ຫນັງທີ່ສ້າງເງິນທົ່ວໂລກສູງສຸດ 20 ອັນດັບໃນປີ2017ທີ່ຜ່ານມາ

ຫນັງທີ່ສ້າງເງິນທົ່ວໂລກສູງສຸດ 20 ອັນດັບໃນປີ2017ທີ່ຜ່ານມາ


ຈາກ Worldwide Box Office 2017 ຫລື ລາຍໄດ້ການຂາຍປີ້ຫນັງໃນປີ2017ທົ່ວໂລກ (ຍັງບໍ່ໄດ້ລວມລາຍໄດ້ທາງອື່ນໆ) ການຈັດອັນດັບນີ້ຄືເລື່ອງຂອງລາຍໄດ້ລ້ວນໆ ແລະ ແອັດມິນຈະບໍ່ສະປອຍເນື້ອເລື່ອງໃດໆໃຫ້ລູກເພຈຟັງເດີ້ ຮາຮາ ຕ້ອງນຳໄປເບິ່ງເອົາເອງວ່າມັນ ມ່ວນ ມັນສ ຊຳ່ໃດ ໄປເບິ່ງພ້ອມໆກັນເລີຍ:


ອັນດັບ20 Kingman: The Golden Circle (20th Century Fox)  

 21 ກັນຍາ 2017


ນີ້ແມ່ນຫນັງພາກຕໍ່ເລື່ອງທີ2 ວ່າດ້ວຍສາຍລັບອັງກິດຝີມືສຸດໂຫດ ຕ້ອງໄປຮ່ວມງານກັບສາຍລັບອາເມຣິກາ ເພື່ອປາບວາຍຮ້າຍສາວລຸ້ນໃຫຍ່ ທຶນສ້າງຫລາຍກວ່າພາກ1ຫນ້ອຍຫນຶ່ງ ແຕ່ສ້າງລາຍໄດ້ຫນ້ອຍກວ່າຫນ້ອຍຫນຶ່ງເຊັ່ນກັນ (ພາກຫນຶ່ງທຶນ91ລ້ານສ້າງລາຍໄດ້ໄປ414ລ້ານ)
ທຶນສ້າງ 104ລ້ານດອນລ້າ ຈົບລາຍໄດ້ທົ່ວໂລກທີ່ 395ລ້ານດອນລ້າ ($395,516,286)


ອັນດັບທີ19 The Mummy (Universal Pictures)
7 ມິຖຸນາ 2017 


ເດິ ໝຳມີ້ ຄືຫນັງເປິດຈັກກະວານດາຣກຢູນິເວິຣສ ວ່າດ້ວຍເລື່ອງລາວຂອງເຈົ້າຍິງອີຢິບຜູ້ໂຫດຫ້ຽມຖືກຈັດມາເປັນໝຳມີ້ ກ່ອນຈະມາຄືນຊີບອີກຄັ້ງຫລັງຈາກ50ປີຜ່ານມາ.  ລາຍໄດ້ບໍ່ໄດ້ທຳມະດາຂະຫນາດນັ້ນ ແຕ່ສະຕູດິໂອຄາດຫວັງຫລາຍກວ່ານີ້ ຈຶ່ງເຮັດໃຫ້ອານາຄົດຫນັງເລື່ອງຕໍ່ໆໄປໃນຈັກກະວານຫນ້າເປັນຫວ່ງ ວ່າຈະໄດ້ສ້າງບໍ່
ທຶນສ້າງແມ່ນ 125ລ້ານດອນລ້າ ຈົບລາຍໄດ້ທົ່ວໂລກຢູ່ທີ່ 409ລ້ານດອນລ້າ($409,104,837)


ອັນດັບ18 War for the planet of the Apes (20th Century Fox) 

