ຫົງກຽມລ່າ ເຕເຊລາ ຕໍ່ຊຳເມີໜ້າ

 

ລີເວີພູ ຍັງບໍ່ຍອມໃນການໄລ່ລ່າ ອະເລັກ ເຕເຊລາ ເພເມກເກີ ຊັກຕາ ໂດເນັດ ມາປັ້ນເກມໃນຖິ່ນ ແອນຟິວ ຫຼັງຈາກວາງແຜນພ້ອມດຶງດາວເຕະໃນຊ່ວງຊຳເມີນີ້ໄວ້ແລ້ວ ຫາກເຊັນສັນຍາບໍ່ທັນເສັ້ນຕາຍຕະຫຼາດນັກເຕະໜ້າໜາວທີ່ຈະປິດລົງໃນວັນຈັນນີ້.

 

ເດລີ ສະຕາ ສື່ດັງຂອງເກາະອັງກິດ ລາຍງານຂ່າວເມື່ອວັນອາທິດທີ 31 ມັງກອນທີ່ຜ່ານມາວ່າ ລີເວີພູ ຍັກໃຫຍ່ຈາກ ພຣີເມຍລີກ ອັງກິດ ຕ້ອງການດຶງ ອະເລັກ ເຕເຊລາ ກອງກາງ ຊັກຕາ ໂດເນັດ ມາເສີມທັບໃຫ້ໄດ້ໃນຊ່ວງເປີດຕະຫຼາດໜ້າໜາວທີ່ຈະປິດໂຕລົງໃນວັນຈັນນີ້ ແຕ່ຖ້າບໍ່ສພເລັດກໍພ້ອມເດີນໜ້າລ່າຕໍ່ໃນຊ່ວງຊຳເມີໜ້າ.

ຫົງແດງ ມີຂ່າວພົວພັນກັບ ເພເມກເກີຄົນນີ້ມາໂດຍຕະຫຼອດ ຂະນະທີ່ ເຕເຊລາ ເອງກໍຢືນຢັນວ່າຢາກມາປະສານງານຕໍ່ບານສ້າງເກມບຸກກັບ ຄູຕິນໂຢ ເພື່ອນຮ່ວມທີມຊາດ ບາຊິວ ແຕ່ຕິດບ່ອນທີ່ສະໂມສອນແດນຢູເຄນຕ້ອງການໄດ້ຄ່າໂຕລາຍນີ້ສູງເຖິງ 53 ລ້ານປອນ.

 

ຢ່າງໃດກໍຕາມເຖິງວ່າດຶງໂຕ ເຕເຊລາ ບໍ່ທັນເສັ້ນຕາຍຕະຫຼາດນັກເຕະຊ່ວງຕົ້ນປີແທ້ ລີເວີພູ ກໍຍິນດີເດີນໜ້າລ່າກອງກາງລາຍນີ້ທີ່ຍິງໃຫ້ ຊັກຕາ ໄປ 22 ເມັດຈາກການລົງຫຼິ້ນໃນລີກ 15 ນັດລະດູການນີ້ຊ່ວງກາງປີເຊັ່ນກັນ.