ຫູດ ແລະ ຕາປາ ເຊົາໄດ້ ດ້ວຍກະທຽມແລະເປືອກກ້ວຍ

ຫູດ ແລະ ຕາປາ ເຊົາໄດ້ ດ້ວຍກະທຽມແລະເປືອກກ້ວຍ

ຫູດ (Wart) ເກິດຈາກຄວາມບໍ່ສົມດຸນຂອງໂມນຂອງຮ່າງກາຍ ເນື່ອງຈາກເຊື້ອໄວຮັສຊະນິດ (HPV)

ເມື່ອເຊື້ອໄວຮັສແຊກຊືມ ເຂົ້າສູ່ໃຕ້ຊັ້ນເຊລຜິວໜັງ ກໍ່ຈະເກິດການແບ່ງຕົວຢ່າງວ່ອງໄວ ກາຍເປັນຫູດງອກອອກຈາກຜິວໜັງສ່ວນນອກ ເຊີ່ງຫູດສາມາດເກິດຂຶ້ນບໍລິເວນໃດຂອງຮ່າງກາຍກໍ່ໄດ້

ໂລກຕາປາ (Corn) ຄື ການທີຜິວໜັງດ້ານໜາແລະແຂງເນື່ອງຈາກແຮງສຽດສີແລະແຮງກົດ ຕຳແໜ່ງທີ່ພົບເລື່ອຍໆ ໄດ້ແກ່ ບໍລິເວນຝ່າຕີນແລະນິ້ວຕີນເນື່ອງຈາການທີ່ໃສ່ເກີບແນ່ນເກິນໄປ ແລະ ການທີ່ຜິວໜັງບໍລິເວນຕີນແຫ້ງ ແລະ ຂາດຄວາມຊຸ່ມຊື່ນກໍ່ເປັນອີກສາເຫດໜຶ່ງຂອງຕາປາໄດ້

ວິທີກຳຈັດຫູດ

ວິທີທີ່ 1 ກະທຽມ + ສົ້ມສາຍຊູ: ການກຳຈັດຫູດດ້ວຍກະທຽມຖືເປັນວິທີທຳມະຊາດທີ່ດີທີ່ສຸດ ແລະ ງ່າຍຫຼາຍ ພຽງແຕ່ນຳກະທຽມມາປອກເປືອກ ແລະ ຫັ່ນເປັນແວ່ນ (ຂະໜາດພໍໆ ກັບຫູດຂອງເຈົ້າ) ນຳໄປແຊ່ໃນນ້ຳສົ້ມສາຍຊູ ໂດຍເທນ້ຳສົ້ມສາຍຊູໃຫ້ທ່ວມ ຈາກນັ້ນໃຫ້ນຳກະທຽມມາຕິດທີ່ຫູດ ແລະ ໃຊ້ພາດເຕີຕິດແຜປິດທັບໄວ້ ແລ້ວຖິ້ມໄວ້ 1 ຄືນ ເຊົ້າມື້ຕໍ່ມາເຮົາຈະເຫັນຄວາມປ່ຽນແປງຢ່າງແນ່ນອນ ວິທີນີ້ສາມາດເຮັດໄດ້ທຸກມື້ຈົນກວ່າຫູດຈະເຊົາ ໃຊ້ເວລາບໍ່ເກິນ 2-3 ອາທິດ ຫູດຈະເຊົາໄປເອງ

ວິທີທີ່ 2 ໃຊ້ນ້ຳສົ້ມສາຍຊູ + ແອັບເປີ້ນໄຊເດີ: ການໃຊ້ນ້ຳສົ້ມສາຍຊູແອັບເປີ້ນໄຊເດີເປັນໜຶ່ງໃນວິທີການຮັກສາຫູດຕາມທຳມະຊາດທີ່ມີປະສິດທິພາບຫຼາຍທີ່ສຸດສຳລັບໂລກຜິວໜັງ ແອັບເປີ້ນໄຊເດີເປັນນ້ຳສົ້ມສາຍຊູມີສານທີ່ຊ່ວຍໃນການທຳລາຍເຊື້ອແບັກທີເລຍ ຂັ້ນທຳອິດໃຫ້ເຮັດຄວາມສະອາດຜິວໜັງກ່ອນ ຈາກນັ້ນຈື່ງນຳສຳລີໄປແຊ່ຫຼືຊຸບໃນນ້ຳສົ້ມສາຍຊູແອັບເປີ້ນໄຊເດີໃຫ້ຊຸ່ມແລ້ວຈື່ງນຳມາແປະທັບໃນບໍລິເວນທີ່ເປັນຫູດແລ້ວໃສ່ຖົງຕີນທັບຖິ້ມໄວ້ຂ້າມຄືນເຮັດເປັນປະຈຳຮັບຮອງບອກລາຫູດໄດ້ແນ່ນອນ

ວິທີທີ່ 3 ເປືອກໝາກກ້ວຍ: ອາດຈະປະຫຼາດໃຈວ່າໃຊ້ເປືອກໝາກກ້ວຍແລ້ວຈະດີບໍ ຂໍບອກເລີຍວ່າມີຫຼາຍຄົນກາລັນຕີວ່າໄດ້ຜົນດີ ວິທີການກໍ່ງ່າຍໆ ພຽງແຕ່ໃຫ້ເປືອກໝາກກວຍດ້ານໃນມາຖູບໍລິເວນຜິວໜັງທີ່ເປັນຫູດ ແລ້ວແປະຖິ້ມໄວ້ໂດຍໃຊ້ຜ້າພັນແຜຫຼືພາດເຕີຕິດທັບໄວ້ຕອນກາງຄືນກ່ອນເຂົ້ານອນແລ້ວມາລ້າງອອກໃນຕອນເຊົ້າ ເຮັດຊ້ຳໄດ້ທຸກມື້ ຈະຊ່ວຍໃຫ້ຫູດລອກອອກມາໄວຂຶ້ນ ແລະ ບໍ່ເກິນ 1 ອາທິດເຫັນຜົນແນ່ນອນ