13ກໍລະກົດ2017


ຊີຊ່ານຳພາພີ່ນ້ອງວານອນປະທະກັບພວກມະນຸດອີກຄັ້ງ ເປັນພາກທີ3 ແລ້ວໃນຫນັງເລື່ອງນີ້ (ນັບແຕ່ອັນທີ່ນຳມາສ້າງໃຫມ່ຍຸກ2000) ດຣາມ່າທີ່ສຸດດດ ແລະມັນບໍ່ແມ່ນສົງຄາມທີ່ສູ້ກັນໂຄມຄາມ ແຕ່ເປັນສົງຄາມພາຍໃນຈິດໃຈຂອງທັງວານອນແລະມະນຸດຊະຫລາຍກວ່າ
ທຶນສ້າງ 150ລ້ານດອນລ້າ ຈົບລາຍໄດ້ທົ່ວໂລກ 490ລ້ານດອນລ້າ ($490,664,238)


ອັນດັບ17 The Boss Baby (20th Century Fox) 

30 ມີນາ 2017


ອະນິເມຊັ່ນຫນຶ່ງດຽວຂອງຄ້າຍຟ໊ອກຊທີ່ຕິດທ໋ອບ 20 ໃນປີນີ້ ຫນັງເດັກນ້ອຍ ໄວໃສ ໄວລຸ້ນມັກ ພາບງາມ ມຸກຕະລົກມາຕະຫລອດ ແຕ່ກໍ່ແຝງແງ່ຄິດໃຫ້ຜູ້ໃຫຍ່ໄວເຮັດວຽກແລະມີລູກມີເຕົ້າໄດ້ຄຸ້ນຄິດ ກັບການລ້ຽງລູກແນວໃດ ສັງເກດພຶດຕິກຳລູກຫລືບໍ່ ເມື່ອລູກຄົນທຳອິດຄິດວ່ານ້ອຝໂຕເອງມາຍາດຄວາມຮັກຈາກພໍ່ແມ່ໄປ ແລ້ວລາວຈະຈັດການກັບເລື່ອງນີ້ແນວໃດ 
ທຶນສ້າງ125ລ້ານດອນລ້າ ຈົບລາຍໄດ້ທົ່ວໂລກທີ່ 498ລ້ານດອນລ້າ ($498,982,283)


ອັນດັບທີ16 Dunkirk (Warner Bros)
20 ກໍລະກົດ 2017 


ຫນັງສ້າງຈາກປະຫວັດສາດຄວາມຈິງຊ່ວງສົງຄາມໂລກຄັ້ງທີ2 ເມື່ອພວກທະຫານຂອງຝ່າຍສຳພັນທະມິດຕ້ອງຕິດຢູ່ເທິງອ່າວດັນເຄິຣກ ພວກເຂົາຈະກັບບ້ານແບບໃດ ໂນແລນຖ່າຍທອດອອກມາໄດ້ແປກຕາແປກອາລົມ ເລົ່າເລື່ອງແວກແນວ ເຮັດໃຫ້ເບິ່ງຍາກໄປແນ່ ແຕ່ຫນັງກໍ່ຍັງສ້າງເງິນໄດ້ຢູ່ດີ
ທຶນສ້າງ100ລ້ານດອນລ້າ ຈົບລາຍໄດ້ທົ່ວໂລກທີ່ 525ລ້ານດອນລ້າ($525,573,)


ອັນດັບ15 Kong: Skull Island (Warner Bros.)
9ມີນາ2017


ຄອງຄືຫນັງຈັກກະວານດຽວກັບກ໊ອດຊິລລ່າ ແລະນີ້ຈຶ່ງນັບເປັນຫນຶ່ງເລື່ອງທີສອງໃນຈັກກະວານມອນສະເຕີຂອງຄ້າຍວໍເນີ້ແນ່ນອນວ່າຕໍ່ຈາກນີ້ຈະມີໄຄຈູຊະນິດອື່ນໆອອກມາແນ່ນອນ ແລະ ອ້າຍຄອງກັບອ້າຍກ໊ອດຈິຈະສູ້ກັນເອງ ຫລືຈະຊ່ວຍກັນປາບໄຄຈູ ຕ້ອງຖ້າຕິດຕາມກັນຕໍ່ໄປ
ທຶນສ້າງ185ລ້ານດອນລ້າ ຈົບລາຍໄດ້ທົ່ວໂລກທີ່566ລ້ານດອນລ້າ($566,652,812)


