ຫລາຍພາກສ່ວນບໍລິຈາກເລືອດ ຊ່ວຍເຫລືອສັງຄົມ

 ບັນດາພະນັກງານ-ລັດຖະກອນ, ນັກຮຽນ, ນັກສຶກສາ,  ອົງການຈັດຕັ້ງທັງພາກລັດ ແລະ ເອກະຊົນ ຫລາຍກວ່າ 60 ພາກສ່ວນ ລວມມີ 700 ກວ່າຄົນ ສະໝັກໃຈ ເຂົ້າຮ່ວມ​ບໍລິຈາກເລືອດ ໃນວັນທີ 1 ຕຸລາ 2015 ​ ເພື່ອ​ຊ່ວຍ​ເຫລືອ​ສັງຄົມກໍຄື ຄົນ​ເຈັບທີ່​ມີ​ຄວາມ​ຕ້ອງການ​ເລືອດ ຢູ່​ຕາມໂຮງໝໍແຫ່ງຕ່າງໆ ໃນ​ທົ່ວ​ປະ​ເທດ  ​​ໂດຍ​ສະ​ເພາະ ​ແມ່ນຄົນ​ເຈັບ​ຜ່າ​ຕັດ, ອຸບັດ​ເຫດ ​ແລະ ອື່ນໆ.

ປັດຈຸ​ບັ ນການ​ບໍລິຈາກ​ເລືອດ​ຢູ່ ສປປ ລາວ ​​ໄດ້ມີ​ການຈັດ​ຕັ້ງການ​ເຄື່ອນ​ໄຫວ​ຮັບ​ບໍລິຈາກ​ເລືອດ​​ ກວມ​​ເອົາ​ໝົດ​ທຸກ​ແຂວງ​ໃນ​ທົ່ວ​ປະ​ເທດ. ສຳລັບ​ປີ​ນີ້ ສູນ​ບໍລິຈາກ​ເລືອດ​ແຫ່ງ​ຊາດ ​ວາງ​ເປົ້າ​ໝາຍ​ຮັບ​ບໍລິຈາກເລ​ືອດ​ໃຫ້​ໄດ້ 38 ພັນ​ຖົງ​ ໃນ​ທົ່ວ​ປະ​ເທດ ມາ​ຮອດ​ປັດຈຸບັນ ສາມາດ​ຮັບ​ບໍລິຈາກ​​ໄດ້19 ພັນ​ຖົງ ​​ແນວ​ໃດ​ກໍຕາມ ການ​ບໍລິຈາກ​ເລືອດ​ ຖ້າ​ອີງ​ໃສ່​ຕົວ​ເລກການ​ຊົມ​ໃຊ້​ຕົວ​ຈິງ ​ເຫັນ​ວ່າ​ຍັງ​ຕ່ຳ​ ​ແລະ ບ່ໍ​ທັນ​ພຽງພໍ​ກັບ​ຄວາມ​ຕ້ອງການ.

ໃນໄລຍະຜ່ານມາ ສູນບໍລິຈາກເລືອດແຫ່ງຊາດ ໄດ້ເຄື່ອນໄຫວປຸກລະດົມຂົນຂວາຍພ່ໍແມ່ປະຊາຊົນ, ພະນັກງານ-ລັດຖະກອນ, ທະຫານ, ຕຳຫລວດ ເຂົ້າຮ່ວມກິດຈະກຳບໍລິຈາກເລືອດຊ່ວຍເຫລືອສັງຄົມ ໃນຂອບເຂດທົ່ວປະເທດ ​ແລະ ຢູ່ສູນກາງກໍໄດ້ມີການຈັດກິດຈະກຳດັ່ງກ່າວ ຢ່າງຕໍ່ເນື່ອງ.

ທີ່ມາ http://kpl.gov.la/