ຫົງເລັງດຶງ ສະເຕເກັນ ເຝົ້າເສົາ

 

ສື່ກະທິງຕີຂ່າວ ເຈີເກັນ ຄັອບ ນາຍໃຫຍ່ຂອງ ຫົງແດງ ກຽມການເດີນໜ້າດຶງ ມາກ-ອັນເດຣ ແທ ສະເຕີເກັນ ນາຍທະວານຂອງ ບາເຊໂລນາ ມາເຝົ້າເສົາຫຼັງຈາກຈົບລະດູການນີ້ຫຼັງຈາກທີ່ ບາເຊໂລນາ ຄຸ່ນຄິດຢ່າງໜັກທີ່ຈະຂາຍພົ້ນທີມເຫດຍ້ອນ ຫຼຸຍ ເອັນຣິເກ ນາຍໃຫຍ່ ບາຊາ ບໍ່ມັກກັບທັດສະນະຄະຕິຂອງນັກເຕະໃນຊ່ວງທີ່ຜ່ານມາ.

 

“ຟີຊາເຄດ” ສື່ດັງຂອງ ສະເປນ ລາຍງານຂ່າວວ່າ ລີເວີພູ ສະໂມສອນຍັກໃຫຍ່ຈາກ ພຣີເມຍລີກ ອັງກິດ ພ້ອມດຶງໂຕ ມາກ-ອັນເດຣ ແທ ສະເຕີເກັນ ຜູ້ຮັກສາປະຕູສຳຮອງຂອງ ບາເຊໂລນາ ສະໂມສອນຈາກ ລາ ລີກາ ໃນຊ່ວງເປີດຕະຫຼາດຊຳເມີນີ້.

ຫົງແດງ ມີຂ່າວສົນໃຈນາຍທະວານໃນເດືອນມັງກອນແຕ່ນັກເຕະກໍຍັງຢູ່ກັບຕົ້ນສັງກັດແຕ່ລ່າສຸດສື່ສະເປນຕີຂ່າວວ່າ ເຈີເກັນ ຄັອບ ນາຍໃຫຍ່ ລີເວີພູ ພ້ອມກັບມາລ່າໂຕອະດີນາຍດ່ານ ໂບຣຸສເຊຍ ມິວເຊັນກັກບັກ ອີກຫຼັງຈາກຈົບລະດູການນີ້ ແລະ ບາຊາ ພ້ອມພິຈາລະນາຢ່າງໜັກເລື່ອງຂາຍນັກເຕະອອກຈາກທີມໄປຫຼັງຈາກ ຫຼຸຍ ເອັນຣິເກ ນາຍໃຫຍ່ ບາຊາ ບໍ່ແຮັບປີກັບທັດສະນະຄະຕິຂອງນັກເຕະທີ່ຕອນນີ້ເປັນໂຕສຳຮອງຂອງ ບາໂວ.

 

ທັງນີ້ ຊິມົງ ມິນໂຢເລ ຈອມນຶບມືໜຶ່ງຂອງ ຫົງແດງ ຖືກວິພາກວິຈານຢ່າງໜັກໃນລະດູການນີ້ເພາະເສຍປະຕູຄູ່ແຂ່ງແບບງ່າຍໆຫຼາຍຕໍ່ຫຼາຍນັດຈົນແຟນບານຫຼາຍໆຄົນຮຽກຮ້ອງໃຫ້ ຄັອບ ດຶງຜູ້ຮັກສາປະຕູຄົນໃໝ່ມາເຝົ້າເສົາ.