ອັນດັບທີ14 Transformers: The Last Knight (paramount Pictures)
22ມິຖຸນາ2017


ເດິລັສໄນທ ຄືຫນັງພາກທີ5 ຂອງຈັກກະວານທຣານຟໍເມີ້ ພວກອໍໂຕ້ບອທ ແລະ ດີເຊບຕິຄອນກໍ່ຍັງສູ້ກັນບໍ່ຢຸດ ມາໃນພາກນີ້ມີພວກລະດັບເທບເຈົ້າຈັກກົນໂຜ່ອອກມາອີກ ເຖິງວ່າສິໄດ້ຮັບສຽງວິຈານດ້ານລົບມາຫລາຍ ແຕ່ຫນັງກໍ່ຍັງສ້າງເງິນໄດ້ຢູ່ດີ 
ທຶນສ້າງ 217ລ້ານດອນລ້າ ຈົບລາຍໄດ້ທົ່ວໂລກທີ່605ລ້ານດອນລ້າ($605,425,157)


ອັນດັບທີ13 Logan (20th Century Fox) 

2ມີນາ2017


ໂລແກນເປັນຫນັງ ຊຸບເປີ້ຮີໂລ່ທີ່ດຣາມ່າກັນຫລາຍ ໃນຄວາມແອັກຊັ່ນມີຄວາມຣຽວ ຄວາມດາຣຄ໌ ຈຶ່ງໄດ້ຮັບສຽງວິຈານດ້ານບວກຫລາຍພໍສົມຄວນ ແຖມຍັງສ້າງເງິນໄດ້ອີກ ບໍ່ທຳມະດາແທ້ໆ
ທຶນສ້າງ 97ລ້ານດອນລ້າ ຈົບລາຍໄດ້ທົ່ວໂລກທີ່616ລ້ານດອນລ້າ ($616,795,600)


ອັນດັບທີ12 Justice League (Warner Bros.) 

16ພິຈິກ2017


ເປັນຫນັງລວມຊຸບເປີ້ຮີໂລ່ຂອງດີຊີ ວ່າດ້ວຍໂລກຖືກຄຸກຄາມຈາກເອລ້ຽນລະດັບນິວກ໊ອດ ທີ່ມາພ້ອມກັບລູກສະມຸນເພື່ອຍຶດຄອງໂລກ ພວກເຂົາຕ້ອງລວມທີມໂດຍດ່ວນເພື່ອຕ້ານແລະຂັບໄລ່ຜູ້ຮຸກຮານ
ທຶນສ້າງ 300ລ້ານດອນລ້າ ຈົບລາຍໄດ້ທົ່ວໂລກທີ່652ລ້ານດອນລ້າ ($652,139,162)


ອັນດັບ11 IT (Warner Bros.)
30ຕຸລາ2017


ອິດ ຫລືທີ່ແປວ່າ ມັນ ເປັນເລື່ອງເອົາກັບມາສ້າງໃໝ່ທີ່ດີບໍ່ແພ້ໂຕເກົ່າເລີຍ ແຖມຍັງສ້າງລາຍໄດ້ ໄດ້ຫລາຍກວ່າພ້ອມ ສ້າງມາຈາກນິຍາຍສະຍອງຂັວນຂອງ ສະຕີເຟນຄິງ ກຸ່ມເດັກລູສເຊີ້ຈະສູ້ກັບປີສາດແນວໃດ ໃຜທີ່ຍັງບໍ່ເບິ່ງກະລອງໄປຊອກເບິ່ງເດີ້ ເປັນຫນັງທີ່ຫນ້າເບິ່ງຫນັງຫນຶ່ງເລີຍກໍ່ວ່າໄດ້
ທຶນສ້າງ 35ລ້ານດອນລ້າ ຈົບລານໄດ້ທົ່ວໂລກທີ່698ລ້ານດອນລ້າ ($698,781,748)


ອັນດັບທີ10 Coco (Walt Disney) 

