ຫົງພ້ອມທຸ່ມເງິນລ່າຕົວເຊັດເຊຢົງເສີມຫຼັງ

 

ລີເວີພູ ກຽມເດີນໜ້າດຶນຕົວ ໄຣອັນ ເຊັດເຊຢົງ ແບັກຂອງ ຟູແລມ ໃນຊ່ວງຊຳເມີນີ້ຫຼັງຈາກທີ່ນັກເຕະໂຊຟອມໄດ້ຮ້ອນແຮງໃນລະດູການນີ້ ຄາດວ່າຄ່າຫົວຂອງນັກເຕະຈະຢູ່ທີ່ 15 ລ້ານປອນ ແລະ “ຫົງແດງ” ກໍຍິນດີທີ່ຈະຈ່າຍເພື່ອແກ້ບັນຫາເກມຮັບໃນໄລຍະຍາວ.

 

“ຫົງແດງ” ລີເວີພູ ສະໂມສອນຍັກໃຫຍ່ຂອງ ພຣີເມຍລີກ ຕົກເປັນຂ່າວວ່າກຽມທີ່ຈະເດີນໜ້າດຶງຕົວ ໄຣອັນ ເຊັດເຊຢົງ ແບັກຊ້າຍດາວລຸ້ງຂອງ ຟູແລມ ສະໂມສອນໃນ ເດິ ແຊມປຽນ ຊິບ ໃນຊ່ວງຊຳເມີນີ້ ຈາກການລາຍງານເມື່ອວັນພະຫັດທີ່ຜ່ານມາ.

 

ນັກເຕະອາຍຸ 16 ປີໂຊຟອມໄດ້ຢ່າງເມບກັບການຫຼິ້ນໃນຖິ່ນ ຄຣາວານ ຄັອດເຖດ ລະດູການນີ້ ແລະ ມີການອ້າງວ່າການຫຼິ້ນຂອງເຂົາໄປເຂົ້າຕາບັນດາສະໂມສອນຊັ້ນນຳທັງ ລີເວີພູ, ເຊວຊີ, ອາເຊນອນ ແລະ ແມນເຊສເຕີ ຊີຕີ ທີ່ຕາງກໍພາກັນຢາກໄດ້ຕົວໄປຮ່ວມທັບໃນຊ່ວງຊຳເມີນີ້.

 

ມີລາຍງານວ່າ ລີເວີພູ ໝັ້ນໃຈວ່າພວກເຂົາຈະໄດ້ ເຊັດເຊຢົງ ມາຮ່ວມທັບໃນລາຄາ 15 ລ້ານປອນ ຂະນະທີ່ພວກເຂົາກຳລັງເບິ່ງຫາແບັກຊ້າຍລາຍໃໝ່ ແລະ ເຈີເກັນ ຄັອບ ຜູ້ຈັດການທີມກໍເຊື່ອວ່ານັກເຕະດາວລຸ້ງຈະເຂົ້າມາແກ້ບັນຫາໃນໄລຍະຍາວ ຫຼັງຈາກທີ່ລະດູການນີ້ຕ້ອງເອົາ ເຈມ ມິວເນີ ມາຫຼິ້ນໃນຕຳແໜ່ງນີ້ເປັນການແກ້ຂັດ.

 

ນອກຈາກນີ້ຍັງມີຂ່າວວ່າ ລີເວີພູ ຢາກໄດ້ຕົວ ແອນດຣູ ໂຣເບິດສັນ ແບັກຊ້າຍຂອງ ຮາວ ຊີຕີ ອີກພ້ອມ ຫຼັງຈາກທີ່ນັກເຕະເຮັດຜົນງານໄດ້ໜ້າປະທັບໃຈໃນລະດູການນີ້ ແລະ ມີຄວາມເປັນໄປໄດ້ທີ່ ຄັອບ ຈະເຊັນສັນຍາກັບນັກເຕະນຳເຊັ່ນກັນ.

 

ບົດຄວາມໃຫມ່ໆ