ຫົງແດງ ທາມຊື້ ມູຣາ ຈາກເປເອັດເຊ ຊ່ວງເປີດຕະຫຼາດຮອບສອງ

ລີເວີພູ ຕົກເປັນຂ່າວຕິດຕໍ່ດຶງໂຕ ລູຄັສ ມູຣາ ປີກຈາກ ປາຣີ ແຊັງ-ແຊັກແມັງ ມາເສີມທັບຊ່ວງເປີດຕະຫຼາດນີ້ ແລະ ມີຄວາມເປັນໄປໄດ້ທີ່ຈະສົມຫວັງເນື່ອງຈາກວ່ານັກເຕະພົບກັບບັນຫາການຍາດຕຳແໜ່ງໂຕຈິງໃນທີມ.

“ຫົງແດງ” ລີເວີພູ ສະໂມສອນຍັກໃຫຍ່ຈາກເມືອງຜູ້ດີ ພຣີເມຍລີກ ອັງກິດ ຕົກເປັນຂ່າວວ່າໄດ້ຕິດຕໍ່ເພື່ອຂໍດຶງໂຕ ລູຄັສ ມູຣາ ປີກໂຕເກັ່ງ ປາຣີ ແຊັງ-ແຊັກແມັງ ສະໂມສອນມະຫາເສດຖີຈາກ ລີກແອັງ ມາເສີມທັບຊ່ວງເປີດຕະຫຼາດຮອບສອງ ຈາກການລາຍງານຕອນເຊົ້າຂອງມື້ນີ້.

ລີເວີພູ ກັບມາເຮັດຜົນງານທີ່ດີພາຍໃຕ້ການຄຸມທັບຂອງ ເຈີເກັນ ຄັອບ ແຕ່ຄວາມປລາໄຊໃຫ້ກັບ ນິວຄາສເຊິນ ເມື່ອວັນອາທິດທີ່ຜ່ານມາ ສະແດງໃຫ້ເຫັນວ່າພວກເຂົາຍັງມີຄວາມຈຳເປັນຕ້ອງເສີມທັບ ແລະ ລ່າສຸດມີລາຍງານວ່າ “ຫົງແດງ” ໄດ້ຕັ້ງໄປທີ່ ລູຄັສ ມູຣາ ແລະ ເບື້ອງຕົ້ນໄດ້ມີການລົມກັບນັກເຕະເຖິງຄວາມເປັນໄປໄດ້ໃນການຍ້າຍທີມແລ້ວ.

ການເຂົ້າມາຂອງ ອັງເກວ ດິມາເຣຍ ເຮັດໃຫ້ ມູຣາ ຕ້ອງປະສົບບັນຫາໃນການຢຶດຕຳແໜ່ງໂຕຈິງໃນທີມ ເປເອັດເຊ ແລະ ຂະນະທີ່ເຂົາມີຄວາມສຸກກັບຊີວິດໃນປາຣີ ແຕ່ກໍມີການອ້າງວ່າແຄ່ງອາຍຸ 23 ປີ ບໍ່ໄດ້ປິດໂອກາດທີ່ຈະຍ້າຍອອກຈາກ ເປເອັດເຊ ເຊັ່ນກັນ.

ການຍ້າຍໄປຮ່ວມທີມ ລີເວີພູ ອາດຈະເປັນຕົວເລືອກທີ່ດີສຳລັບ ມູຣາ ເນື່ອງຈາກຈະໄດ້ຫຼິ້ນກັບເພື່ອນຮ່ວມຊາດ ບຣາຊິວ ທັງ ເຟລິບເປ ຄູຕິນໂຢ, ໂຣເບໂຕ ຟີມິໂນ ແລະ ລູຄັສ ເລວາ 3 ມິດຟິວ “ຫົງແດງ” ເຊິ່ງອາດຈະຊ່ວຍເຂົາປັບໂຕໄດ້ເປັນຢ່າງດີ.

........................................................................................................................................................