30ພະຈິກ2017


ໂຄໂຄ ຫນັງອະນິເມຊັ່ນເລື່ອງນີ້ຄືການສ້າງສັນຂອງພິກຊ່າອີກເຊັ່ນເຄີຍ ວ່າດ້ວຍເລື່ອງເດັກຊາຍແມັກສິກັນຕາມຫາຄວາມຝັນໃນການຫຼິ້ນດົນຕີຂອງຕົນເອງ ນຳໄປຈົນຮອດດິນແດນຫລັງຄວາມຕາຍ ນອກຈາກຄວາມມ່ວນແລ້ວ ຫນັງຍັງມີມິຕິຊັ້ນເຊີງໃຫ້ຄຸ້ນຄິດແລະລຳ້ລຶກຫລາຍ ຄືກັບຫນັງດິສນີ່ຂອງພິກຊ່າຍຸກຫລັງໆທຸກເລື່ອງ
ທຶນສ້າງ 150ລ້ານດອນລ້າ ລາຍໄດ້ທົ່ວໂລກທີ່701ລ້ານດອນລ້າ ($701,481,690) 


ອັນດັບທີ9 Pirates of the caribbean: Dead Men Tell No Tales (Walt Disney) 

27ພຶດສະພາ 2017


ກັບຕັນສະແປໂຣວ໌ກັບມາອີກຄັ້ງ ນີ້ແມ່ນຫນັງພາກຕໍ່ເລື່ອງທີ5 ເຂົ້າໄປແລ້ວ ວ່າດ້ວຍເລື່ອງໂຈດເກົ່າອີກຄົນຂອງແຈ໊ກ ກັບຕັນຊາລາຊ່າ ກັບມາຈາກຄວາມຕາຍເພື່ອແກ້ແຄ້ນ ຫນັງຍັງຄົງສ້າງເງິນຕາມເຄີຍ ແມ້ແຟນພັນແທ້ຈະພົບວ່າເລື່ອງລາວມີພລອດໂຮລດຫລາຍປານໃດກໍ່ຕາມ
ທຶນສ້າງ230ລ້ານດອນລ້າ ຈົບລາຍໄດ້ທົ່ວໂລກທີ່794ລ້ານດອນລ້າ ($794,861,794)


ອັນດັບ8 Wonder Woman (Warner Bros.)   

1ມິຖຸນາ2017


ຊຸບເປີຮີໂຣຍິງທີ່ມາແຮງສຸດໆ  ຫນັງເລົ່າເລື່ອງແບບບໍ່ຄັດຂ້ອງເລີຍ ວ່າດ້ວຍເລື່ອງຂອງລູກເຄິ່ງເທບພະເຈົ້າ ໄດອານ່າ ໃນອາຍຸ 5,000ປີ ຕ້ອງມາລົມກັບເຫຼົ່າມະນຸດຄັ້ງທຳອິດໃນຊ່ວງປາຍສົງຄາມຄັ້ງທີ1 ເພື່ອຢຸດຢັ້ງສົງຄາມນີ້  ທຶນສ້າງ 149ລ້ານດອນລ້າ ຈົບລາຍໄດ້ທົ່ວໂລກທີ່ 821ລ້ານດອນລ້າ ($821,847,012)


ອັນດັບທີ7 Thor: Rangnarok (Walt Disney) 

2ພະຈິກ 2017


ຫນັງເລື່ອງທີ17ໃນຈັກກະວານ MCU ແລະເປັນຫນັງດ່ຽວເລື່ອງທີ3 ຂອງທໍ ວ່າດ້ວຍສົງຄາມແຣັກນາຣ໋ອກໃນຕຳນານໄດ້ເກີດຂຶ້ນ ຫນັງສ້າງລາຍໄດ້ຫລາຍກວ່າຫນັງດ່ຽວຂອງທໍທັງ2ພາກທີ່ຜ່ານມາ ເປັນການປິດໄຕຣພາກທີ່ຄັກແລະງາມຫລາຍ
ທຶນສ້າງ180ລ້ານດອນລ້າ ຈົບລາຍໄດ້ທົ່ວໂລກທີ849ລ້ານດອນລ້າ ($849,136,243)


