ຫົວເຫວີຍເປີດໂຕສະມາດໂຟນລຸ້ນໃໝ່ຫຼ້າສຸດ Huawei GR5 2017 ສູ່ຕະຫຼາດລາວ

         ໃນວັນທີ 17 ທັນວາ 2016 ທີ່ຫ້າງຊັບພະສິນຄ້າວຽງຈັນເຊັນເຕີ, ບໍລິສັດ ຫົວເຫວີຍໄດ້ເປີດໂຕສະມາດໂຟນລຸ້ນໃໝ່ຫຼ້າສຸດ Huawei GR5 2017 ສູ່ສາຍຕາມວນຊົນ. ມີແຂກຈາກຫຼາກຫຼາຍສາຂາ ບໍ່ວ່າຈະແມ່ນ ສື່ມວນຊົນ, ຄູ່ຮ່ວມທຸລະກິດ, ແລະ ລູກຄ້າກໍ່ເຂົ້າຮ່ວມ. ນອກນີ້ Huawei Brand Ambassador ແອນນິຕ້າ ມາຮ່ວມງານ ແລະ ສະແດງຮ້ອງເພງ ແລະ ກໍ່ຍັງມີໂອລາ ແບກອາຍນຳອີກ. ພາຍໃນງານ ກໍ່ຍັງມີກິດຈະກຳຫຼາຍຢ່າງ ບໍ່ວ່າຈະເປັນການ ນໍາສະເໜີຜະລິດຕະພັນໃໝ່ຫຼ້າສຸດ, ສາທິດການນຳໃຊ້ ຕ່າງໆ, ການສະແດງມິນິຄອນເສີດຂອງ Huawei Brand Ambassador ແອນນິຕ້າ, Ola Blackeyes, ການສະແດງແຂ່ງໂຊ BMX, ການເຕັ້ນໂຊ B-Boys ແລະອື່ນໆ.

       ທ່ານ   ຊູຈິນຢົງ ຜູ້ອຳນວຍການຝ່າຍອຸປະກອນສື່ສານ ໄດ້ກ່າວຕໍ່ສື່ມວນຊົນ ອີກວ່າ: ຫຼັງຈາກຫົວເຫວີຍ P9 ປະສົບຜົນສຳເລັດຢູ່ລາວ ບໍ່ວ່າຈະເປັນດ້ານ ຍອດຂາຍ ແລະ ຄວາມມັກຂອງລູກຄ້າ, ເຊິ່ງແມ່ນສັນຍານທີ່ດີທີ່ລູກຄ້າໄວ້ໃຈ ແລະເຊື່ອໝັ້ນ ໃນຜະລິດຕະພັນ ຫົວເຫວີຍ. ດັ່ງນັ້ນຫົວເຫວີຍຈິ່ງສືບຕໍ່ນໍາ ສະເໜີຜະລິດຕະພັນທີ່ມີຄຸນນະພາບ ລຸ້ນໃໝ່ຫຼ້າສຸດ HUAWEI GR5 2017, ກ່ອນໜ້ານີ້ 2 ອາທິດ ເຮົາໄດ້ເປີດໃຫ້ຈອງສະມາດໂຟນລຸ້ນນີ້ ພ້ອມກັບ ໂປຣໂມຊັນພິເສດສຸດ: ສາຍຮັດຂໍ້ແຂນອັດສະລິຍະ Huawei Band A1, ທີ່ມາພ້ອມກັບຄຸນສົມບັດຫຼາກຫຼາຍ ເຊິ່ງເຮັດໃຫ້ເປັນທີ່ໜ້າສົນໃຈກັບ ຫຼາຍໆຄົນ, ພ້ອມກັບຊິມລາວໂທລະຄົມ ໂທແລະຫຼິ້ນອິນເຕີເນັດ ຟຣີ ແລະ ສະຫຼັກຊື່ເທິງໂທລະສັບພ້ອມ.

        ແລະ ມື້ນີ້ເອງ ເຮົາກໍໄດ້ເປີດຂາຍຢ່າງເປັນທາງການ ທົ່ວປະເທດ, ໃນຊ່ວງຂາຍ ທໍາອິດນີ້ ເຮົາມີໂປຣໂມຊັນສຸດພິເສດ ເມື່ອທ່ານຊື້ HUAWEI GR5 2017 ຮັບທັນທີ GR5 2017 gift set package ພ້ອມກັບການບໍລິການໃໝ່ຫຼ້າສຸດ VIP service ສະເພາະລູກຄ້າ HUAWEI GR5 2017 ສ້ອມແປງແລ້ວພາຍໃນ 2 ຊົ່ວໂມງ. ເຊິ່ງບໍລິການນີ້ ໄດ້ເລີ່ມໃຫ້ນໍາໃຊ້ແລ້ວທີ່ສູນບໍລິການຫຼັງການຂາຍ ໃໝ່ຫຼ້າສຸດຂອງຫົວເຫວີຍ ທີ່ດົງປ່າລານ. ພວກເຮົາໝັ້ນໃຈວ່າທຸກທ່ານຈະໄດ້ ການບໍລິການທີ່ດີເລີດ ແລະ ປະສົບການທີ່ດີຈາກພະນັກງານເຮົາ.