ຫົງ-ປືນຕາລຸກ!!! ເປເອັດເຊພ້ອມເທດຣັກສະເລີ

 

ຢູລຽນ ດຣັກສະເລີ ກອງກາງເລືອດເບຍສໍ່ໝົດອະນາຄົດກັບ ປາຣີ ແຊງ-ແຊັກແມງ ຫຼັງໄດ້ຮັບແຈ້າງໃຫ້ຊອກທີມໃໝ່ເຖິງວ່າເຂົາຫາກໍຍ້າຍສູ່ສະໂມສອນເມື່ອເດືອນກໍລະກົດກໍຕາມ.

ປາຣີ ແຊງ-ແຊັກແມງ ຍັກໃຫຍ່ຂອງ ລີກແອັງ ຝຣັ່ງບອກ ຢູລຽນ ດຣັກສະເລີ ມິດຟິວເຢຍລະມັນວ່າໃຫ້ເບິ່ງຫາຕົ້ນສັງກັດໃໝ່ໂດຍມີ ອາເຊນອນ ແລະ ລິເວີພູ 2 ສະໂມສອນຍັກໃຫຍ່ໃນລີກຜູ່ດີໃຫ້ຄວາມສົນໃຈ ຈາກການລາຍງານຂອງ ເດິ ຊັນ ສື່ຜູ່ດີເມື່ອວັນພະຫັດທີ່ຜ່ານມາ.

ກອງກາງອາຍຸ 23 ປີຍ້າຍຈາກ ໂວບບວກ ເຂົ້າສູ່ຖິ່ນ ປາກ ເດີ ແພຣັງ ເມື່ອເດືອນກໍລະກົດທີ່ຜ່ານມາ ແຕ່ອະນາຄົດຢູ່ໃນຄວາມບໍ່ແນ່ນອນຫຼັງມີບັນຫາຂັດແຍ່ງກັບ ອູໄນ ເອເມຣີ ກຸນຊືສະເປນ ຂະນະທີ່ການຍ້າຍເຂົ້າມາຂອງ ເນມາ ສະຕາກອງໜ້າຊາວເບຣຊິນຍິ່ງເຮັດໃຫ້ໂອກາດລົງສະໜາມຂອງ ດຣັກສະເລີ ຫຼຸດໜ້ອຍລົງ ແລະ ຫຼ້າສຸດກໍມີລາຍງານວ່າ “ເປເອັດເຊ” ໄຟຂຽວເຂົາໃຫ້ຍ້າຍທີມໄດ້ເລີຍ.

ດ້ານ ອາແຊນ ເວນເກີ ນາຍໃຫຍ່ “ປືນໃຫຍ່” ຕົກເປັນຂ່າວໃຫ້ຄວາມສົນໃຈ ດຣັກສະເລີ ມາດົນ ຂະນະທີ່ ເຈີເກັນ ຄັອບ ນາຍໃຫຍ່ຂອງ “ຫົງແດງ” ຕ້ອງການດຶງອະດີດນັກເຕະ ຊາວເກ 04 ໄປປະຈຳການເກມບຸກແທນ ຟິລິບເປ້ ຄູຕິນໂຢ ມິດຟິວແຊມບ້າທີ່ມີລາຍງານວ່າ ກຽມຍິງສະໂມສອນໂດຍການບໍ່ລົງຫຼິ້ນໃຫ້ທີມອີກແມ້ແຕ່ນັດດຽວໃນລະດູການນີ້ ຖ້າບໍ່ປ່ອຍຕົວໃຫ້ຍ້າຍໄປ ບາເຊໂລນາ ໃນຊຳເມີນີ້.