ອັນດັບ6 Guardians of the Galaxy Vol.2 (Walt Disney) 

26ເມສາ2017


ຫນັງເລື່ອງທີ15 ໃນຈັກກະວານMCU ແລະເປັນຫນັງເລື່ອງທີສອງຂອງແກ໊ງກາຣ໌ດ້ຽນ ວ່າດ້ວຍເລື່ອງລາວທີ່ສະຕາຣ໌ວ່າດ້ວຍເລື່ອງລາວທີ່ສະຕາຣ໌ລອຣ໌ດໄດ້ພົບກັບພໍ່ຂອງຕົນເອງ ອີໂກ້ ຜູ້ມີພະລັງລະດັບມະຫາເທບພະເຈົ້າຜູ້ສ້າງຫລືເຊເລສທຽນ ໃນເອນດ໌ເຄຣດິດເຜີຍຕົວລະຄອນອີກຫນຶ່ງຄົນທີ່ສຳຄັນສຸດໆອີກດ້ວຍ
ທຶນສ້າງ200ລ້ານດອນລ້າ ຈົບໄດ້ທົ່ວໂລກທີ່863ລ້ານດອນລ້າ ($863,732,512)


ອັນດັບ5 Spider-Man: Homecoming (Sony, walt Disney)

6ກໍລະກົດ2017


ຫນັງທີ16 ໃນຈັກະວານ MCU ເປັນຫນັງຮ່ວມສ້າງຂອງໂຊນີ່ກັບວອລທ໌ດິສນີ່ ໂດຍສະໄປດີ້ເວີຊັ່ນນີ້ຄືການຣີບູທໃຫ້ມາຮ່ວມຈັກກະວານ MCU ນັ້ນເອງບໍ່ແມ່ນພາກຕໍ່ ຖືວ່າເປັນການເລົ່າຈຸດກຳເນີດສະໄປດີ້ອີກມຸມຫນຶ່ງທີ່ມີທັງດຣາມ່າແລະຄວາມຕະລົກ ເດັກມັດທະຍົມປາຍໄດ້ເປັນຊຸບເປີ້ຮີໂຣ່ມັນກໍ່ຈະອອກມາຂາດເກີນໆແບບນີ້ລະ
ທຶນສ້າງ175ລ້ານດອນລ້າ ຈົບລາຍໄດ້ທົ່ວໂລກທີ່ 880ລ້ານດອນລ້າ ($880,166,924)


ອັນດັບທີ4  Despicable Me3 (Universal Pictures ) 

15ມິຖຸນາ2017


ເປັນຫນັງແອນິເມຊັ່ນທີ່ພາກກ່ອນໆຕົວປະກອບຫລືກຸ່ມມິນຽນລັກຊີນກະຈາຍ ດັງຂະນາດມີຫນັງດ່ຽວຂອງໂຕເອງຂາຍສິນຄ້າຂາຍລິຄະສິດມິນນ້ຽນໄດ້ອີກມະຫາສານ ຕໍ່ຍອດຈາກຫນັງສ້າງລາຍໄດ້ຫລາຍກວ່າຫນັງໄປແລ້ວ ຮາຮາ ແຕ່ຫນັງດັ້ງເດີມຂອງເລື່ອງນີ້ຍັງຄົງແຮງສຸດໆເຊັ່ນກັນ ແຮງຂະຫນາດເຖິງຕິດອັນດັບ4ເລີຍ ແລະ ພັນລ້ານດອນລ້າ 
ທຶນສ້າງ80ລ້ານດອນລ້າ ຈົບລາຍໄດ້ທົ່ວໂລກທີ່1,033ລ້ານດອນລ້າ ($1,033,508,147)


