຍໆຄົນໃນປະຈຸບັນທີ່ເຮັດສັນຍະກຳ ເຮັດເພື່ອຜົນປະໂຫຍດຈາກວຽກງານດ້ານບັນເທິງ ເປັນດາລາ ນັກຮ້ອງ ນາງແບບ

4. ແຕ່ງໜ້າຍາກ

ຜູ້ຍິງເຮົາຍິ່ງອາຍຸຫຼາຍຂື້ນ ຮອຍຕ່າງໆທີ່ໃບໜ້າມັກຈະປະກົດ ເຮັດໃຫ້ການແຕ່ງໜ້າໃນແຕ່ລະຄັ້ງ ເບິ່ງຍາກແລະດົນຂື້ນ ເມື່ອເຫັນຂໍ້ບົກຜ່ອງຂອງໂຕເອງທຸກມື້ ເລີຍຄິດຢາກຈະເຮັດໃຫ້ມັນດູດີຂື້ນນັ້ນເອງ

5. ສ້າງຄວາມໝັ້ນໃຈ ແລະ ເພີ້ມໂອກາດທີ່ດີໃຫ້ກັບໂຕເອງ

ເມື່ອໂຕເອງງາມຂື້ນ ກໍ່ເສີມຄວາມໝັ້ນໃຈໃຫ້ກັບໂຕເອງຫຼາຍຂື້ນ ກ້າທີ່ຈະແຕ່ງໂຕຫຼາຍຂື້ນ  ບາງຄົນຈາກງາມຮຽບຮ້ອຍປ່ຽນລຸກເປັນສາວປ້ຽວໃນທັນຕາ

6. ເກີດອຸບັດຕິເຫດເຊັ່ນ ໄຟໃໝ້ ລົດຕຳ ຖືກກີດໜ້າ

ການເກີດອຸບັດຕິເຫດບາງຄັ້ງນັ້ນກໍ່ເຮັດໃຫ້ທ່ານສາມາດທີ່ຈະເສຍໂສມໄດ້ຄືກັນ ເພາະສະນັ້ນທ່ານເລີຍຕ້ອງການທີ່ຈະເຂົ້າຮັບການຕົກແຕ່ງເຮັດສັນຍະກຳ

7. ຮູ້ສຶກວ່າໂຕເອງແປກ ແຕກຕ່າງຈາກຄົນອື່ນໆ

ອາດມີຄວາມຮູ້ສຶກວ່າໂຕເອງແຕກຕ່າງຈາກສັງຄົມຮອບຂ້າງ ເນື່ອງຈາກໃນບາງຄັ້ງ ຮູ້ສຶກວ່າໂຕເອງໜ້າຕາບໍ່ດີເລີຍ ແຕ່ຄົນໃນຄອບຄົວ ຫຼືຄົນໃກ້ຊິດໜ້າຕາດີອາດເຮັດໃຫ້ຮູ້ສຶກແຕກຕ່າງຈົນມີຄວາມຄິດທີ່ຢາກຈະປ່ຽນແປງໂຕເອງ

8. ສັນຍະກຳຕາມກະແສ

ເນື່ອງຈາກໃນປະຈຸບັນມີການສັນຍະກຳກັນຢ່າງແພ່ຫຼາຍ ເຮັດໃຫ້ຫຼາຍໆຄົນຮູ້ສຶກຢາກຈະແຂ່ງຂັນ ຕ້ອງການງາມ ຢາກຂາວດູດີບໍ່ແພ້ຄົນອື່ນ ຈົນຕ້ອງຕັດສິນໃຈເຂົ້າຮັບການສັນຍະກຳໃນທີ່ສຸດ

 

 

ບົດຄວາມໃຫມ່ໆ