ຫວັງສູງ!!ປືນໃຫຍ່ມີເປົ້່າໝາຍດຶງໂຕບຸສເກັດມາຮ່ວມທີມ

   ປືນໃຫຍ່ ອາເຊນ້ອນ ກຳລັງມີເປົ້າໝາຍດຶງໂຕ ເຊຄິໂອ້ ບຸສເກັດ ຜູ້ຫຼິ້ນກອງກາງຂອງບາເຊໂລນ້າມາຮ່ວມທີມແຕ່ເຊື່ອກັນວ່າ ບາເຊໂລນ້າຈະບໍ່ຍອມປ່ອຍໃຫ້ໃນຊ່ວງພັກລະດູການນີ້.

   ເຊຄິໂອ້ ບຸສເກັດ ສຸດຍອດກອງກາງໂຕຮັບຂອງບາເຊໂລນ້າ ຕົກເປັນຂ່າວເມື່ອວັນທີ 30 ກໍລະກົດທີ່ຜ່ານມາ ກຳລັງເປັນເປົ້າໝາຍເສີມທັບຊ່ວງພັກລະດູການນີ້ຂອງ ອາເເຊນ ເວນເກີ້ ຜູ້ຈັດການທີມອາເຊນ້ອນສະໂມສອນດັງຂອງເມືອງຜູ້ດີ.

   ເຊື່ອກັນວ່າ ບຸສເກັດ ຄືນັກເຕະທີ່ຈະເຂົ້າມາຊ່ວຍຍົກລະດັບການຫຼິ້ນໃຫ້ກັບ ຟາຊິສ ໂກເກີແລັງ ໄດ້ໂດຍ ສະປອດ ສື່ກິລາຊັ້ນຕົ້ນຂອງຖິ່ນກະທິງໂຫດລະບຸວ່າ ເວນເກີ້ ພ້ອມທີ່ຈະວາງເງິນກ້ອນໃຫຍ່ເພື່ອທີ່ຈະໄດ້ໂຕ ບຸສເກັດ ມາຫຼິ້ນໃນສະໜາມ ເອັມມິເຫຼດ ສະເຕດ້ຽມ.

   ເຖິງຢ່າງໃດກໍຕາມ ມັນເປັນເລື່ອງທີ່ຍາກຫຼາຍທີ່ບາເຊໂລນ້າຈະຍອມປ່ອຍ ບຸສເກັດ ອອກຈາກທີມ ໂດຍສະເພາະຢ່າງຍິ່ງກັບການທີ່ພວກເຂົາຍັງຄົງຢູ່ໃນຊ່ວງຖືກແບບເລື່ອງການເສີມທັບ.

    ໃນລະດູການທີ່ຜ່ານມາ ບຸສເກັດ ລົງຫຼີ້ນໃຫ້ກັບທີມໄປ 47 ນັດ ແລະ ຍິງໄດ້ 1 ປະຕູ ແລະ ມີສ່ວນສຳຄັນໃນການຊ່ວຍທີມໃຫ້ເປັນແຊ້ມສາມລາຍການ.