ອັນດັບ3 The Fate of the Furious (Universal Pictures)
12ເມສາ2017 


ຟາສທ໌8 ເລື່ອງນີ້ເປັນອີກເລື່ອງຫນຶ່ງ ທີ່ຂາຍແອັກຊັ່ນແລະບົດບູ້ລ້າງຜານແບບວິນາສະສັນຕະໂຣແບບຈັດເຕັມ ນັກວິນຍານບໍ່ມັກ ແຕ່ຄົນເບິ່ງສ່ວນໃຫຍ່ໃນໂລກຈະມັກ ແອັດມິນເອງກະມັກຄືກັນ ^^  ຫນັງວ່າດ້ວຍເລື່ອງສຸດຍອດວາຍຮ້າຍສາວສຸດຈິ໊ດ ທີ່ຫລິ້ນເອົາທີມດອມແທບໄປບໍ່ເປັນກັນເລີຍ ຫນັງຂ້າມການແຂ່ງລົດໄປແລ້ວ ຫນັງພາໄປສູ່ອົງກອນຮ້າຍຂ້າມຊາດໄປ ພາກນີ້ມີເຮືອດຳນຳ້ພາກຕໍ່ໄປຄົງສິໄປຮອດຍານອາວະກາດ 5555+
ທຶນສ້າງ 250ລ້ານດອນລ້າ ຈົບລາຍໄດ້ທົ່ວໂລກຢູ່ທີ່ 1,235ລ້ານດອນລ້າ ($1,235,761,498)


ອັນດັບ2 Beauty and the beast (Walt Disney)
16ມີນາ2017


ໂຊມງາມກັບເຈົ້າຊາຍອາສູນ ເປັນຫນັງເລື່ອງທຳອິດຂອງປີທີ່ທະລຸພັນລ້ານນະປັດຈຸບັນເປັນອັນດັບ2ຂອງປີນີ້ ຫນັງມີຄວາມເທບນິຍາຍແບບແຟນຕາຊີສູງແຮງ ພາບງາມແຮງງງ ເພງມ່ວນນນ ມ່ວນເພິດເພີນ ອິ່ມເອມເປຣມໃຈ ບໍ່ມີມົນລະພິດ ຫລັງອອກຈາກໂຮງຫນັງ ໄດ້ພະລັງດ້ານບວກໄປສູ້ກັບໂລກຄວາມຈິງທີ່ໂຫດຮ້າຍກັນຕໍ່ໄປ 
ທຶນສ້າງ 160ລ້ານດອນລ້າ ຈົບລາຍໄດ້ທົ່ວໂລກທີ່1,263ລ້ານດອນລ້າ ($1,263,521,126)


ອັນດັບ1:Star Wars: The last Jedi (Walt Disney)   

14ທັນວາ2017


ສົງຄາມດວງດາວຍັງບໍ່ຈົບ ຢ່າຟ້າວນັບສົບສະຕຣອມທຣູບເປີ້ ເພາະເດິລາສເຈໄດຍັງບໍ່ອອກຈາກໂຮງຫນັງ ແຕ່ວ່າແນວໃດຕອນນີ້ກໍ່ສ້າງເງິນໄປສູງສຸດຂອງປີແລ້ວ ຫນັວວ່າດ້ວຍເລື່ອງລາວການປະທະກັນຂອງປະຖົມພາຄີແລະຝ່າຍຕໍ່ຕ້ານ ດຣາມ່າແອັກຊັ່ນມາເຕັມແຖມຍັງພິກຫລາຍຮອບ ຈົນຄົນເບິ່ງຈັບທາງບໍ່ຖືກເລີຍແລະ
ທຶນສ້າງ200ລ້ານດອນລ້າ ລາຍໄດ້ທົ່ວໂລກທີ1,320ລ້ານດອນລ້າ ($1,320,568,448) 

 

 

ເປັນຈັ່ງໃດແດ່ນໍ້ແຟນເພຈຫລັງຈາກໄດ້ຟັງແລ້ວ ມີແຕ່ຫນັງມ່ວນໆເລີຍທີດຽວ ໃຜທີ່ຍັງບໍ່ໄດ້ເບິ່ງເທື່ອຕອນທີ່ເຂົ້າໂຮງກະລອງໄປຊອກເບິ່ງເດີ້ 
ສ່ວນປີ2018ຈະມີຫນັງເລື່ອງໃດສ້າງເງິນໄດ້ແດ່ ພົບກັນແນ່ນອນ