ຫົງວ່າຈັ່ງໃດ!!ງູໃຫຍ່ພ້ອມເລກົງດັອກເບຍພົ້ນທີມ

 

ສື່ອີຕາລີເຜີຍ “ງູໃຫຍ່” ອິນເຕີ ມິລານ ພ້ອມເລ ເຊຟເຟຣ ກົງດັອກເບຍ ມິດຟິວເລືອດນໍ້າຫອມອອກຈາກທີມຊ່ວງເດືອນມັງກອນນີ້ໂດຍຄາດກັນວ່າມີຫົວຢູ່ທີ່ 23 ລ້ານເອີໂຣ.

 

ອິນເຕີ ມິລານ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ອີຕາລີໄດ້ໃສ່ຊື່ ເຊຟເຟຣ ກົງດັອກເບຍ ກອງກາງຄົນຝຣັ່ງເປັນໜຶ່ງໃນຫ້ານັກເຕະຂອງທີມທີ່ຈະຖືກປ່ອຍຕົວອອກຈາກທີມໃນຊ່ວງຕະຫຼາດຮອບສອງເດືອນມັງກອນນີ້ ຕາມການລາຍງານຈາກ ກັດເຊັດຕາ ເດວໂລ ສະປອດ ສື່ກິລາຊັ້ນນຳຂອງແດນກະໂລນີເມື່ອວັນຈັນທີ່ຜ່ານມາ.

 

ລະດູການນີ້ ກົງດັອກເບຍ ບໍ່ສາມາດເອົາຟອມເທບອອກມາໂຊໄດ້ຈົນ “ງູໃຫຍ່” ມີແຜນການທີ່ຈະປ່ອຍຕົວອອກຈາກທີມເຊັ່ນດຽວກັບໃນລາຍຂອງ ໂຈນາທານ ເບຍເບຍນີ, ເຟລິເປ ເມໂລ, ສະເຕຟານ ໂຢເວຕິດ, ໂຣດຣິໂກ ປາລາຊິໂອ ແລະ ດາວິເຕ ຊານຕອນ.

 

ເຊື່ອກັນວ່າ ກົງດັອກເບຍ ກຳລັງເປັນທີ່ຕ້ອງການຂອງ ເຈີເກັນ ຄັອບ ຜູ້ຈັດການທີມ ລີເວີພູ ທີ່ຕ້ອງການເພີ່ມຄວາມແຂງແກ່ນໃຫ້ກັບແຜງກາງ ໂດຍຄາດກັນວ່າດາວເຕະເລືອດນຳ້ຫອມ 23 ປີມີຄ່າຫົວຢູ່ທີ່ປະມານ 23 ລ້ານເອີໂຣ.

 

ບົດຄວາມໃຫມ່ໆ