ຫລາຍພາກສ່ວນສະຫລອງ ວັນຄູແຫ່ງຊາດ

​​ໃນ​ວັນ​ທີ 6 ຕຸລາ 2015 ທີ່​ໂຮງຮຽນ ມສ ວຽງຈັນ ​ໄດ້​ຈັດ​ງານ​ສະ​ເຫລີ​ມສະຫລອງ ​ວັນຄູ​ແຫ່ງ​ຊາດ​ ຄົບຮອບ 21 ປີ ​ເພື່ອ​ລະນຶກ​ເຖິງ​ມູນ​ເຊື້ອ, ຜົນງານ ​ແລະ ຄຸນ​ງານ​ຄວາມ​ດີ​ຂອງ​ຄູ ​ໂດຍ​ມີ​ ທ່ານ ຄຳ​ຕັນ ​ໄຊ​ມານະ ອຳ​ນວຍ​ການ​ໂຮງຮຽນ ມສ ວຽງຈັນ, ທ່ານ ບຸນ​ທັນ ​ແສງມະນີ ຫົວໜ້າກົມມັດ​ທະ​ຍົມ ພະ​ແນ​ກສຶກສາ​ ນະຄອນ​ຫລວງ, ພ້ອມ​ດ້ວຍ​ນ້ອງ​ນັກ​ຮຽນ ​ເຂົ້າ​ຮ່ວມ​ຢ່າງ​ມ່ວນ​ຊື່ນ.

ທ່ານ ຄຳ​ຕັນ ອຳນວຍ​ການ​ໂຮງຮຽນ ​ມສ ວຽງຈັນ ​ໄດ້​ເຫລົ່າ​ປະ​ຫວັດ​ຄວາມ​ເປັນ​ມາ ​ຂອງ​ວັນ​ຄູ ​ແລະ ຄວາມໝາຍ​ຄວາມ​​ສຳຄັນ ​ແຫ່ງ​ການ​ກຳ​ເນີດ​ວັນ​ຄູ​ແຫ່ງ​ຊາດ​ລາວ ​​ໃຫ​້ກັບ​ພະນັກງານ​ຄູ​ອາຈານ ​ແລະ ນ້ອງ​ນັກຮຽນ ​ໄດ້​ເຂົ້າ​ໃຈ​ກ່ຽວກັບ​ປະຫວັດ​ໂດຍ​ຫຍໍ້, ນອກຈາກ​ນັ້ນ ພາຍ​​ໃນ​ງານ​ຍັງ​ມີ​ການສະ​ແດງ​ສີ​ລະ​ປະ​ ຈາກ​ນ້ອງ​ນັກຮຽນ​ເຊັ່ນ:  ບົດ​ຟ້ອນ​ມ່ວນ​ແທ້​ບ້ານ​ເຮົາ, ຮ້ອງ​ເພງຊີວິດ​ຄູ, ກາບກອນ​ສັງ​ສີນ​ໄຊ ​ແລະ ການສະ​ແດງ​ອື່ນໆອີກ.

​ໃນ​ວັນ​ດຽວກັນ ທີ່​ໂຮງຮຽນກ້າວໜ້າ ປະຖົມ​ມັດທະຍົມ​ສົມບູນ ກໍ​ໄດ້​ຈັດ​ກິດຈະກຳ ສະ​ເຫລີ​ມສະຫລອງ ​ວັນ​ຄູ​ແຫ່ງ​ຊາດ​ ​ເຊັ່ນ​ດຽວກັນ ​ໂດຍ​ມີ​ທ່ານ ບຸນ​ໄຫວ ຫລວງ​ລາດ ຜູ້ອຳນວຍການໂຮງຮຽນ ກ້າວໜ້າ, ທ່ານ ​ເກດ​ມະນີ ບັນດາສັກ ຮອງ​ຫົວໜ້າ ຫ້ອງການ​ສຶກສາທິການ ​ແລະ ກິລາ ​ນະຄອນຫລວງ​, ຜູ້​ປ​ົກຄອງ ​ແລະ ນ້ອງ​ນັກຮຽນ​ເຂົ້າ​ຮ່ວມ​ດ້ວຍ​ ບັນຍາກາດອັນ​ມ່ວນ​ຊື່ນ.

ທີ່ມາ http://kpl.gov.la/

ບົດຄວາມໃຫມ່ໆ