ຫສນຍ ໄຂບັ້ນດຳເນີນຊີວິດການເມືອງປັບປຸງ ປົວແປງພັກ ປີ 2017

ກອງປະຊຸມດຳເນີນຊີວິດ ການເມືອງປັບປຸງປົວແປງພັກ ຂອງອົງຄະນະພັກ ຫ້ອງວ່າ ການສຳນັກງານນາຍົກລັດຖະມົນຕີ ປະຈຳປີ 2017 ໄດ້ໄຂ ຂຶ້ນໃນຕອນເຊົ້າຂອງວັນທີ 29 ພຶດສະພານີ້ ທີ່ຫ້ອງວ່າ ການສຳນັກງານນາຍົກລັດຖະ ມົນຕີ (ຫສນຍ), ພາຍໃຕ້ການ ເປັນປະທານຂອງ ສະຫາຍ ເພັດ ພົມພິພັກ ກຳມະການສູນ ກາງພັກ ເລຂາຄະນະພັກ ລັດ ຖະມົນຕີ ຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ ໂດຍໃຫ້ກຽດເຂົ້າຮ່ວມ ແລະ ໃຫ້ທິດຊີ້ນຳຕໍ່ກອງປະຊຸມຂອງ ສະຫາຍ ທອງລຸນ ສີສຸລິດ ກຳມະການກົມການເມືອງສູນ ກາງພັກ ນາຍົກລັດຖະມົນຕີ, ມີສະຫາຍ ຮອງນາຍົກລັດຖະ ມົນຕີ, ບັນດາສະຫາຍລັດຖະ ມົນຕີປະຈຳສຳນັກງານນາຍົກ ລັດຖະມົນຕີ, ຄະນະພັກ ຫສນຍ, ສະມາຊິກພັກອາວຸ ໂສບຳນານ, ສະມາຊິກພັກ ສົມບູນ-ສຳຮອງ ພ້ອມດ້ວຍ ແຂກຖືກເຊີນເຂົ້າຮ່ວມ. ໃນໂອກາດໄຂກອງປະ ຊຸມ, ສະຫາຍ ເພັດ ພົມພິພັກ ໄດ້ກ່າວວ່າ: ກອງປະຊຸມດຳ ເນີນ ຊີວິດການເມືອງຄັ້ງນີ້ ແມ່ນ ມີຄວາມໝາຍຄວາມສຳຄັນ ເພາະແມ່ນຄວາມຮຽກຮ້ອງ ຕ້ອງການອັນຮີບດ່ວນ ເພື່ອ ປັບປຸງປົວແປງພາຍໃນພັກ ຂອງອົງຄະນະພັກ ຫສນຍ ຕາມຄຳສັ່ງຂອງກົມການເມືອງ ສູນກາງພັກ ເລກທີ 01/ກມສພ, ລົງວັນທີ 01 ກຸມພາ 2017 ແນໃສ່ສ້າງພັກເຮົາ ມີຄວາມ ປອດໃສ, ໜັກແໜ້ນ, ເຂັ້ມ ແຂງ, ມີການຫັນປ່ຽນຢ່າງຕັ້ງ ໜ້າ ແລະ ທັນກັບສະພາບການ ເພື່ອສືບຕໍ່ນຳພາ ພາລະກິດ ປົກປັກຮັກສາ ແລະ ພັດທະນາ ປະເທດຊາດ ຕາມທິດທີ່ມະຕິ ກອງປະຊຸມໃຫຍ່ ຄັ້ງທີ X ຂອງ ພັກ ກຳນົດໄວ້. ໃນໂອກາດ ດຽວກັນ, ສະຫາຍຍັງໄດ້ຮຽກ ຮ້ອງໃຫ້ບັນດາສະຫາຍສະມາ ຊິກພັກ ຈົ່ງເຊີດຊູ ແລະ ຍົກ ສູງຄວາມຮັບຜິດຊອບຂອງຕົນ ດຳເນີນການສຳຫຼວດກວດກາ ດ້ວຍຄວາມກ້າຫານ, ເດັດດ່ຽວ, ບໍລິສຸດ, ຈິງໃຈ ແລະ ສ້າງສັນ ເພື່ອເຮັດໃຫ້ກອງປະຊຸມຄັ້ງນີ້ ບັນລຸຕາມຈຸດປະສົງ ແລະ ລະ ດັບຄາດໝາຍ ເຮັດໃຫ້ພາຍໃນ ພັກປອດໃສ, ເຂັ້ມແຂງ ແລະ ໜັກແໜ້ນ ປະກອບສ່ວນເຂົ້າ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ກ້າວສູ່ຈຸດໝາຍປາຍທາງຕາມ ທີ່ພັກເຮົາກຳນົດໄວ້. ກອງປະ ຊຸມຄັ້ງນີ້ ຈະໄດ້ພ້ອມກັນຄົ້ນ ຄວ້າ, ເຊື່ອມຊຶມ 2 ເອກະສານ ສຳຄັນຄື: ເອກະສານເດັດດ່ຽວ ປັບປຸງປົວແປງພັກໃຫ້ປອດ ໃສ, ເຂັ້ມແຂງ ແລະ ໜັກແໜ້ນ ແລະ ບົດສະຫຼຸຸບຕີລາຄາຄວາມ ຮັບຜິດຊອບລວມ ຂອງຄະນະ ພັກ ຫສນຍ ໃນການຊີ້ນຳໆພາ ຈັດຕັ້ງປະຕິບັດ ມະຕິກອງປະ ຊຸມໃຫຍ່ ຄັ້ງທີ III ຂອງອົງຄະ ນະພັກ ຫສນຍ ແລະ ມະຕິ ກອງປະຊຸມໃຫຍ່ຜູ້ແທນທົ່ວ ປະເທດ ຄັ້ງທີ X ຂອງພັກປະ ຊາຊົນ ປະຕິວັດລາວ. ຈາກນັ້ນ ກອງປະຊຸມຈະໄດ້ປະກອບຄຳ ເຫັນໃສ່ບົດສະຫຼຸຸບຕີລາຄາ ຄວາມຮັບຜິດຊອບລວມຂອງ ຄະນະພັກ ຫສນຍ, ປະກອບ ຄຳເຫັນຕຳນິຕິຊົມຕໍ່ບຸກຄົນໃນ ຄະນະພັກ, ຄະນະນຳຂອງ ຫສນຍ, ແນະນຳການສຳຫຼວດ ບຸກຄົນໃນຄະນະພັກ ແລະ ສະ ມາຊິກພັກ ເພື່ອພ້ອມກັນຂຽນ ບົດສຳຫຼວດໃຫ້ຖືກຕ້ອງກັບ ຄວາມຈິງ. ໃນໂອກາດນີ້ ກອງປະ ຊຸມໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳຂອງສະຫາຍ ທອງລຸນ ສີສຸລິດ ຊຶ່ງກ່ອນອື່ນ ສະຫາຍໄດ້ຍົກໃຫ້ເຫັນຄວາມ ໝາຍ, ຄວາມສຳຄັນຕໍ່ການດຳ ເນີນຊີວິດການເມືອງປັບປຸງປົວ ແປງພັກ ລວມທັງມູນເຊື້ອ, ການເຕີບໃຫຍ່ຂະຫຍາຍຕົວ ແລະ ຜົນສຳເລັດອັນພົ້ນເດັ່ນ ພາຍໃຕ້ການນຳພາຊີ້ນຳຂອງ ພັກໃນແຕ່ລະໄລຍະ ຊຶ່ງໄດ້ ກາຍເປັນພື້ນຖານອັນໜັກ ແໜ້ນ ໃຫ້ແກ່ການພັດທະນາ ເສດຖະກິດ-ສັງຄົມ ກໍຄືການ ປົກປັກຮັກສາ ແລະ ສ້າງສາ ພັດທະນາປະເທດຊາດ, ເຮັດ ໃຫ້ປະເທດເຮົາສືບຕໍ່ມີຄວາມ ໜັກແໜ້ນທາງດ້ານການເມືອງ ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍ ພື້ນຖານ, ເສດຖະກິດຂະ ຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ, ຊີວິດການເປັນຢູ່ ຂອງປະຊາຊົນລາວບັນດາເຜົ່າ ນັບມື້ດີຂຶ້ນ, ການເຊື່ອມໂຍງ ກັບພາກພື້ນ ແລະ ສາກົນ ນັບ ມື້ຄ່ອງຕົວເປັນຢ່າງດີ. ທີ່ສຳ ຄັນ ສະຫາຍ ທອງລຸນ ສີສຸລິດ ໄດ້ມີຄຳເຫັນຊີ້ນຳຕໍ່ກອງປະ ຊຸມໃຫ້ເອົາໃຈໃສ່ຕື່ມບາງດ້ານ ເປັນຕົ້ນໃຫ້ພ້ອມກັນຕັດສິນໃຈ ລົງເລິກສຳຫຼວດ, ກວດກາ ແລະ ຕີລາຄາຄືນ ການນຳພາ- ຊີ້ນຳຂອງຄະນະພັກ, ຄວາມ ຮັບຜິດຊອບຂອງໝູ່ຄະນະ, ຂອງແຕ່ລະສະຫາຍ ທີ່ໄດ້ຮັບ ການມອບໝາຍຢູ່ໃນແຕ່ລະ ຂັ້ນ, ແຕ່ລະໜ່ວຍຢ່າງຮອບ ດ້ານ, ເລິກເຊິ່ງ, ຖືກກັບຄວາມ ເປັນຈິງ, ລົງເລິກວິເຄາະ, ໄຈ້ ແຍກ ຊອກໃຫ້ເຫັນບັນດາຈຸດ ດີ, ບົດຮຽນທີ່ຖອດຖອນໄດ້, ຈຸດອ່ອນ, ຂໍ້ຄົງຄ້າງ, ຈຸດບົກ ຜ່ອງດ້ານຕ່າງໆ ແລະ ສິ່ງທ້າ ທາຍທົດສອບທີ່ເປັນໄພອັນ ຕະລາຍຕໍ່ພັກ ທີ່ໄດ້ກຳນົດໄວ້ ໃນມະຕິກອງປະຊຸມໃຫຍ່ ຄັ້ງ ທີ X ຂອງພັກ, ພ້ອມທັງໄຈ້ແຍກ ໃຫ້ເຫັນສາເຫດທີ່ແທ້ຈິງຢ່າງ ພາວະວິໄສ. ສິ່ງສຳຄັນຕ້ອງ ຍອມຮັບ, ເຫັນແຈ້ງ ແລະ ເຂົ້າ ໃຈເປັນເອກະພາບຕໍ່ແຕ່ລະ ບັນຫາ ໂດຍຊີ້ໃຫ້ເຫັນບັນດາ ປັດໄຈທີ່ຈະຕ້ອງໄດ້ປັບປຸງແກ້ ໄຂ, ຍົກລະດັບ ເພື່ອສາມາດ ຕອບສະໜອງການເລັ່ງທວງ ຂອງສະພາບການໃນໄລຍະ ໃໝ່, ພາຍຫຼັງສຳເລັດກອງປະ ຊຸມຄັ້ງນີ້ ບັນດາບັນຫາຄົງຄ້າງ ຕ້ອງໄດ້ຮັບການປັບປຸງ, ປົວ ແປງ, ແກ້ໄຂ ໃຫ້ມີການຫັນ ປ່ຽນໃໝ່ທີ່ດີຂຶ້ນ. ກອງປະຊຸມຄັ້ງນີ້ ຈະໄດ້ ດຳເນີນເປັນເວລາ 7 ວັນ, ນັບ ແຕ່ວັນທີ 29 ພຶດສະພາຫາວັນ ທີ 6 ມີຖຸນາ 2017

Cr: http://www.pasaxon.org.la