ຫົງ-ໄກ່ຫູຕັ້ງ!!ນາໂປລີກຽມຂາຍອິນຊີເຢ 44 ລ້ານປອນ

 

ທັອດແນມ ຮັອດສະເປີ ກັບ ລີເວີພູ ຕ້ອງຫູພຶງຕາສວດແນ່ນອນເມື່ອຫຼ້າສຸດສື່ເຜີຍຂ່າວວ່າ ອໍເຣລິໂອ ເດ ລໍເຣັນຕິສ ຫົວເຮືອໃຫຍ່ຂອງ ນາໂປລີ ກຽມທີ່ຈະປ່ອຍ ລໍເຣັນໂຊ ອິນຊີເຢ ມິດຟິວອີຕາລີດ້ວຍຄ່າໂຕ 44 ລ້ານປອນເຖິງວ່ານັກເຕະຍັງຢາກຢູ່ກັບທີມຕໍ່ໄປກໍຕາມ ຫຼັງຈາກທີ່ມີບັນຫາເລື່ອງການຕໍ່ສັນຍາສະບັບໃໝ່.

 

ນາໂປລີ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ຕົກເປັນຂ່າວວ່າພວກເຂົາພ້ອມຂາຍ ລໍເຣັນໂຊ ອິນຊີເຢ ປີກຂອງທີມອອກຈາກຖິ່ນ ຊານ ເປົາໂລ ດ້ວຍມູນຄ່າ 44 ລ້ານປອນ.

 

ກ່ອນໜ້ານີ້ມີຂ່າວໜາຫູກັນເລີຍວ່າ ອິນຊີເຢ ຢາກໄດ້ຄ່າເມື່ອຍຈາກສັນຍາສະບັບໃໝ່ຫຼາຍກວ່າອາທິດລະ 100,000 ປອນແຕ່ວ່າ ອໍເຣລິໂອ ເດ ລໍເຣັນຕິສ ປະທານສະໂມສອນບໍ່ພ້ອມໃຫ້ຕາມທີ່ເຂົາຕ້ອງການ.

 

ຫຼ້າສຸດ “ກັນໂຊ ແມຄາໂຕ້” ສື່ຊື່ດັງຂອງອີຕາລີຄາດວ່າ ເດ ລໍເຣັນຕິສ ເລັງປ່ອຍໂຕ ອິນຊີເຢ ທີ່ອາດຈະຕ້ອງການຢູ່ກັບທີມຕໍ່ໄປ ແລະ ຄາດວ່າຖ້າແຄ່ງອີຕາລີຍ້າຍອອກຈາກທີມໄປກໍບໍ່ໜ້າຈະປ່ອຍໃນລາຄາທີ່ຕຳ່ກວ່າ 44 ລ້ານປອນເຊິ່ງຂ່າວດັ່ງກ່າວອາດຈະເຮັດໃຫ້ ລີເວີພູ ແລະ ສະເປີ 2 ສະໂມສອນດັງຂອງອັງກິດທີ່ເຄີຍສົນໃຈໃນໂຕນັກເຕະມາກ່ອນຫູພຶງໄປນຳກັນ.

 

ສຳລັບ ອິນຊີເຢ ໄດ້ລົງຫຼິ້ນຢ່າງສະໝຳ່ສະເໝີກັບຕົ້ນສັງກັດຫຼັງຈາກທີ່ ກອນຊາໂລ ຮິກວາອິນ ດາວຍິງທີມຊາດອາເຈັນຕິນາຖືກ “ອັດຊູຣາ” ຂາຍອອກໄປເມື່ອຊ່ວງຊໍາເມີທີ່ຜ່ານມາ ແຕ່ເຂົາພັດຍິງປະຕູບໍ່ໄດ້ເລີຍຈາກການລົງຫຼິ້ນ 11 ນັດລວມທຸກລາຍການໃນລະດູການນີ້.

 

ບົດຄວາມໃຫມ່ໆ