ຫລາຍທີມຫວັງເປັນຕົວແທນໃຫ້ລາວໄປຮ່ວມ ຊີງໄຊ 2 ລາຍການໃຫຍ່

ໃນ​ຕໍ່ໜ້າ​ນີ້ ຈະ​ຈັດ​ແຂ່ງຂັນ​ເຕະບານ ຊີງ​ແຊ໊ມອາຊີ ຮອບ​ຄັດ​ເລືອກ 2016 ຫລື Qualified for the AFC Cup 2016 ​ແລະ ຊີງ​ແຊ໊ມສະ​ໂມ​ສອນ ລາວ​ໂຕ​ໂຍຕ້າ ​ແມ່​ຂອງ​ 2015 ຫລື Toyota Mekong Club Championship 2015 ​ເຊິ່ງຈະ​ໄດ້​​ເລືອກ​ເອົາ ທີ​ມ​ແຊ໊ມ​ການ​ແຂ່ງຂັນ​ເຕະບານ​ລາວ​ພຣີ​ເມຍ​ລີກ​ເປັນ​ຕົວ​ແທນ​ໃຫ້​ສະ​ໂມ​ສອນ​ບານ​ເຕະ​ຂອງ​ລາວ ​ໄປ​ຮ່ວມ​ການ​ແຂ່ງຂັນ​ທີ່​ກ່າວ​ມາ​ຂ້າງ​ເທິງ​ນັ້ນ.

     ປັດຈຸບັນ 3 ທີ​ມທີ່​ຈະ​​ໄດ້​ສິດ​ໄປ​ຮ່ວມ​ການ​ແຂ່ງຂັນ​ດັ່ງກ່າວ ມີ​ຄື ທີ​ມ ລາວ​ໂຕ​ໂຍຕ້າ ​ອັນ​ດັບ​ທີ 1 ຂອງ​ຕາຕະລາງ, ອັນ​ດັບ​ທີ 2 ທີ​ມ ລ້ານ​ຊ້າງ ຢູ​ໄນ​ເຕັດ ​ແລະ ອັນ​ດັບ​ທີ 3 ທີ​ມ ​ເອສ​ເຮັດ​ບີ ວຽງ​ຈັນ ​ເຊິ່ງທັງ​ສາມ​ທີ​ມນີ້ ລ້ວນ​ມີ​ໂອກ​າດ​ເປັນ​ຕົວ​​ແທນ​ໃຫ້​ແກ່​ສະ​ໂມ​ສອນ​ບານ​ເຕະ​ຂອງ​ລາວ ​ຕ່າງ​ແຕ່​ວ່າ ທີ​ມ​ໃດ​ຈະ​ຮັກສາ​ສະຖິຕິ​ບໍ່​ເສຍ​ໃນ​ນັດ​ທີ່​ຍັງ​ເຫລືອ​ເທົ່າ​ນັ້ນ.

     ສຳລັບ​ທີ​ມ ລາວ​ໂຕ​ໂຍຕ້າ ຍັງ​ມີ​ແຜນ​ແຂ່ງຂັນ​ອີກ 4 ນັດ ​ເຊິ່ງຈະ​ພົບ​ກັບ ທີ​ມ ຮວ່າງ​ແອັງ​ອັດ​ຕະປື, ທີ​ມ ​ໄອ​ດີ​ຊີ ຈຳປາ​ສັກ, ທີ​ມ ​ໄຟຟ້າ​ລາວ ​ແລະ ທີ​ມ ປກສ, ສ່ວນ​ທີ​ມ ລ້ານ​ຊ້າງ ຢູ​ໄນ​ເຕັດ ຈະ​ພົບ​ກັບ ທີ​ມ ​ເອສຣາ, ທີ​ມ ອິສ​ເຕິ​ນສະຕາ, ທີ​ມ ຊ້າງ​ນ້ອຍ ​ແລະ ທີ​ມ ຮວ່າງ​ແອັງ​ອັດຕະປື, ຂະນະ​ທີ່ ທີ​ມ ​ເອສ​ເຮັດ​ບີ ຈຳປາ​ສັກ ຈະ​ພົບ​ກັບ ທີ​ມ ​ໄອ​ດີ​ຊີ ຈຳປາ​ສັກ, ທີ​ມ ຮວ່າງ​ແອັງ​ອັດ​ຕະປື, ທີ​ມ ປກສ, ທີ​ມ ຊ້າງ​ນ້ອຍ ​ແລະ ທີ​ມ ​ໄຟຟ້າ​ລາວ.

ທີ່ມາ http://kpl.gov.la/