ຫລວງພະບາງແລ່ນມາລາທອນລະດົມທືນ ຈັດຊື້ອຸປະກອນການແພດ

ຕອນເຊົ້າຂອງວັນທີ 18 ຕຸລານີ້ ທີ່ເມືອງມໍລະດົກໂລກຫລວງພະບາງ ໄດ້ຈັດການແຂ່ງຂັນແລ່ນມາລາທອນເພື່ອສຸຂະພາບ ແລະ ລະດົມທຶນ​ເພື່ອຈັດຊື້ອຸປະກອນການແພດ ແລະ ສ້າງໂຮງໝໍເດັກ ໃນແຂວງຫລວງພະບາງ ຮ່ວມ​ກັບ​ສະຖານ ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ປະຈຳ​ລາວ, ໂດຍມີ ນັກກິລາແລ່ນ ມາລາທອນອາຊີບ ແລະ ສະໝັກຫລິ້ນ, ແຂກທັງພາຍໃນ ແລະ ຕ່າງປະເທດເຂົ້າຮ່ວມ.

ທ່ານ ວົງສະຫວັນ ເທບພະຈັນ ຮອງເຈົ້າແຂວງໆ​ຫລວງ​ພະ​ບາງ ໄດ້ກ່າວວ່າ: ການແຂ່ງຂັນຄັ້ງນີ້ ​ແບ່ງເປັນ 3 ລະດັບຄື: 7.000 ແມັດ, 14.000 ແມັດ ແລະ 21.000 ແມັດ, ໂດຍໄດ້ມີການ ປະກອບສ່ວນຈາກພາກສ່ວນ ກ່ຽວຂ້ອງຂອງແຂວງ ເປັນຕົ້ນ ແມ່ນພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວ, ພະແນກສືກສາທິການ ແລະ ກິລາ, ກອງບັນຊາການປ້ອງກັນຄວາມສະຫງົບ, ສະມາຄົມໂຮງແຮມເຮືອນພັກ ແລະ ຮ້ານອາຫານ. ສັບລັບຜູ້ເຂົ້າຮ່ວມທຸກຄົນ ແມ່ນຈະໄດ້ເປັນສ່ວນໜື່ງ ໃນການສົມທົບທຶນ ໃນການຈັດຊື້ອຸປະກອນການແພດ ແລະ ສ້າງໂຮງໝໍເດັກຢູ່ແຂວງຫລວງພະບາງ