ຫົງຈໍ່ໄດ້ໂຕ ເຊຣີເຊບ ໃນສັນຍາຢືມໂຕ

 

ລີເວີພູ ສໍ່ແວວໄດ້ໂຕ ເດນິສ ເຊຣິເຊບ ມາເສີມທັບກ່ອນເປີດຕະຫຼາດໃນວັນຈັນນີ້ແລ້ວຫຼັງຈາກ ເຣອັນ ມາດຣິດ ເຮັດໂຕພ້ອມປ່ອຍນັກເຕະລັດເຊຍໃຫ້ກັບ ຫົງແດງ ຢືມໂຕໄປຈົນຈົບລະດູການ.

 

ລາຍງານເມື່ອວັນທີ 31 ລະບຸວ່າ ຊີເນດີນ ຊີດານ ນາຍໃຫຍ່ ລາຊາຊຸດຂາວ ພ້ອມທີ່ຈະປ່ອຍ ເຊຣີເຊບ ອອກໄປແບບຢືມໂຕເນື່ອງຈາກເຂົາຍັງບໍ່ຢູ່ໃນແຜນການເຮັດທີມລະດູການນີ້.

ດ້ວຍເຫດທີ່ທີມຈາກ ແອນຟິວ ສໍ່ແວວຈະພາດໄດ້ ອະເລັກ ເຕເຊລາ ກອງກາງເລືອດແຊມບາຂອງ ຊັກຕາ ໂດເນັດ ເນື່ອງຈາກບໍ່ພ້ອມທີ່ຈະຂາຍຖ້າວ່າບໍ່ໄດ້ຄ່າໂຕທີ່ 53 ລ້ານປອນເທົ່າຄ່າຈີກສັນຍາຂອງນັກເຕະຈຶ່ງເຮັດໃຫ້ ຫົງແດງ ຕັດສິນໃຈຖອຍທັບເນື່ອງຈາກບໍ່ພ້ອມຈົກເງິນຫຼາຍກວ່າ 30 ລ້ານປອນເຖິງວ່າດາວເຕະ 26 ປີຈະຫາຍຢາກຍ້າຍສັງກັດກໍຕາມ.

 

ໂດຍທີມຈາກເມືອງຜູ້ດີຫັນໄປຂໍຢືມ ເຊຣີເຊບ ຈາກຖິ່ນ ເບີນາເບວ ແທນ ແລະ ເຊື່ອວ່າຈະມີການຍ້າຍທີມກ່ອນເປີດຕະຫຼາດໃນວັນຈັນນີ້ເຊິ່ງ ອາສ ສື່ດັງຂອງສະເປນເຊືອວ່າ ເຊບີຢາ ເປັນອີກໜຶ່ງທີມທີ່ສົນໃຈດຶງນັກເຕະ ແລະ ໄດ້ມີການເຈລະຈາກັນແລ້ວ.